काठमाडौँ – गलत रगत दिएका कारण ज्यान गुमाएकी बालिका आकृतिकुमारी साहका बुवा रामप्रवेशले चिकित्सकको लापरवाहीका कारण छोरीको ज्यान गएको भन्दै यसबारे छानबिन गरी सरकारले न्याय दिलाउनुपर्ने माग गरेका छन्। बुधबार रिपोर्टर्स क्लब नेपालमा पत्रकार सम्मेलन गर्दै उनले यस्तो माग गरेका हुन्।

आफूहरु न्यायको लागि बिभिन्न ठाउँमा भौतारिँदा पनि कतैबाट उचित न्याय नपाएको उनले गुनासो पोखे। उनले भने, ‘हामी दिनहुँ न्याय खोज्दै बिभिन्न सरकारी निकायमा धाइरहेका छौँ। तर, न्याय पाएका छैनौँ। यसले हामीलाई अझै पीडा दिएको छ।’

शल्यक्रिया गर्नुपूर्व बिरामीको दुवै मृगौला ठीक रहेको तर शल्यक्रियापछि दुवै मृगौला फेल भएको रिपोर्ट देखाइएको पनि बुवाले सुनाए। उनले भने, ‘शल्यक्रिया गरेलगत्तै मृगौला फेल भएको मेडिकल रिपोर्ट छ। हामीलाई यसमा पनि शंका लागेको छ। यसबारेमा सत्य–तथ्य छानबिन हुनुपर्छ।’

आफूहरुले स्वास्थ्य मन्त्रालयमा पुगेरपनि न्याय पाउँ भनेर हारगुहारसमेत गरेको उनले सुनाए। उनले जिल्ला प्रशासन कार्यालय, प्रहरी कार्यालय र सरकारी वकिलको कार्यालयले उजुरी दर्तासमेत गर्न नमानेको दुःखेसो पोखे। उनले भने, ‘छोरीको मृत्युको सत्यतथ्य छानबिनका लागि आज १० दिन भयो हामीहरु सरकारी कार्यालय धाउन थालेको। तर, अहिलेसम्म सरकारी कार्यालयबाट सहयोग भएको छैन।’ उनले भने, ‘अब हामी कहाँ जाने? हामीलाई कहिले र कसले न्याय देला?

बालिकाका आफन्त सरेन्द्र यादवले शल्यक्रियामा संलग्न चिकित्सकले जानाजान गल्ती गरेर गलत रगत चढाएको आरोप लगाए। उनले भने, ‘मुटुको शल्यक्रिया हुँदा मृगौलाको भागमा किन चिरियो? शुरुदेखि नै चिकित्सकले गल्ती गरिरहनुभएको छ।’

शल्यक्रियापूर्व अस्पताल प्रशासनले गराउने मञ्जुरीपत्रमा बिरामीको मर्ने सम्भावनामा १ देखि २.५ प्रतिशत रहेको लेखिएको थियो। तर, निधनपछि सोही ठाउँमा टिपेक्स लगाएर २० देखि ३५ प्रतिशत बनाइएको छ।’ प्रहरी प्रशासनकहाँ पटक–पटक धाउँदा पनि किटानी जाहेर लिन नमानेको यादवले पनि आरोप लगाए। उनले थपे, ‘कहिले प्रहरी कार्यालय महाराजगन्ज त कहिले सरकारी वकिलको कार्यालय र कहिले जिल्ला प्रशासन कार्यालय धाइरहेका छौँ। तर, हाम्रो उजुरी दर्ता गराउन कोही पनि तयार छैनन्।’

आफूहरु शल्यक्रियामा संलग्न चिकित्सक र ल्याबका व्यक्तिको नाम उल्लेख गरेर मुद्दा दर्ता गराउन गएको भए पनि मुद्दा दर्ता नभएको उनले सुनाए। उनले प्रहरी वृत्त महाराजगन्जले भने व्यक्तिको नाम हटाएर उजुरी दिए तत्काल मुद्दा दर्ता गर्ने भन्दै फकाउने गरेको पनि बताए। त्यस्तै, उनले पछिल्लो समय आफूहरुलाई ज्यानको पनि असुरक्षा महसुस भइरहेको जानकारी दिए।

उनले भने, ‘स्वास्थ्य मन्त्रालयमा पुग्दा त्यहाँ अस्पतालका निर्देशक जोतेन्द्र शर्मा, जो बालिकाको शल्यक्रियामा संलग्न थिए, उनी पनि मन्त्री उपेन्द्र यादव, स्वास्थ्य राज्यमन्त्री डा. सुरेन्द्र यादव र सचिव पुष्पा चौधरी पनि सँगै थिए।’ मन्त्रालयले उजुरी दर्ता गरेको तर अहिलेसम्म कुनै कारवाही नगरेको उनले सुनाए। यस्तो लापरवाही गर्ने डाक्टरलाई जागिरबाट हटाउनुपर्ने र उनको प्रमाणपत्र नै रद्द गर्नुपर्ने यादवको माग छ।

गत वैशाख २३ गते सर्लाही गौरैता नगरपालिका वडा नम्बर १०, सिसौटियाकी ५ वर्षीया साहको सहिद गंगालाल राष्ट्रिय हृदय केन्द्रमा मुटुको शल्यक्रिया गर्दा फरक रगतका कारण आकृतिकुमारी साहको मृत्यु भएको थियो। आकृतिको शव हाल त्रिवि शिक्षण अस्पताल महाराजगन्जमा छ। तर, बालिकाका बुवा रामप्रवेशले छोरीको शव कहाँ राखेको छ? भन्ने कुरा अहिलेसम्म थाहा नभएको सुनाए। उनले भने, ‘मलाई त न्याय चाहिएको छ। तर, खुरुक्क लास लिएर जा, बढी बोलिस् भने तँलाई नालामा फालिदिन्छु भनेर मलाई धम्की दिने गरेका छन्।’ ‘ओ’ पोजेटिभ भएकी आकृतिलाई ‘ए’ पोजेटिभ रगत दिइएको थियो। जसका कारण उनको मृत्यु भयो।

कार्यक्रममा वरिष्ठ अधिवक्ताद्वय डा. सुरेन्द्र भण्डारी र डा. नारायण घिमिरेले घटनामा लापरवाही गर्नेलाई कारवाही गर्नुपर्ने माग गरेका छन्। भण्डारीले मृतकको पिताले लिएर गएको जाहेरी दर्ता नगरिएको दुस्कृतिसँग सम्बन्धित दायित्वको मुद्दा हालिने पनि जनाए। भण्डारीले आफूहरुले पीडित परिवारलाई सहयोग गर्ने विश्वास दिलाए। उनले भने, ‘कानूनको शासनलाई धज्जी उडाउने काम भएको छ।’ प्रहरीले अनुसन्धान गरेर दोषीमाथि कारवाही गर्नुपर्ने उनले जोड दिए।

‘नेपालका लागि नेपाली’का अभियन्ता अधिवक्ता घिमिरेले यो घटनाको अनुसन्धानको दायरा बढाउनुपर्ने माग गरे। उनले भने, ‘प्रहरीले उजुरी लिनुपर्छ,’ उनले भने, ‘उपचारको क्रममा गलत प्रवृत्ति, गलत उपचार र गलत ग्रुपको रगत दिएर गलत उपचार गरेर लापरवाहीको कारण निधन भएको भन्ने कुरा आएको छ। एउटा अस्पताल, जहाँ नागरिकहरु उपचार गर्न बसेको छ। उनीहरुको लापरवाहीको कारण कसैको ज्यान जाने अवस्था आउँछ भने उनीहरुले उन्मुक्ति पाउने अवस्था हुँदैन। यसले दुई चार वटा कुरा र फौजदारी आचारसंहिता आकर्षण हुन्छ।’

लोकप्रिय

विद्यालयको निर्माणाधीन भवनमा आगजनी (फोटोफिचर)

विद्यालयको निर्माणाधीन भवनमा आगजनी (फोटोफिचर)

२०७६, ४ श्रावण शनिबार १८:०५

बहिरा कलाकार सुजल बमको ‘झिमझिम परेली’ गीत सार्वजनिक

बहिरा कलाकार सुजल बमको ‘झिमझिम परेली’ गीत सार्वजनिक

२०७६, ३ श्रावण शुक्रबार १९:३९

जंगली च्याउ खाँदा उदयपुरमा १२ जना सिकिस्त

जंगली च्याउ खाँदा उदयपुरमा १२ जना सिकिस्त

२०७६, ५ श्रावण आईतवार १९:०४

गर्भपतन गराउँदा किशोरीको मृत्यु, प्रेमी पक्राउ

गर्भपतन गराउँदा किशोरीको मृत्यु, प्रेमी पक्राउ

२०७६, ४ श्रावण शनिबार १७:२७

नेकपा विप्लवको भूमिगत सञ्जाल

नेकपा विप्लवको भूमिगत सञ्जाल

२०७६, ५ श्रावण आईतवार ०७:२१

‘विद्युत् प्राधिकरणले सूचना लुकाएर अपराध गरेको छ’

‘विद्युत् प्राधिकरणले सूचना लुकाएर अपराध गरेको छ’

२०७६, ३ श्रावण शुक्रबार १९:२०

बागलुङकाे मनाङडाँडामा जिपले किच्दा बालकको मृत्यु 

बागलुङकाे मनाङडाँडामा जिपले किच्दा बालकको मृत्यु 

२०७६, ५ श्रावण आईतवार १२:१३

करेसाबारी : स्वस्थ र सम्मुन्नत जीवनको तयारी

करेसाबारी : स्वस्थ र सम्मुन्नत जीवनको तयारी

२०७६, ३ श्रावण शुक्रबार १६:४२

जुम्लामा वडाध्यक्ष कुटिए, प्रहरी लखेटिए

जुम्लामा वडाध्यक्ष कुटिए, प्रहरी लखेटिए

२०७६, ३ श्रावण शुक्रबार १२:०८

‘नीला गोलार्द्ध ’ लोकार्पण

‘नीला गोलार्द्ध ’ लोकार्पण

२०७६, ४ श्रावण शनिबार १६:१९

सुदूरपश्चिममा पनि ढुवानी सेवा ठप्प

सुदूरपश्चिममा पनि ढुवानी सेवा ठप्प

२०७६, ३ श्रावण शुक्रबार १९:२५

डाइभर्सन बग्यो, मालवहाक गाडी ठप्प

डाइभर्सन बग्यो, मालवहाक गाडी ठप्प

२०७६, ५ श्रावण आईतवार १२:४२

किन डुबानमा पर्‍यो वीरगञ्ज ?

किन डुबानमा पर्‍यो वीरगञ्ज ?

२०७६, ३ श्रावण शुक्रबार ०८:४७

पेट्रोलियम ढुवानी व्यवसायी महासंघ र ओम अस्पतालबीच सम्झौता

पेट्रोलियम ढुवानी व्यवसायी महासंघ र ओम अस्पतालबीच सम्झौता

२०७६, ३ श्रावण शुक्रबार १३:५०

नेकपा विप्लवका नेता माइला लामा पक्राउ

नेकपा विप्लवका नेता माइला लामा पक्राउ

२०७६, ५ श्रावण आईतवार ०६:३८