Now Reading:
दुईतिहाइको सरकारलाई भत्काउन विपक्षीहरू लागिपरेका छन्: नेम्वाङ
Full Article 50 second read

दुईतिहाइको सरकारलाई भत्काउन विपक्षीहरू लागिपरेका छन्: नेम्वाङ

असोज ११, इलाम । नेपाल कम्युनिष्ट पार्टीका संसदीय दलका उपनेता सुवासचन्द्र नेम्वाङले प्रमुख प्रतिपक्षी काङ्ग्रेसले विगतमा आफैँले गरेका निर्णयलाई अहिले विरोध गरिरहेको आरोप लगाँउनु भएको छ ।

“मुलुकी ऐनको मस्यौदा शेरबहादुर देउवा नेतृत्वको सरकारले बनाएको हो”, नेम्वाङले भन्नु भयो, “त्यही दस्तावेज पनि काङ्ग्रेसले विरोध गरिरहेको छ, यो आश्चर्य कुरा हो ।” आज बिहान इलाम सदरमुकाममा पार्टी कार्यकर्ता तथा पत्रकारसँग छलफल गर्दै उहाँले भन्नु भयो । अहिले नेकपा नेतृत्वको दुईतिहाइको सरकार लाई भत्काउन विपक्षीहरू लागिपरेको बताउँदै नेम्वाङले पार्टीलाई सुदृढ र सक्षम बनाउन पार्टी दह्रो हुनुपर्ने उल्लेख गरे । नेपालको संविधान ९० प्रतिशत संसद्ले हस्ताक्षर गरेको संविधान रहेकाले यो संसारकै शक्तिशाली संविधान रहेको नेम्बाङले दाबी गर्नु भयो । नेम्वाङले आफूलाई संसद्को शपथ खुवाउने व्यक्ति नै राजपाका नेता महन्थ ठाकुर रहेको भन्दै अहिले संविधान सबैले स्वीकार गरिरसकेको दाबी गर्नु भयो।

1 comment

  • किरन गुरुङ

    विपक्ष त छ्दै छ सुभास जि 2,3 को सरकार सता बाट नै भत्काउन सुरु भाको छ।

Leave a Reply

Your email address will not be published. Required fields are marked *

Input your search keywords and press Enter.