चीतवन– भरतपुर महानगरपालिकाले भ्रमण वर्ष सन् २०२० लाई विशेष कार्यक्रमका साथ स्वागत गर्ने भएको छ। सङ्घीय सरकारले छानेका एक सय पर्यटकीय गन्तव्यमध्येको एक पटिहानी र प्रदेश सरकारले छानेको एक जिल्ला एक पर्यटकीय गन्तव्यमध्येको मेघौली महानगरपालिकामा पर्दछ।

महानगरपालिकाका पर्यटन विज्ञ विश्वराज सुवेदीका अनुसार नगर प्रमुखको संयोजकत्वमा ११ सदस्यीय स्टेरिङ कमिटी र ९१ सदस्यीय मूल समिति निर्माण गरी काम अघि बढाइएको छ। सुवेदीकै संयोजकत्वमा क्यालेन्डर र ब्रुसर निर्माण उपसमिति गठन गरिएको छ।

पर्यटन व्यवसायी दिनेश चुकेको संयोजकत्वमा स्तम्भ निर्माण उपसमिति र अमृत जोशीको संयोजकत्वमा ¥याली व्यवस्थापन उपसमिति गठन गरिएको छ। चुकेका अनुसार जिल्ला भित्रने पर्यटकका लागि नयाँ पन दिने गरी नारायणी पुलको पूर्वपट्टि नारायणी नदी किनारमा स्तम्भ निर्माण गरिँदै छ।

पन्ध्र फिट अग्लो स्तम्भमा १० फिट अग्लो बाघले मुखबाट पानी नारायणी नदीतर्फ फाल्दै गरेको दृश्य नारायणी पुलबाट समेत देख्न सकिने गरी स्तम्भ निर्माण गर्न लागिएको हो। उनका अनुसार रु एक करोड हाराहारी खर्च गरी निर्माण गर्न लागिएको स्तम्भ तीन कट्ठा जमीनमा फैलनेछ। बाघले फाल्ने पानी त्यहीँ निर्माण गर्ने पोखरीमा खस्नेछ।

वरिपरि बगैँचा निर्माण गरी मानिस बस्नका लागि बेन्च राखिँदैछ। सो महानगरपालिकाले यसअघि नै पोखरा महानगरपालिकासँग पर्यटन प्रवद्र्धनका लागि सहकार्य गर्न सम्झौता गरिसकेको छ। पर्यटन मेलादेखि स्वदेश र विदेशमा प्रचारप्रसार, सिकाइको आदानप्रदानसँगै भरतपुरको नाम दिएर पोखरामा र पोखराको नाम दिएर भरतपुरमा सडकको नामकरणसमेत गरिँदैछ।

पर्यटनविज्ञ सुवेदीका अनुसार यसैगरी लुम्बिनी सांस्कृतिक नगरपालिकासँग निजी क्षेत्रसहित बसेर पर्यटन प्रवद्र्धनका लागि सम्झौता गरिँदैछ। महानगरपालिकाले भ्रमण वर्षलाई लक्षित गरी अन्तरक्रिया, पर्यटकीय गन्तव्यको भ्रमण, वत्तृत्वकला, नारायणी नदी किनारमा गरिने खेल, योग शिविर, होटल रेष्टुरेन्टमा छुट घोषणा, भ्रमण प्याकेज, चौमासिक पत्रिका प्रकाशन लगायतका ३० कार्यक्रम घोषणा गर्दैछ ।

महानगरपालिकाले मुख्य सात पर्यटकीय गन्तव्य मेघौली, पटीहानी, देवघाट धाम, ज्ञानेश्वर ब्लक, चौकीडाँडा, नारायणी किनार र बीसहजारी ताललाई विशेष प्राथमिकतामा राखेर भ्रमण प्याकेज घोषणा गर्दैछ। महानगरभित्रका २७ स्थललाई पर्यटकीय गन्तव्यका रुपमा प्रवद्र्धन गर्न लागिएको सुवेदीले जानकारी दिएका छन्।

महानगरभित्र ६५ पर्यटकीय होटल छन्। चितवन राष्ट्रिय निकुञ्ज प्रवेशसँगै राप्ती र नारायणी नदीमा जलक्रिडाका लागि रमाउन पर्यटक यहाँ आउने गर्दछन्। दुर्लभ वन्यजन्तु एकसिङ्गे गैँडा, बाघ लगायतका जनावरले यहाँ आउने स्वदेशी र विदेशी पर्यटकलाई लोभ्याउने गरेको छ। (रासस)

लोकप्रिय

दलित महिलाको जीवन सङ्घर्षमा आधारित कथा ‘दुलारी’ सार्वजानिक

दलित महिलाको जीवन सङ्घर्षमा आधारित कथा ‘दुलारी’ सार्वजानिक

२०७६, २२ मंसिर आईतवार १८:४७

फुटबलमा बंगलादेशसँग भिड्दै नेपाल, फाइनल पुग्ने लक्ष्य

फुटबलमा बंगलादेशसँग भिड्दै नेपाल, फाइनल पुग्ने लक्ष्य

२०७६, २२ मंसिर आईतवार १०:३४

भारतविरुद्ध हारको बदला लिँदै ऐतिहासिक स्वर्ण जित्ने दाउमा नेपाल

भारतविरुद्ध हारको बदला लिँदै ऐतिहासिक स्वर्ण जित्ने दाउमा नेपाल

२०७६, २३ मंसिर सोमबार ११:०२

द्रुतमार्ग पाँच वर्षभित्र सक्ने गरी समष्टिगत गुरुयोजना

द्रुतमार्ग पाँच वर्षभित्र सक्ने गरी समष्टिगत गुरुयोजना

२०७६, २३ मंसिर सोमबार १९:१७

चाया हटाउने घरेलु उपाय

चाया हटाउने घरेलु उपाय

२०७६, २२ मंसिर आईतवार १४:३९

महिनावारी समयमै गराउने घरेलु उपाय

महिनावारी समयमै गराउने घरेलु उपाय

२०७६, २३ मंसिर सोमबार १४:२९

कोदो भित्र्याउन व्यस्त किसान

कोदो भित्र्याउन व्यस्त किसान

२०७६, २२ मंसिर आईतवार १७:३०

लज्जावती झारः जण्डिस र मधुमेहको एक अचुक औषधी

लज्जावती झारः जण्डिस र मधुमेहको एक अचुक औषधी

२०७६, २३ मंसिर सोमबार ११:४०

चौथो स्वर्ण जित्दै गौरिकाले रचिन् यस्ताे कीर्तिमान

चौथो स्वर्ण जित्दै गौरिकाले रचिन् यस्ताे कीर्तिमान

२०७६, २३ मंसिर सोमबार १७:४०

इलामको किवी बेच्न एक्स्पो आयोजना गरिदैं

इलामको किवी बेच्न एक्स्पो आयोजना गरिदैं

२०७६, २३ मंसिर सोमबार १७:४१

भ्रष्टाचारविरुद्ध अख्तियारको सक्रियता, पाँच हजार उजुरी थपिए

भ्रष्टाचारविरुद्ध अख्तियारको सक्रियता, पाँच हजार उजुरी थपिए

२०७६, २३ मंसिर सोमबार ०७:१८

हल्ट पुरस्कारको लागि टियुबाट एनसीसीको Substyro टिम विजयी

हल्ट पुरस्कारको लागि टियुबाट एनसीसीको Substyro टिम विजयी

२०७६, २२ मंसिर आईतवार १५:५८

बंगलादेशलाई पराजित गर्दै नेपाल फाइनलमा

बंगलादेशलाई पराजित गर्दै नेपाल फाइनलमा

२०७६, २२ मंसिर आईतवार १९:०९

खाली पेटमा यस्ता खानेकुरा अब देखी नखानुस्

खाली पेटमा यस्ता खानेकुरा अब देखी नखानुस्

२०७६, २२ मंसिर आईतवार १६:०६

बिहेको तस्बिर पोष्ट गर्दै ऋचाले भनिन्ः ‘यहाँहरुको अथाह माया अनि आर्शीवाद यसरी नै मिलोस्’

बिहेको तस्बिर पोष्ट गर्दै ऋचाले भनिन्ः ‘यहाँहरुको अथाह माया अनि…

२०७६, २२ मंसिर आईतवार १७:०७