काठमाडौँ – नयाँ वर्ष २०७६ लागेसँगै हर्ष, उल्लास र नयाँ योजनासहित सबै खेलाडीहरु नयाँ अवसरको पर्खाइमा छन्। खेलकुदसँग जोडेर हेर्ने हो भने बितेको वर्ष २०७५ विभिन्न उपलब्धिका कारण सुखद रह्यो। केही खेलाडीले विश्व कीर्तिमानसम्म बनाए। नेपालले पनि अन्तर्राष्ट्रियस्तरका विभिन्न खेलको माध्यमबाट आफूलाई चिनाउने अवसर पायो। यसरी फर्केर विगतको १ वर्षलाई नियाल्दा नेपाली खेल क्षेत्र र केही खेलाडीले हासिल गरेका प्रमुख उपलब्धिलाई यसरी समेट्न सकिन्छ।

सन् १९९६ बाट अन्तर्राष्ट्रिय क्रिकेट खेल्न थालेको २३ वर्षपछि एकदिवसीय मान्यता प्राप्त गर्न नेपाल सफल भएको थियो। यूएईकै घरेलु मैदानमा सम्पन्न यूएईविरुद्धको तेस्रो एकदिवसीय श्रृङ्खला २–१ ले आफ्नो पक्षमा पार्‍यो। उक्त खेलमा नेपाली कप्तान पारस खड्का ले ११५ रनको कप्तानी इनिङ खेले। उनले १०९ बलमा १५ चौका र १ छक्का प्रहार गरेका थिए। सोही क्रममा रोहित पौडेल एकदिवसीय क्रिकेटमा अर्धशतक प्रहार गर्ने कान्छो खेलाडी बने। एकदिवसीय श्रृङ्खला खेलेसँगै नेपाल एकदिवसीय वरियतामा पनि समावेश भयो।

२०७५ मा क्रिकेटमा ठूलै छलाङ मार्‍यो। त्यसमा पनि यूएई भ्रमणमा क्रममा नेपालले ऐतिहासिक उपलब्धी हासिल गर्‍यो। यूएईलाई घरेलु मैदानमा पराजित गर्दै टी-२० अन्तर्राष्ट्रिय श्रृङ्खला २–१ ले जित्यो। सोही क्रममा सन्दीप जोराले टी–२० मा सानो उमेरमा अर्धशतक बनाउने कीर्तिमान बनाए।

भारतको उडिसामा सम्पन्न हिरो गोल्डकप महिला फुटबल प्रतियोगितामा नेपालको राष्ट्रिय महिला फुटबल टोलीले भारतलाई १ का विरुद्ध २ गोलले पराजित गर्‍यो। उक्त खेलमा नेपालको तर्फबाट दुवै गोल गोलमेसिन सावित्रा भण्डारीले गरेकी थिइन्। सदैब विजयी यात्रामा बाधक बन्दै आएको भारतीय महिला टोलीमाथि नेपालको यो पहिलो जीत रह्यो।

हङकङमा भएको तेस्रो एसियाली युथ एथलेटिक्स च्याम्पियनशिपमा नेपालका अजितकुमार यादवले स्वर्ण जिते। अजितसहित १२ राष्ट्रका १५ खेलाडी उक्त स्पर्धामा दौडेका थिए। सप्तरीको राजविराज निवासी अजितले निर्धारित दूरी आठ मिनेट ३० दशमलव ३२ सेकेन्डमा पूरा गर्दै नेपाललाई ऐतिहासिक स्वर्ण जिताए।

कुनै पनि एसियाली स्तरको एथलेटिक्समा नेपाली खेलाडीले जितेको यो पहिलो स्वर्ण हो। समग्रमा भने दोस्रो पदक हो। ४५ वर्षअघि सन् १९७३मा फिलिपिन्सको मनिलामा भएको एसियाली ट्रयाक एन्ड फिल्ड च्याम्पियनशिपमा जीतबहादुर केसीले म्याराथनमा कास्य जितेका थिए। त्यो कास्य अन्तर्राष्ट्रिय प्रतियोगितामा नेपालले जितेको पहिलो पदक पनि हो।

थाइल्यान्डमा आयोजित १०औँ विश्वव्यापी शारीरिक सुगठन प्रतियोगितामा नेपालले स्वर्णपदक जित्यो। ७५ केजी तौल समूहमा महेश्वर महर्जनले जितेको स्वर्ण शारीरिक सुगठनमा नेपालको अहिले सम्मकै ठूलो अन्तर्राष्ट्रिय सफलता हो। १२ राष्ट्रका बडीविल्डरहरु प्रतिस्पर्धामा रहेको समूहबाट उत्कृष्ट ५ को छनोट गरिएको थियो। आफूसँगै उत्कृष्ट ५ मा परेका भारत, सिंगापुर, थाइल्यान्ड, उज्जेकिस्तानका बडीविल्डरहरुलाई पछिपार्दै महेश्वर नेपालका लागि ऐतिहासिक स्वर्ण जित्न सफल भए।

लोकप्रिय

सप्तकोशीमा पानीको बहाव उतारचढाव

सप्तकोशीमा पानीको बहाव उतारचढाव

२०७६, ३० असार सोमबार १८:३९

युवालाई नैतिकवान बनाउन प्रदेश सरकारको अभियान

युवालाई नैतिकवान बनाउन प्रदेश सरकारको अभियान

२०७६, ३१ असार मंगलवार १९:२२

तिलोत्तमा नगरमा प्लाष्टिक झोला निषेधित

तिलोत्तमा नगरमा प्लाष्टिक झोला निषेधित

२०७६, १ श्रावण बुधबार १९:३८

कर्मचारीको बढेको तलब आजदेखि लागू

कर्मचारीको बढेको तलब आजदेखि लागू

२०७६, १ श्रावण बुधबार १८:३१

रोपाइँ नसकेसम्म ‘असार’ (फोटोफिचर)

रोपाइँ नसकेसम्म ‘असार’ (फोटोफिचर)

२०७६, ३० असार सोमबार १३:२५

सुदूरपश्चिम सरकारले किन्यो ३० करोडका गाडी

सुदूरपश्चिम सरकारले किन्यो ३० करोडका गाडी

२०७६, १ श्रावण बुधबार १६:५७

साउन १ देखि प्यान अनिवार्य, १ हजारभन्दा माथिको पारिश्रमिक नगदमा नपाइने

साउन १ देखि प्यान अनिवार्य, १ हजारभन्दा माथिको पारिश्रमिक नगदमा…

२०७६, ३१ असार मंगलवार १९:३८

वीरगन्जमा पप्पुको पौने ७ करोड भुक्तानी रोकियो, यस्तो छ कारण

वीरगन्जमा पप्पुको पौने ७ करोड भुक्तानी रोकियो, यस्तो छ कारण

२०७६, १ श्रावण बुधबार १३:००

चिकित्सक सुरक्षा माग्दै धनगढीमा

चिकित्सक सुरक्षा माग्दै धनगढीमा

२०७६, ३० असार सोमबार १६:३३

शितल शर्माको तीजगीत ‘चौतारी’ बजारमा

शितल शर्माको तीजगीत ‘चौतारी’ बजारमा

२०७६, १ श्रावण बुधबार ०९:२६

शान्तिश्री परियारको आवाजमा अर्को गीत सार्वजनिक

शान्तिश्री परियारको आवाजमा अर्को गीत सार्वजनिक

२०७६, ३१ असार मंगलवार १४:२७

अवरुद्ध म्याग्दी-मुस्ताङ सडक तीन दिनपछि खुल्यो

अवरुद्ध म्याग्दी-मुस्ताङ सडक तीन दिनपछि खुल्यो

२०७६, ३० असार सोमबार १९:४२

१३औँ इक्यान मेला: वर्षाका कारण न्यून सहभागिता

१३औँ इक्यान मेला: वर्षाका कारण न्यून सहभागिता

२०७६, ३० असार सोमबार १४:११

धादिङ : राजधानीबाट कति नै टाढा छ र?

धादिङ : राजधानीबाट कति नै टाढा छ र?

२०७६, ३१ असार मंगलवार १९:३०

चन्द्रागिरिलाई २० लाख जरिवाना, सञ्चालन गर्न नपाउने

चन्द्रागिरिलाई २० लाख जरिवाना, सञ्चालन गर्न नपाउने

२०७६, १ श्रावण बुधबार ०८:३९