सुर्खेत – कर्णाली प्रदेशको विकासका लागि महत्वपूर्ण मानिएको जमुनाहा-हिल्सा द्रुतमार्गको प्रारम्भिक अध्ययन कार्य पुरा भएको छ। विकासमा पछाडि परेको कर्णालीको समृद्धि आधारका रुपमा लिईएको द्रुतमार्गलाई प्राविधिक टोलीले चार महिना लगाएर प्रारम्भिक अध्ययन कार्य पुरा गरेका हो।

प्रदेश सरकारले यो आयोजनालाई कर्णालीको विकासको मेरुदण्डको रुपमा व्याख्या गर्दै आएको छ। चीनको सरकारी निर्माण कम्पनी चाइना रेलवे इञ्जिनियरिङ कम्पनी (सीआईईसी)ले द्रुतमार्गको प्रारम्भिक अध्ययन पुरा गरेको हो। बाँकेको जमुनाहा हुँदै तिब्बतको ताक्लाकोटसम्म सडक सञ्चालन गर्न चिनियाँ प्राविधिक टोलीले गत कार्तिक २७ गतेदेखि प्रारम्भिक अध्ययन थालेको थियो।

प्रारम्भिक चरणमा प्रदेश राजधानी वीरेन्द्रनगरदेखि हिल्सासम्मको अध्ययन गरिएको छ। प्रारम्भिक सम्भाव्यता अध्ययनपछि बनाइएको प्रतिवेदनमा द्रुतमार्ग निर्माण सम्भव भएको हो। रेलवे कम्पनीका प्रतिनिधिहरुद्वारा स्थलगतरुपमा गरिएको अध्ययनपश्चात जमुनाहा-हिल्सा द्रुतमार्ग निर्माण गर्न सकिने निष्कर्ष निकालिएको छ।टोलीले सबैभन्दा पहिला यहाँको भौगोलिक अवस्थाको अध्ययन गरेको थियो। सडकले छुने क्षेत्रको भौगोलिक अवस्था उपयुक्त देखिएपछि प्रारम्भिक अध्ययन सकारात्मक आएको हो।

प्रारम्भिक अध्ययनका क्रममा प्राविधिक टोलीले सुर्खेत-हिल्सा जोड्न चार सय तीन किलोमिटर रहेको प्रतिवेदन तयार पारेको छ। उक्त मार्ग निर्माण भएपछि पाँचदेखि १० घण्टामा सुर्खेतबाट हिल्सा पुग्न सकिने अध्ययन प्रतिवेदनले देखाएको छ।

प्रदेश सरकारको प्राथमिकतामा परेको दु्रतमार्ग निर्माण भए त्रिदेशीय सडक सञ्जाल जोडिनेछ। प्रथम चरणको काम सम्पन्न गरेको निर्माण कम्पनीले प्रदेशस्थित सरोकारवालासँग छलफलसमेत गरेको छ। प्राविधिक टोलीले मुख्यमन्त्री महेन्द्रबहादुर शाहीसहित प्रदेश योजना आयोगका उपाध्यक्ष डा. पूण्यप्रसाद रेग्मी र सरोकारवाला निकायसँग छलफल गरेको हो। छलफलका क्रममा दु्रतमार्ग निर्माणका लागि आवश्यक सुझावसमेत लिइएको छ।

अब प्रारम्भिक अध्ययन सकिएलगत्तै दोस्रो चरणको काम शुुरु हुनेछ। दोस्रो चरणमा निर्माण कम्पनीले विस्तृत परियोजना प्रतिवेदन (डीपीआर) बनाउने कार्य अघि बढाउनेछ। प्रदेशमा लगानी भित्रायाउन संघीय सरकारबाट अनुमति लिइसकेकाले अब दोस्रो चरणको काम तत्काल अगाडि बढ्नेछ। दोस्रो चरणमा लगानीको लागत अनुमान, समयवधि, गुणस्तर लगायतका विषयमा अध्ययन गरिनेछ।

प्रदेश सरकारले संघीय सरकारको अर्थ मन्त्रालयबाट डीपीआरका लागि अनुमति लिइसकेको छ। त्यसैले पनि तत्कालै डीपीआर तयार पार्ने प्रक्रिया अघि बढ्ने जनाइएको छ। दु्रतमार्ग निर्माणमा लगानी गर्न प्रदेश सरकार र चिनियाँ कम्पनीबीच भएको सम्झौता अनुसार काम अगाडि बढाइएको हो।

दु्रतमार्ग निर्माण भए उत्तरी मुलुक चीन र दक्षिणमा भारतसँग कर्णाली प्रदेश जोडिनेछ। प्रारम्भिक अध्ययनमा सात जनाको प्राविधिक टोली खटिएको थियो। यसअघि कर्णाली प्रदेश सरकारले आफ्नो पहिलो नीति तथा कार्यक्रममै हिल्सा-जमुनाहा द्रुतमार्गलाई प्राथमिकतामा राखेको थियो। सोही आधारमा गत असोजमा मुख्यमन्त्री शाहीले चीन भ्रमण क्रममा द्रुतमार्ग निर्माणका लागि चिनियाँ सरकारी टोलीसँग प्रारम्भिक समझदारी गरेका थिए।

लोकप्रिय

‘भुइँमान्छेले देख्ने सपना नै कविले देख्ने सपना हो’

‘भुइँमान्छेले देख्ने सपना नै कविले देख्ने सपना हो’

२०७६, ७ बैशाख शनिबार ०७:५३

‘आक्रोदो’बाट शुरु भएको अभिनय यात्रा, अब फिल्म निर्देशनतर्फ

‘आक्रोदो’बाट शुरु भएको अभिनय यात्रा, अब फिल्म निर्देशनतर्फ

२०७६, ७ बैशाख शनिबार २०:३२

राष्ट्रिय फोटोपत्रकार अवार्ड बैशाख १३ गते

राष्ट्रिय फोटोपत्रकार अवार्ड बैशाख १३ गते

२०७६, ७ बैशाख शनिबार ०७:२९

साक्षरता अभियान: ५ अर्ब सकियो, अवस्था फेरिएन

साक्षरता अभियान: ५ अर्ब सकियो, अवस्था फेरिएन

२०७६, ७ बैशाख शनिबार ०७:१५

वैशाख ९ गते पार्टी एकताको टुँगो लाग्छ : नेता रायमाझी

वैशाख ९ गते पार्टी एकताको टुँगो लाग्छ : नेता रायमाझी

२०७६, ७ बैशाख शनिबार १८:५७

बखरी लक्ष्मीनारायण मन्दिरको प्राणप्रतिष्ठा सम्पन्न

बखरी लक्ष्मीनारायण मन्दिरको प्राणप्रतिष्ठा सम्पन्न

२०७६, ८ बैशाख आईतवार १८:२५

गौतमबुद्ध अन्तर्राष्ट्रिय क्रिकेट रंगशालाको शिलान्यास भदौमा गर्ने तयारी

गौतमबुद्ध अन्तर्राष्ट्रिय क्रिकेट रंगशालाको शिलान्यास भदौमा गर्ने तयारी

२०७६, ८ बैशाख आईतवार १५:५२

श्रीलंकाकाे विस्फोटबाट भाग्यले बाँचे यी नेपाली

श्रीलंकाकाे विस्फोटबाट भाग्यले बाँचे यी नेपाली

२०७६, ८ बैशाख आईतवार १५:५९

नागरिकता प्रावधान खुकुलो बनाउनु देशलाई धोका: सुनिता बराल

नागरिकता प्रावधान खुकुलो बनाउनु देशलाई धोका: सुनिता बराल

२०७६, ७ बैशाख शनिबार ०८:३८

नेकपाको पोलिटब्यूरो १ सय ५० सदस्यीय बन्ने

नेकपाको पोलिटब्यूरो १ सय ५० सदस्यीय बन्ने

२०७६, ८ बैशाख आईतवार १३:१४

एनआरएनए नर्थ क्यारोलिनाको अध्यक्षमा पहाडीको उम्मेदवारी

एनआरएनए नर्थ क्यारोलिनाको अध्यक्षमा पहाडीको उम्मेदवारी

२०७६, ७ बैशाख शनिबार ०९:२०

घाटमा पुर्‍याइएको शव प्रहरीद्वारा नियन्त्रण

घाटमा पुर्‍याइएको शव प्रहरीद्वारा नियन्त्रण

२०७६, ७ बैशाख शनिबार ०७:४९

‘झुमा झुमा’मा प्रमोद खरेलसँगै प्रिज्मा, प्रिन्सी र पल (भिडियोसहित)

‘झुमा झुमा’मा प्रमोद खरेलसँगै प्रिज्मा, प्रिन्सी र पल (भिडियोसहित)

२०७६, ७ बैशाख शनिबार ०७:२१

२४ वटा सरकारले नदेखेको बालुवाटारको जग्गा हिनामिना

२४ वटा सरकारले नदेखेको बालुवाटारको जग्गा हिनामिना

२०७६, ७ बैशाख शनिबार ०६:५९

पृथ्वी एउटा खेतबारी भएको भए…

पृथ्वी एउटा खेतबारी भएको भए…

२०७६, ७ बैशाख शनिबार १२:०४