त्रिभुवन विश्वविद्यालयको विद्यार्थी कल्याण तथा खेलकुद निर्देशनालयले आंगिक क्याम्पसहरूलाई परिपत्र गर्दै निर्वाचनको पूर्वतयारी गर्न निर्देशन दिएको छ। पछिल्लो १२ वर्षमा दोस्रो पटक हुन लागेको निर्वाचनको विषयलाई लिएर विद्यार्थी नेताहरूमा पनि उत्साह बढेको छ भने केही त तयारीमा पनि जुटिसकेका छन्। यसै विषयमा आधारित रहेर अखिल क्रान्तिकारीका केन्द्रीय सदस्य तथा ठाकुरराम बहुमुखी क्याम्पस वीरगञ्जका विद्यार्थी नेता शिवम साहसँग नेपाली पब्लिकका लागि सुरज खनालले लिएको अन्तरवार्ताः

पछिल्लो पटक २०७३ मा स्ववियु चुनाव हुन नसकेका क्याम्पसहरूमा फेरि चुनाव हुने भन्ने कुरा बाहिर आइरहेको छ, यसबारेमा प्रस्ट पारिदिनुहोस् न?

– पछिल्लो १० वर्षमा देशभरिका कुनै पनि क्याम्पसमा स्ववियु चुनाव हुन पाएको थिएन। आजभन्दा दुई वर्ष अगाडि त्रिभुवन विश्वविद्यालयले नै चुनावका कार्यहरू अगाडि बढाउने निर्णय गरी २०७३ साल फागुन १८ गतेसम्ममा मिति तोकिएको थियो। तर, मधेशको परिवेशमा रहेको राजनीतिक अस्थिरता, मधेश आन्दोलन लगायतका मुद्दाहरूले गर्दा उक्त मितिमा चुनाव हुन सकेन।

पछिल्लो दुई वर्ष बितिसक्दा पनि चुनाव हुन नसकिरहेको अवस्थामा पुस २३ गते सोमबार पुनः स्ववियु चुनाव गराउने विषयमा औपचारिक बैठकमार्फत त्रिविले निर्णय गरेको जानकारी बाहिरिएको छ। चुनावको स्पष्ट मिति तोक्न बाँकी भए पनि आवश्यक तयारी गर्न भनिसकेको छ, जुन स्वागतयोग्य रहेको छ। यसका साथै विद्यार्थी आन्दोलनले नयाँ उचाइ पाउँछ भन्ने हामीले विश्वास पनि लिएका छौँ।

तपाईंले प्रतिनिधित्व गर्ने ठाकुरराम बहुमुखी क्याम्पसमा २०७३ को चुनाव स्थगित हुनुको कारण के थियो?

– सर्वप्रथम म क्याम्पसको विद्यार्थी त हो, तर म यो क्याम्पस मात्र होइन केन्द्रीय सदस्यको नाताले क्याम्पसहरूको प्रतिनिधित्व गर्दै आएको छु। २०७३ सालको चुनावको सन्दर्भमा भन्नुपर्दा चुनावको कार्य अन्तिम चरणमा थियो। चुनाव लगभग अन्तिम चरणमा पुगिसकेको थियो तर, मधेशवादी दलका साथीहरू उहाँहरूको मुद्दा सम्बोधन नभएका कारण चुनावको विपक्षमा उभिनुभयो। र, उहाँहरूको आन्दोलनका कार्यक्रमहरू पनि जारी रहेका कारण चुनाव सफल हुन सकेन।

जुन कुराले गर्दा उहाँहरू आन्दोलनमा उत्रिनुभयो, के ती सबै माग सम्बोधन भइसकेका हुन् त? अब हुने चुनावमा त्यस्तो स्थगित हुनसक्ने अवस्था कत्तिको छ?

– सम्भवतः उहाँहरूको माग सम्बोधन भइसकेको हुनुपर्छ। स्थानीय तह, प्रदेशसभा तथा प्रतिनिधिसभाको चुनाव सम्पन्न भइसकेको हुनाले पनि अबको स्ववियु चुनाव निःसन्देह हुने कुरामा विश्वस्त हुन सकिने अवस्था रहेको छ। आशा छ, अबको चुनावमा उहाँहरू पनि सहभागी हुनुहुनेछ, चुनावलाई सफलताका साथ सम्पन्न गराउनमा उहाँहरूको पनि भूमिका रहनेमा मैले विश्वास लिएको छु।

तपाईं आफैँ पनि आउँदो चुनावमा ठाकुरराम बहुमुखी क्याम्पसको भावी स्ववियु सभापतिको प्रत्यासी हुनुहुन्छ भन्ने सुनिन्छ नि?

– त्यस विषयमा अन्तिम निर्णय पार्टीको हुनेछ। मैले आफ्नो आन्तरिक तयारी थालिसकेको छु। यद्यपि, यस विषयमा अन्तिम निर्णय पार्टीको हुनेछ।

ठाकुरराम क्याम्पसको इतिहासलाई हेर्दा नेपाली कांग्रेस निकट नेविसंघ हावी हुँदै आएको छ, यसपटक तपाईंहरूको तयारी कस्तो छ?

– विगतमा धेरैपटक नेविसंघले जिते पनि अहिले सम्पूर्ण संगठन उत्तिकै शक्तिशाली भएर आएका छन्। चुनावी मैदानमा सबै संगठनबीच कडा प्रतिस्पर्धा हुने स्थिति रहेको छ।

तत्कालीन एमाले र माओवादीबीचको पार्टी एकतापश्चात् विद्यार्थी संगठनमा पनि ध्रुवीकरण देखिएको छ, यसपालिको चुनावमा त्यो ध्रुवीकरणले फरक पार्छ कि पार्दैन?

– दुई ठूला शक्तिहरू मिलिसकेको अवस्थामा केही फरक पार्दैन भन्ने कुरामा हामी विश्वस्त छौँ। केही कारणवश विद्यार्थी संगठनहरूको एकता अहिलेसम्म भइनसकेको अवस्था भए पनि आउने एक हप्ताभित्र दुवै संगठन सहकार्य र हातेमालो गर्दै विनाविवाद हामी स्ववियु चुनावको तयारीमा जुट्ने छौँ।

लोकप्रिय

हावाहुरी पीडितका समस्या स्थायी रूपमा समाधान गर्नुपर्छ : सांसद राना

हावाहुरी पीडितका समस्या स्थायी रूपमा समाधान गर्नुपर्छ : सांसद राना

२०७६, ३० जेष्ठ बिहीबार १९:२७

तेल ट्याङ्कर आक्रमणमा इरानमाथि आशंका

तेल ट्याङ्कर आक्रमणमा इरानमाथि आशंका

२०७६, ३२ जेष्ठ शनिबार १७:५०

‘बादल दाई दास बनेर बाँच्नु छैन’

‘बादल दाई दास बनेर बाँच्नु छैन’

२०७६, ३२ जेष्ठ शनिबार ०७:४०

‘स्रष्टा चराजस्तै स्वतन्त्र र क्षितिजजस्तै फराकिलो हुनुपर्छ’

‘स्रष्टा चराजस्तै स्वतन्त्र र क्षितिजजस्तै फराकिलो हुनुपर्छ’

२०७६, ३१ जेष्ठ शुक्रबार २०:०४

नेपाल प्रहरीः ‘न दिनु, न लिनु’

नेपाल प्रहरीः ‘न दिनु, न लिनु’

२०७६, ३० जेष्ठ बिहीबार १५:१२

‘नो अब्जेक्सन’मा अब्जेक्सन!

‘नो अब्जेक्सन’मा अब्जेक्सन!

२०७६, ३० जेष्ठ बिहीबार १८:३२

लोकसेवा विज्ञापन: नेकपा भ्रातृ संगठनका नेता विभाजित

लोकसेवा विज्ञापन: नेकपा भ्रातृ संगठनका नेता विभाजित

२०७६, ३० जेष्ठ बिहीबार १४:२७

महावीर पुनको आइडिया र नयाँ उत्पादनको अभियान

महावीर पुनको आइडिया र नयाँ उत्पादनको अभियान

२०७६, ३१ जेष्ठ शुक्रबार १२:५१

वरिष्ठ कलाकार मिनबहादुर शाहीको निधन

वरिष्ठ कलाकार मिनबहादुर शाहीको निधन

२०७६, ३२ जेष्ठ शनिबार ११:५५

३० वर्षदेखि फरार हत्यारा बारामा पक्राउ

३० वर्षदेखि फरार हत्यारा बारामा पक्राउ

२०७६, ३० जेष्ठ बिहीबार १९:५५

वाइडबडी खरिदसम्बन्धमा नागरिक आयोगको प्रतिवेदन सार्वजनिक

वाइडबडी खरिदसम्बन्धमा नागरिक आयोगको प्रतिवेदन सार्वजनिक

२०७६, ३१ जेष्ठ शुक्रबार २०:३२

नेकपा विप्लवका घाइते कार्यकर्ताको निधन

नेकपा विप्लवका घाइते कार्यकर्ताको निधन

२०७६, ३२ जेष्ठ शनिबार १४:१९

छात्रालाई मासिक ५ सय छात्रवृत्ति दिने प्रदेश २ को योजना

छात्रालाई मासिक ५ सय छात्रवृत्ति दिने प्रदेश २ को योजना

२०७६, ३१ जेष्ठ शुक्रबार १८:००

दुर्व्यसनबाट मुक्तिका लागि नेपाल प्रहरीको आसरा सुधार केन्द्र

दुर्व्यसनबाट मुक्तिका लागि नेपाल प्रहरीको आसरा सुधार केन्द्र

२०७६, ३० जेष्ठ बिहीबार १२:४३

‘विश्व अमेरिका-नेपाल म्युजिक अवार्ड २०१९’ को आयोजना हुने

‘विश्व अमेरिका-नेपाल म्युजिक अवार्ड २०१९’ को आयोजना हुने

२०७६, ३१ जेष्ठ शुक्रबार १६:५९