सुर्खेत, २५ माघ – दैलेखको राकम कर्णालीमा शहरको भौतिक पूर्वाधार निर्माणले गति लिन सकेको छैन। निर्माणाधीन मध्यपहाडी लोकमार्ग छेउछाउ विकास गर्न लागिएको नयाँ शहर निर्माणले गति लिन नसकेको हो।

घोषित नयाँ शहरमध्ये दैलेखको पश्चिममा पर्ने आठबीस नगरपालिका राकम कर्णालीमा सरकारकै कारण निर्माण कार्यले गति लिन सकेन। सरकारले आवश्यक भौतिक पूर्वाधारका काम शुरु गर्न नसक्दा नयाँ शहर निर्माण कार्यले गति लिन नसकेको स्थानीय बासिन्दा बताउँछन्।

कर्णाली राजमार्गसँगै पर्ने राकम कर्णालीमा नयाँ शहर बनाउन ४ वर्षअघि कार्यालय खोलियो। तर, आयोजनाको काम सुस्त गतिमा अगाडि बढेको जिल्ला समन्वय समिति दैलेखका सदस्य ललितजङ्ग माझीले बताए।

आयोजनाका कर्मचारीको लापरवाही र उचित ध्यान नपुग्दा योजना जिम्मा लिएका कम्पनीले समेत काममा ढिलाइ गरिरहेको माझीको भनाइ छ।

अहिलेसम्म २० प्रतिशत कामसमेत हुन सकेन। आयोजनाले स्थानीय बासिन्दासँग समन्वय नै नगरी जथाभावी ढङ्गले सडकको बाटो खोलेको स्थानीय अर्जुनबहादुर शाहीले बताए। जग्गा विवादले योजना निर्माणको कामसमेत लामो समयदेखि प्रभावित बनेको छ।

त्यस्तै अहिले आयोजना राकम कर्णालीको कार्यालय डेढ महिनादेखि प्रमुखविहीन छ। कार्यालयमा प्रमुखसहित १४ जनाको दरबन्दी रहे पनि कार्यालय सहयोगीबाहेक सबै छुट्टीमा रहने गरेको स्थानीय बासिन्दा बताउँछन्।

५ वर्षदेखि जग्गा अधिग्रहणमा कुरा नमिल्दा पनि काम सुस्त हुन पुगेको आयोजनाको भनाइ छ। शहरी विकासका लागि १ सय ३७ रोपनी जग्गा अधिग्रहण प्रक्रिया मुआब्जा विवादकै कारण रोकिएको हो।

अधिग्रहणमा शहरी विकास तथा भवन निर्माण विभाग, डिभिजन कार्यालय सुर्खेतको प्रतिवेदनका आधारमा जग्गा प्राप्ति ऐनविपरीत मुआब्जा निर्धारण गरिएको भन्दै स्थानीय बासिन्दाले विरोध जनाएका थिए।

उनीहरूले नियमअनुसार मुआब्जा वितरण गर्नुपर्ने भन्दै साविकको क्षेत्रीय प्रशासन कार्यालय र गृह मन्त्रालयमा उजुरीसमेत दिएका थिए।

सम्बन्धित निकायले उजुरीको सुनुवाइ नगरेको स्थानीय मिलन विकले बताए। आयोजनाले जग्गा बराबरको मुआब्जा दिन नसक्दा आफूहरूले रकम लिन नमानेको विकको भनाइ छ।

जग्गा खाली नभएकाले विस्तृत परियोजना प्रतिवेदन (डीपीआर)को काम रोकिएको कन्सल्टेन्सीले बताएको छ।

एसभीआरसीका सञ्चालक केशवराज पाठकले विसं २०७३ मा कामको सम्झौता गरे पनि जग्गाधनीले जग्गा दिन नमानेकाले काममा ढिलाइ भएको जनाए। उनले भने, ‘ब्लक पनि पास भएको १ वर्ष भयो, फिल्डमा आएर धेरैपटक जग्गाधनीसँग सहकार्य गर्न खोज्यौँ तर समस्या समाधान हुन सकेन।’

आयोजनाले उज्यालो शहर कार्यक्रमअन्तर्गत राकम कर्णालीमा सौर्य ऊर्जा जडान गरिसकेको छ। जडान गरिएको सौर्य ऊर्जा पहुँच भएकाको घर अगाडि रहेको स्थानीय बासिन्दा हरिदेवी माझीले बताइन्। आयोजनाले समस्या समाधान गर्ने नयाँ प्रक्रिया अपनाएको छ ।

राकम कर्णाली–५ स्थित बगरखेतमा ‘ल्यान्ड पोलिङ’को जिम्मा लिएको मैत्री कन्सल्टेन्सीले २५ दिनअघि नै काम सकिएको बताएको छ। आयोजनालाई सम्पूर्ण जग्गाको जिम्मा दिइएको छ।

पछिल्लो समय आयोजनाभित्रका सम्पूर्ण जग्गाको २४ प्रतिशत मुआब्जा कटौती गर्दै ७६ प्रतिशत जग्गाधनीलाई उपलब्ध गराउने प्रतिबद्धतासाथ काम गरिरहेको खरिदार दीपक दसौदीले जानकारी दिए।

यता आठबीस नगरपालिकाका उपप्रमुख दीपा बोहोराले आयोजनाको कामकारवाहीबारे आफूहरूले निगरानी गरिरहेको बताइन्। उनले केन्द्र सरकारले नै पर्याप्त कर्मचारी नपठाउँदा समस्या भएको जनाइन्।

शहरको आर्थिक, भौतिक तथा सामाजिक पूर्वाधार निर्माणको काम शुरु नहुँदा स्थानीय बासिन्दामा अन्योल छाएको छ। लोकमार्ग आसपासको बस्ती समेटेर विसं २०९० सालसम्म राकम कर्णालीसहित देशका अन्य १० स्थानमा सुविधासम्पन्न शहर निर्माण गरिने सरकारी योजना छ।

सेवासुविधा र अवसरको खोजीमा हिमाल र पहाडबाट कोही पनि शहर वा तराई पस्न नपरोस् भन्ने उद्देश्यसाथ सरकारले आर्थिक वर्ष २०६७/६८ को नीति तथा कार्यक्रममा मध्यपहाडी लोकमार्गको निर्माण तथा सो लोकमार्गको छेउछाउमा दशवटा नयाँ शहर विकास गर्ने घोषणा गरेको थियो।

प्रस्तावित शहरको निर्माणपछि हिमाल र पहाडबाट तराई झर्नेहरूको संख्यामा कमी आउने र राजधानीलगायत ठूला शहरमा हुने बसाइँसराइ न्यून हुने विश्वास लिइएको छ।

लोकप्रिय

कालोपत्रको काम पुनः सञ्चालन गराउने सहमति

कालोपत्रको काम पुनः सञ्चालन गराउने सहमति

२०७६, १० फाल्गुन शनिबार २०:०१

आइतबार दिनभरका प्रमुख खबरहरू – छुटाउनु भयाे कि?

आइतबार दिनभरका प्रमुख खबरहरू – छुटाउनु भयाे कि?

२०७६, ११ फाल्गुन आईतवार २०:२८

शनिबार दिनभरका प्रमुख खबरहरू – छुटाउनु भयो कि ?

शनिबार दिनभरका प्रमुख खबरहरू – छुटाउनु भयो कि ?

२०७६, १० फाल्गुन शनिबार १९:२५

विमलकाे निर्णायक गाेलमा मछिन्द्रले जित्याे सताक्षी गोल्ड कपको उपाधि

विमलकाे निर्णायक गाेलमा मछिन्द्रले जित्याे सताक्षी गोल्ड कपको उपाधि

२०७६, ११ फाल्गुन आईतवार १७:३१

गल्ती गर्ने छुट कसैलाई छैनः अध्यक्ष दाहाल

गल्ती गर्ने छुट कसैलाई छैनः अध्यक्ष दाहाल

२०७६, १० फाल्गुन शनिबार १६:४५

फिक्स्ड इन्टरनेटमा नेपाल उक्लियाे चार स्थान माथि, मोबाइल इन्टरनेटमा भने भारतभन्दा अघि

फिक्स्ड इन्टरनेटमा नेपाल उक्लियाे चार स्थान माथि, मोबाइल इन्टरनेटमा भने…

२०७६, ११ फाल्गुन आईतवार १८:००

अन्तरिक्षमा जान लागेका वैज्ञानिक माइक ह्यूजको रकेट दुर्घटनामा मृत्यु

अन्तरिक्षमा जान लागेका वैज्ञानिक माइक ह्यूजको रकेट दुर्घटनामा मृत्यु

२०७६, ११ फाल्गुन आईतवार १७:४१

नैतिक शिक्षाको खाँचोः प्रदेश प्रमुख शेरचन

नैतिक शिक्षाको खाँचोः प्रदेश प्रमुख शेरचन

२०७६, ११ फाल्गुन आईतवार ०८:३९

‘‘नैतिकताको आधारमा प्रधानमन्त्रीले राजिनामा दिनुपर्छ”

‘‘नैतिकताको आधारमा प्रधानमन्त्रीले राजिनामा दिनुपर्छ”

२०७६, ११ फाल्गुन आईतवार ००:१३

अन्तर्राष्ट्रिय क्रिकेट रंगशाला निर्माणमा पत्रकार धमला दम्पतिले गरे आर्थिक सहयोग

अन्तर्राष्ट्रिय क्रिकेट रंगशाला निर्माणमा पत्रकार धमला दम्पतिले गरे आर्थिक सहयोग

२०७६, १२ फाल्गुन सोमबार १०:३०

राँके–रवी–भेडेटारसडक निर्माणले गति लियो

राँके–रवी–भेडेटारसडक निर्माणले गति लियो

२०७६, १० फाल्गुन शनिबार ०७:०२

बुझ्नै नसकिएकाे तितेपातीको महत्व

बुझ्नै नसकिएकाे तितेपातीको महत्व

२०७६, ११ फाल्गुन आईतवार १३:४६

गोरखपुरबाट नेपालसम्म पाइपलाइनमा ग्यास

गोरखपुरबाट नेपालसम्म पाइपलाइनमा ग्यास

२०७६, १० फाल्गुन शनिबार ०६:४६

हिलो र धुलोका समस्याले बन्द बलेवा विमानस्थलको रनवे कालोपत्रे शुरु

हिलो र धुलोका समस्याले बन्द बलेवा विमानस्थलको रनवे कालोपत्रे शुरु

२०७६, १० फाल्गुन शनिबार ०८:०९

टपलेश फोटोको कारण कियारा आडवाणी बनिन् ट्रोलको शिकार

टपलेश फोटोको कारण कियारा आडवाणी बनिन् ट्रोलको शिकार

२०७६, १० फाल्गुन शनिबार १२:५८