कात्तिक १४, कैलाली । सरकारले धानको मूल्य निर्धारण गरे पनि कैलालीका किसानहरू भने सस्तोमा धान बेच्न बाध्य भएका छन् । सरकारले तोकेको मूल्यमा व्यापारीहरूले धान खरिद नगरेपछि किसानहरूले निकै सस्तो मूल्यमा धान बेच्न बाध्य भएका हुन् ।

सरकारले धानको मुल्य प्रतिकिलो २३ रुपैयाँ तोके पनि त्यसको कार्यान्वयन हुन सकेको छैन । किसानहरु अहिले प्रतिकिलो १७ देखि १९ रुपैयाँसम्ममा धान बेच्न बाध्य छन् । अघिल्लो वर्षको तुलनामा सरकारले यसवर्ष समयमै मूल्य तोके पनि त्यसको कार्यान्वयन हुन नसक्दा किसानहरूलाई समस्या परेको हो ।

सरकारले यस वर्षका लागि मोटा चामलको धानको समर्थन मूल्य प्रतिकिलो २३ रुपैयाँ ३१ पैसा र मसिनो चामलको धानको मूल्य प्रतिकिलो २४ रुपैयाँ ६० पैसा तोकेको थियो । तर, कैलालीका किसानहरूले भने प्रतिकिलो ४ रुपैयाँ कमसम्ममा धान बेच्न बाध्य भएका छन् ।

धान काटेर बेच्ने बेलामा मूल्य नपाएपछि अर्को खेती लगाउन भए पनि सस्तोमै धान बेच्न बाध्य भएको कृषक सम्मन रानाले बताए ।

हाल कैलालीमा प्रतिकिलो १७ रुपैयाँदेखि १९ रुपैयाँ ५० पैसा सम्ममा धानको बिक्री वितरण भइरहेको छ । यहाँको मुख्य बाली धान बेच्ने समयमा उचित मूल्य नपाउदा किसानहरूलाई मर्का परेको छ । कम मूल्यमा धान बेच्नुपर्दा धेरै ठगिने गरेको बताउँदै कैलालीका किसानहरूले उचित मूल्यमा धान बिक्री नभएको गुनासो गरेका छन् ।

करिब डेढ बिघा क्षेत्रफलमा धान खेती गरेका धनगढी उपमहानगरपालिका १० का घुम्मन रानाले धानको मूल्य कम हुँदा लागत खर्च पनि उठाउन नसकेको बताए । उनले महंगो मूल्यमा मलखाद खरिद गर्नुपरेको बाध्यता बताउदै बेच्ने बेलामा मूल्य नपाउँदा दुखी भएको बताए ।

धान काटेर बेच्ने बेलामा मूल्य नपाएपछि अर्को खेती लगाउन भए पनि सस्तोमै धान बेच्न बाध्य भएको कृषक सम्मन रानाले बताए । उनले उत्पादनको मूल्य व्यापारीहरूले तोक्ने गरेकाले पनि किसानहरुलाई मार परेको बताउँदै सरकारले तोकेको मूल्यमा खरिद नगर्ने र व्यापारीहरुलाई कारवाही गर्नुपर्ने बताए ।

सुदूरपश्चिम प्रदेशमा १ लाख ७६ हजार हेक्टर क्षेत्रफलमा धान खेती हुने गरेको छ । गत वर्ष ५ लाख ९३ हजार मेटि्रक टन धान उत्पादन भएको यस प्रदेशमा यसवर्ष त्योभन्दा बढी धान उत्पादन हुने अपेक्षा गरिएको छ ।

गत वर्षभन्दा प्रतिकिलो २ रुपैयाँ बढी समर्थन मूल्य तोकेको सरकारले त्यसको कार्यान्वयनमा जोड दिन नसक्दा पश्चिम नेपालका किसानहरू मारमा परेका छन् ।

गहुँ छर्ने बेलामा मल अभाव 

हरेक खेती लगाउने समयमा रसायनिक मल अभावको समस्या भोगिरहेका कैलाली लगायत सुदूरपश्चिमका किसानहरु तोरी तथा गहुँ लगाउने समयमा मल अभावकै मारमा पर्ने भएका छन् ।

सरकारकै कमजोरीका कारण समयमा मल नपाएर किसानहरु मल अभावको संकटमा पर्ने निश्चित छ । सुदूरपश्चिम प्रदेशमा साल्ट ट्रेडिङ कर्पोरेसन लिमिटेडले बिक्री गर्ने ३० प्रतिशत रासायनिक मल वितरण गरिसकेको जनाएको छ । कृषि सामग्री कम्पनी लिमिटेडमा दैनिक आउने मलको तेब्बर बढी माग भइरहेको छ ।

गहुँ खेतीका लागि सुदूरपश्चिम प्रदेशमा झण्डै ३ हजार ५ सय मेट्रीक टन डिएपि र ७ हजार मेट्रीक टन यूरिया आवश्यक पर्छ । केही मात्रामा दैनिक रसायनिक मल आइरहेकाले अभाबै भन्न नमिल्ने र पुर्ती भएकोपनि भन्न नमिल्ने कृषि सामग्री कम्पनी लिमिटेड क्षेत्रीय कार्यालय धनगढीका क्षेत्रीय प्रवन्धक दुर्गाप्रसाद पाण्डेय बताउँछन् । उनले सुदूरपश्चिम प्रदेशमा मात्रै वाषिर्क ३० हजार मेटि्रक टन मलको आवश्यकता पर्ने भए पनि करिब २० हजार मेटि्रक टन मात्रै मल पुग्ने गरेको बताए ।

३० प्रतिशत मलको आपुर्ति गर्ने जिम्मा पाएको साल्ट ट्रेडिङ कर्पोरेशन क्षेत्रीय कार्यालय धनगढीमा भने अहिले डिएपी मलको मौज्दात शून्य छ । मौज्दात मल सकिएकाले थप मल आउन समय लाग्ने कार्यालयका सहायक महाप्रबन्धक केशवप्रसाद पाण्डेयले बताए ।

लोकप्रिय

सरकारको समीक्षा, काम सुस्त भयो भयो : प्रधानमन्त्री ओली

सरकारको समीक्षा, काम सुस्त भयो भयो : प्रधानमन्त्री ओली

६ मंसिर २०७५, बिहीबार

प्रहरीको जवाफी फायरिङमा डाका राजन लिम्बु घाइते

प्रहरीको जवाफी फायरिङमा डाका राजन लिम्बु घाइते

२१ मंसिर २०७५, शुक्रबार

आन्तरिक पर्यटकको गन्तव्य बन्दै नेपालगन्जको रानी तलाउ

आन्तरिक पर्यटकको गन्तव्य बन्दै नेपालगन्जको रानी तलाउ

११ मंसिर २०७५, मंगलवार

प्रियंका र प्रमोदको उत्तेजक दृष्यले ‘कथाकाठमाण्डु’ बिवादमा

प्रियंका र प्रमोदको उत्तेजक दृष्यले ‘कथाकाठमाण्डु’ बिवादमा

१ मंसिर २०७५, शनिबार

शुशीलसँग प्रियंकाले लगाइन् ठुम्का

शुशीलसँग प्रियंकाले लगाइन् ठुम्का

१ मंसिर २०७५, शनिबार

मन्त्रीहरुको कामको समीक्षा शुरु

मन्त्रीहरुको कामको समीक्षा शुरु

५ मंसिर २०७५, बुधबार

मेस्सीको दुई गोल, बार्सिलोनाको सहज जित

मेस्सीको दुई गोल, बार्सिलोनाको सहज जित

२३ मंसिर २०७५, आईतवार

मस्ती टकः’नाजिरको प्रेम प्रस्तावमा साम्राज्ञीको स्विकारोक्ती'(भिडियो सहित)

मस्ती टकः’नाजिरको प्रेम प्रस्तावमा साम्राज्ञीको स्विकारोक्ती'(भिडियो सहित)

१९ कार्तिक २०७५, सोमबार

रारा पर्यटन बिकास समितिले गर्यो रारा तालको सरसफाई

रारा पर्यटन बिकास समितिले गर्यो रारा तालको सरसफाई

११ मंसिर २०७५, मंगलवार

कैद र जरिवाना असुल गर्न बाँकी

कैद र जरिवाना असुल गर्न बाँकी

२४ मंसिर २०७५, सोमबार

बेलायत भ्रमण पूरा गरी वरिष्ठ नेता नेपाल स्वदेश फिर्ता

बेलायत भ्रमण पूरा गरी वरिष्ठ नेता नेपाल स्वदेश फिर्ता

५ मंसिर २०७५, बुधबार

तुलाधर राजनीतिक र सांस्कृतिक आन्दोलनका अग्रज : प्रचण्ड

तुलाधर राजनीतिक र सांस्कृतिक आन्दोलनका अग्रज : प्रचण्ड

१८ कार्तिक २०७५, आईतवार

कांग्रेस केन्द्रीय कार्य समितिको बैठक बस्दै

कांग्रेस केन्द्रीय कार्य समितिको बैठक बस्दै

२४ मंसिर २०७५, सोमबार

२३ मंसिर २०७५, आईतवार

यात्रुवाहक बस पल्टँदा १८ जना घाइते, ३ को अवस्था गम्भीर

यात्रुवाहक बस पल्टँदा १८ जना घाइते, ३ को अवस्था गम्भीर

२ मंसिर २०७५, आईतवार