कृष्ण आचार्य, भरतपुर – भरतपुर महानगरपालिकाको २१ वर्ष पुरानो दमकलले प्रभावकारी सेवा प्रवाह गर्न सकेको छैन।

महानगरपालिका अन्तर्गतका दुईवटा दमकल निकै पुरानो भइसकेका छन्। जसमध्ये एउटा सञ्चालनमा छ भने अर्को बिग्रिएर काम नलाग्ने अवस्थामा छ।

२१ वर्ष पुरानो ४ हजार लिटर क्षमताको दमकलको भरमा आगलागी नियन्त्रण गर्न दौडाउनुपर्छ। तत्कालीन भरतपुर नगरपालिकाले विसं २०५४ मा किनेको भारतीय कम्पनीको दमकल मात्र काम लाग्ने अवस्थाको छ। विसं २०६९ मा उपहारस्वरूप पाएको जर्मनी कम्पनीको ५ हजार लिटर क्षमताको दमकल प्रयोगविहीन अवस्थामा छ।

रोटरी क्लब अफ ललितपुर मिड टाउनले पुरानो दमकल तत्कालीन भरतपुर नगरपालिकालाई उपहार दिएको थियो। यो पनि पुरानो भइसकेपछि मात्र उपहारस्वरूप प्राप्त भएको हो।

“जर्मनी मोडेलका दमकलको पानी फ्याँक्ने फ्यान बिग्रिएको छ, बारुण यन्त्र शाखाका इञ्चार्ज देवेन्द्रराज रेग्मीले भने, “महीनाैँ भयो, पार्टपूर्जा नपाएर मर्मत हुनै सकेको छैन, एउटा दमकलको भरमा छौँ।”

जर्मनी दमकल चले पनि पानी फाल्न सक्दैन। पुरानो मोडेलको रहेछ, पार्टपूर्जा पनि पाइँदैन,” उनले भने, “आगलागी भएको खबर पाएपछि माडीबाहेकका क्षेत्रमा एउटै दमकल दौडाउनुपर्छ, जसले क्षति रोक्न मुस्किल पर्छ।”

आगो नियन्त्रण गर्न गएको दमकल धेरै पटक बाटोमा बिग्रिएर बसेको रेग्मीले बताए। प्रत्येक स्थानीय तहमा कम्तीमा एउटा दमकलको व्यवस्था गर्नुपर्ने उनको भनाइ छ।

भरतपुर महानगरपालिकाको २८ नं. वडासम्म पुगेर एउटा दमकलले आगो नियन्त्रण गर्न गाह्रो हुने भएकाले पश्चिम चितवनमा छुट्टै दमकल राख्नुपर्ने रेग्मीले बताए। कहिलेकाहीँ दुई/तीन ठाउँबाट एकैपटक दमकल बोलाइन्छ, त्यो बला ठूलो समस्या हुने गरेको र चालू अवस्थाको दमकल पनि बेलाबखत बिग्रने उनले बताए।

चितवनका ७ स्थानीय तहमध्ये भरतपुर महानगरबाहेक माडी नगरपालिकामा पनि एउटा दमकल छ। भरतपुर महानगरपालिकाको बारुणयन्त्र शाखामा १२ जना कर्मचारी कार्यरत छन्। यहाँ ८ जना फायर मेन, ३ जना चालक र १ जना इञ्चार्ज छन् भने चितवनको माडी नगरपालिकाबाहेक सबै क्षेत्र र नवलपुरसम्म सेवा दिनुपर्ने बाध्यता छ।

अन्तर्राष्ट्रिय मापदण्डअनुसार ६० हजार जनसङ्ख्या बराबर १ बारुणयन्त्र हुनुपर्छ। तर, यहाँ ७ लाख बढी जनसङ्ख्या भएको क्षेत्र एउटै दमकलको भरमा छ। शाखाको तथ्याङ्कअनुसार महानगरपालिकाको बारुणयन्त्रले १ वर्षको अवधिमा ६० देखि ७० वटा आगलागी नियन्त्रण गरेको छ।

जिल्लामा प्रत्येक वर्ष सानाठूला गरी करिब १ सय आगलागीका घटना हुने गरेका छन्। महानगरमा २४सै घण्टा तम्तयारी हालतमा दमकल राख्नुपर्छ तर दमकलको अभावमा अत्यावश्यक समयमा सेवा दिनसमेत समस्यापर्ने सरोकारवालाले चिन्ता व्यक्त गरेका छन्।

भरतपुर महानगरपालिका प्रमुख प्रशासकीय अधिकृत नेत्रप्रसाद सुेवदीले १ साताभित्र नयाँ दमकल आउने बताए। “पुरानो दमकलका कारण बेलाबेलामा समस्या सिर्जना हुने गरेको छ,” उनले भने, “नयाँ एउटा थप्दा पनि पर्याप्त हुँदैन।” उनले पश्चिम चितवनमा पनि एउटा दमकल राख्ने योजना महानगरपालिकाले बनाएको जानकारी दिए।

भारतीय दूतावासले सहयोग दिने प्रतिबद्धता जनाएको दमकल आउन ढिला हुने भएकाले नगरपालिका आफैँले दमकल किनेको उनले बताए। आगलागीका घटनामा तत्कालै दमकल पुग्न नसक्दा ठूलो क्षति हुने गरेकाले दमकलको सङ्ख्या बढाउन लागिएको सुवेदीको भनाइ छ।

लोकप्रिय

‘भुइँमान्छेले देख्ने सपना नै कविले देख्ने सपना हो’

‘भुइँमान्छेले देख्ने सपना नै कविले देख्ने सपना हो’

२०७६, ७ बैशाख शनिबार ०७:५३

‘आक्रोदो’बाट शुरु भएको अभिनय यात्रा, अब फिल्म निर्देशनतर्फ

‘आक्रोदो’बाट शुरु भएको अभिनय यात्रा, अब फिल्म निर्देशनतर्फ

२०७६, ७ बैशाख शनिबार २०:३२

राष्ट्रिय फोटोपत्रकार अवार्ड बैशाख १३ गते

राष्ट्रिय फोटोपत्रकार अवार्ड बैशाख १३ गते

२०७६, ७ बैशाख शनिबार ०७:२९

साक्षरता अभियान: ५ अर्ब सकियो, अवस्था फेरिएन

साक्षरता अभियान: ५ अर्ब सकियो, अवस्था फेरिएन

२०७६, ७ बैशाख शनिबार ०७:१५

वैशाख ९ गते पार्टी एकताको टुँगो लाग्छ : नेता रायमाझी

वैशाख ९ गते पार्टी एकताको टुँगो लाग्छ : नेता रायमाझी

२०७६, ७ बैशाख शनिबार १८:५७

बखरी लक्ष्मीनारायण मन्दिरको प्राणप्रतिष्ठा सम्पन्न

बखरी लक्ष्मीनारायण मन्दिरको प्राणप्रतिष्ठा सम्पन्न

२०७६, ८ बैशाख आईतवार १८:२५

गौतमबुद्ध अन्तर्राष्ट्रिय क्रिकेट रंगशालाको शिलान्यास भदौमा गर्ने तयारी

गौतमबुद्ध अन्तर्राष्ट्रिय क्रिकेट रंगशालाको शिलान्यास भदौमा गर्ने तयारी

२०७६, ८ बैशाख आईतवार १५:५२

श्रीलंकाकाे विस्फोटबाट भाग्यले बाँचे यी नेपाली

श्रीलंकाकाे विस्फोटबाट भाग्यले बाँचे यी नेपाली

२०७६, ८ बैशाख आईतवार १५:५९

नागरिकता प्रावधान खुकुलो बनाउनु देशलाई धोका: सुनिता बराल

नागरिकता प्रावधान खुकुलो बनाउनु देशलाई धोका: सुनिता बराल

२०७६, ७ बैशाख शनिबार ०८:३८

नेकपाको पोलिटब्यूरो १ सय ५० सदस्यीय बन्ने

नेकपाको पोलिटब्यूरो १ सय ५० सदस्यीय बन्ने

२०७६, ८ बैशाख आईतवार १३:१४

एनआरएनए नर्थ क्यारोलिनाको अध्यक्षमा पहाडीको उम्मेदवारी

एनआरएनए नर्थ क्यारोलिनाको अध्यक्षमा पहाडीको उम्मेदवारी

२०७६, ७ बैशाख शनिबार ०९:२०

घाटमा पुर्‍याइएको शव प्रहरीद्वारा नियन्त्रण

घाटमा पुर्‍याइएको शव प्रहरीद्वारा नियन्त्रण

२०७६, ७ बैशाख शनिबार ०७:४९

‘झुमा झुमा’मा प्रमोद खरेलसँगै प्रिज्मा, प्रिन्सी र पल (भिडियोसहित)

‘झुमा झुमा’मा प्रमोद खरेलसँगै प्रिज्मा, प्रिन्सी र पल (भिडियोसहित)

२०७६, ७ बैशाख शनिबार ०७:२१

२४ वटा सरकारले नदेखेको बालुवाटारको जग्गा हिनामिना

२४ वटा सरकारले नदेखेको बालुवाटारको जग्गा हिनामिना

२०७६, ७ बैशाख शनिबार ०६:५९

पृथ्वी एउटा खेतबारी भएको भए…

पृथ्वी एउटा खेतबारी भएको भए…

२०७६, ७ बैशाख शनिबार १२:०४