अध्यक्षका उम्मेदवारत्रय क्रमशः पुष्पराज कुँवर, रुपेश स्वाँर र डिल्ली अवस्थी।

धनगढी, २७ पुस – कैलाली उद्योग वाणिज्य संघको ४६औँ अधिवेशन पुस २८ गते शनिबार हुँदै छ। शनिबार बिहानबाटै सुरु हुने यो अधिवेशनको बन्दसत्रपछि संघको नयाँ नेतृत्वका निम्ति निर्वाचन हुने संघले जानकारी गराएको छ।

प्रदेश नम्बर–७ को व्यावसायिक केन्द्र कैलालीमा हुन लागेको व्यवसायीहरुको यो निर्वाचनप्रति आमजनताले समेत अत्यन्तै चाख पूर्वक हेरिरहेको संघका पूर्वअध्यक्ष दिनेशराज भण्डारीले बताए।

विशेषगरी, संघको नेतृत्वमा युवा व्यवसायीहरुको त्रिकोणीय प्रतिष्पर्धा निकै नै रोचक हुने व्यवसायीहरु बताउँछन्। संघको अध्यक्ष पदका निम्ति ३ जना व्यवसायीहरुले प्रतिष्पर्धा गर्दैछन्।

धनगढीस्थित फ्लोरा होटलका सञ्चालक एवं दर्जनौँ व्यवसायमा संलग्न युवा व्यवसायी पुष्पराज कुँवर, मदिरा व्यवसायी डिल्ली अवस्थी र खासै व्यवसायमा संलग्न नरहेका रुपेश स्वाँरबीच कैलाली उद्योग वाणिज्य संघको अध्यक्ष पदमा प्रतिष्पर्धा हुन गइरहेको छ।

यी तीनै जना उम्मेदवारमध्ये रुपेश स्वाँर संघका निवर्तमान महासचिव, पुष्पराज कुँवर कोषाध्यक्ष र डिल्ली अवस्थीले सदस्यको जिम्मेवारी सम्हालिसकेका छन्।

संघका एक अध्यक्ष, तीन उपाध्यक्ष, एक महासचिव, एक कोषाध्यक्ष र ११ सदस्यसहित १८ पदका निम्ति तीनै जना उम्मेदवारले आ–आफ्नो प्यानलसहित उम्मेदवारी दर्ता गराएका छन्। आ–आफ्नो प्यानललाई जिताउनका निम्ति तीव्र ध्रुवीकरणका साथ उम्मेदवारहरु निरन्तर मतदातासमक्ष पुगिरहेका छन्।

तीन उम्मेदवारमध्ये कैलालीका आम व्यवसायीहरुले पुष्पराज कुँवरलाई विशुद्ध व्यावसायिक उम्मेदवारका रुपमा लिएका छन् भने डिल्ली अवस्थी र रुपेश स्वाँरलाई राजनीतिक छत्रछायाँ प्राप्त भएको व्यवसायीहरु बताउँछन्।

अध्यक्षका उम्मेदवार डिल्ली अवस्थी र रुपेश स्वाँर नेपाली कांग्रेस निकटका मानिन्छन्। अवस्थीलाई रामचन्द्र पौडेल खेमाले यो निर्वाचनमा सहयोग गरिहरेको छन् भने स्वाँरका निम्ति सुदूरपश्चिमका प्रभावशाली युवा नेता एनपी साउदले खुलेरै सहयोग गरिरहेका छन्।

व्यवसायीहरुको यो निर्वाचनमा नेपाली कांग्रेसका दुई खेमाले खुलेरै आफ्नो उम्मेदवार मैदानमा उतारेपछि स्वतन्त्र रुपमा व्यवसाय गरिरहेका पुष्पराज कुँवरलाई वाम घटकले समर्थन गरेको छ।

उद्योग वाणिज्य संघको यो निर्वाचनमा राजनीतिक रुपले जसरी हस्तक्षेप भइरहेको छ, त्यसलाई आम व्यवसायीहरुले पटक्कै रुचाएका छैनन्। संघका पूर्व अध्यक्ष दिनेशराज भण्डारी भन्छन्, ‘नितान्त व्यवसायीहरुको नेतृत्व चयन गर्ने यो निर्वाचनमा यसरी राजनीतिक हस्तक्षेप हुनु संघको भविष्यका लागि राम्रो संकेत होइन।’

अध्यक्षका तीनै जना उम्मेदवारले आफ्नो प्यानलले जित्ने दावी गर्दै आएको भएपनि संघका अधिकतम् सदस्य एवं मतदाताहरुको रुझान भने विशुद्ध व्यावसायिक उम्मेदवार पुष्पराज कुँवरप्रति देखिएको पूर्व अध्यक्ष भण्डारी बताउँछन्। उनले भने, ‘पुष्पराज कुँवर व्यावसायिक उम्मेदवार भएकाले उनको टिम विजयी भएमा उद्योगी, व्यवसायीको त हित हुन्छ नै, संघको भविष्यका निम्ति पनि हितकारी हुन्छ।’

व्यापार व्यवसायमा लामो अनुभव संगालेका अध्यक्षका उम्मेदवार पुष्पराज कुँवरले नेपाली पब्लिकसँग कुरा गर्दै भने, ‘मेरो लामो व्यावसायिक पृष्ठभूमिका कारण सबै क्षेत्रका व्यवसायीहरुको सहानुभूति र सहयोग पाइरहेको छु, यो निर्वाचनमा मेरो टिमको विजय निश्चित छ।’

लोकप्रिय

बी एण्ड सी अस्पतालमा बिरामीलाई तस्करीको गुणस्तरहीन औषधि

बी एण्ड सी अस्पतालमा बिरामीलाई तस्करीको गुणस्तरहीन औषधि

३ माघ २०७५, बिहीबार

‘केसीसँग भएको सम्झौताअनुरुप चिकित्सा विधेयक परिमार्जन गर्न माग’

‘केसीसँग भएको सम्झौताअनुरुप चिकित्सा विधेयक परिमार्जन गर्न माग’

३ माघ २०७५, बिहीबार

प्रधानसेनापति र चिनियाँ राजदूतबीच शिष्टाचार भेटवार्ता

प्रधानसेनापति र चिनियाँ राजदूतबीच शिष्टाचार भेटवार्ता

३ माघ २०७५, बिहीबार

कांग्रेसले माग्यो प्रदेशको स्थायी राजधानी ‘बुटवल’

कांग्रेसले माग्यो प्रदेशको स्थायी राजधानी ‘बुटवल’

२ माघ २०७५, बुधबार

व्यापार वार्ताका लागि चिनीयाँ उपप्रधानमन्त्री अमेरिका जाँदै

व्यापार वार्ताका लागि चिनीयाँ उपप्रधानमन्त्री अमेरिका जाँदै

३ माघ २०७५, बिहीबार

पर्वतको विहादीमा आगलागी

पर्वतको विहादीमा आगलागी

2 घन्टा

प्रदेशको स्थायी राजधानी माग्दै कांग्रेस सडकमा (फोटो फिचर)

प्रदेशको स्थायी राजधानी माग्दै कांग्रेस सडकमा (फोटो फिचर)

३ माघ २०७५, बिहीबार

पाठेघरको मुखको क्यान्सर हुनबाट कसरी बच्ने?

पाठेघरको मुखको क्यान्सर हुनबाट कसरी बच्ने?

३ माघ २०७५, बिहीबार

‘जहाज खरिदमा कमिशनकै लागि बिचौलिया खडा गरियो’

‘जहाज खरिदमा कमिशनकै लागि बिचौलिया खडा गरियो’

३ माघ २०७५, बिहीबार

सामान्य अङ्कले घट्यो शेयर बजार

सामान्य अङ्कले घट्यो शेयर बजार

३ माघ २०७५, बिहीबार

डा. केसीलाई काठमाडौँ ल्याइयो, अवस्था अझै चिन्ताजनक

डा. केसीलाई काठमाडौँ ल्याइयो, अवस्था अझै चिन्ताजनक

2 घन्टा

वाइडबडी प्रकरण: तथ्यको जगमा सत्यको खोजी गर्न कांग्रेसको माग

वाइडबडी प्रकरण: तथ्यको जगमा सत्यको खोजी गर्न कांग्रेसको माग

२ माघ २०७५, बुधबार

अफगानिस्तान युद्ध अन्त्य गर्ने उपाय खोज्न अमेरिकी विशेषदूत पाकिस्तानमा

अफगानिस्तान युद्ध अन्त्य गर्ने उपाय खोज्न अमेरिकी विशेषदूत पाकिस्तानमा

३ माघ २०७५, बिहीबार

वन कार्यालयका ६ कर्मचारी कारवाहीमा, २ जना बर्खास्त

वन कार्यालयका ६ कर्मचारी कारवाहीमा, २ जना बर्खास्त

२ माघ २०७५, बुधबार

वाइडबडी जहाज खरिदमा भ्रष्टाचार भएकै छ: डा. भट्टराई

वाइडबडी जहाज खरिदमा भ्रष्टाचार भएकै छ: डा. भट्टराई

२ माघ २०७५, बुधबार