सुर्खेत, २७ पुस। निर्माण कम्पनीको चरम लापरवाहीले सुर्खेत जिल्लाको भेरी नदीमा निर्माण गर्न लागिएको मोटरेबल पुलको काम प्रभावित भएको छ। विभिन्न बहाना बनाउँदै ठेकेदारले काम अलपत्र पारेपछि पुलको निर्माण कार्य अन्यौलमा परेको हो।
सडकको ट्रयाक खोल्ने काम पूरा भए पनि भेरी नदीमा पुल निर्माण थालिएको ६ वर्ष बितिसक्दासमेत अधुरै छ । जसले गर्दा सुर्खेत र बर्दिया सिधा सडकले जोडिन सकेको छैन।

दुई छिमेकी जिल्ला सुर्खेत र बर्दिया जोड्ने ‘फास्ट ट्रयाक’ नहुँदा यात्रुहरू रत्न राजमार्ग (कोहल्पुर–सुर्खेत) को लामो यात्रा गर्न बाध्य छन्। उत्तर–दक्षिण जोड्ने उद्देश्यले आव २०६४/६५ देखि तेलपानी–भेरीगाउँ–सुर्खेत सडक खण्डको सर्भे थालिए पनि ठेकेदारको लापर्वाहीले ‘फास्ट ट्रयाक’ पूरा हुन सकेको छैन।

राहताल गाउँपालिका र वीरेन्द्रनगर नगरपालिकाको सिमानामा पर्ने रानीघाटमा निर्माणाधीन पक्की पुल अलपत्र अवस्थामा छ। २०७१ को बाढीले पिलर बंग्याएको भन्दै ठेकेदार निर्माणबाट पन्छिन खोजेको स्थानीयवासीको आरोप छ। रानीघाटका प्रेमप्रसाद पौडेलले पुल अलपत्र पर्नुमा ठेकेदारसँगै सडक डिभिजन कार्यालयको पनि दोषी रहेको भन्दै आक्रोश पोखे। ‘ठेकेदार र सडकका कर्मचारी दुबैको मिलेमतो हो, नत्र सम्झौता भएको ६ वर्ष बितिसक्दा पनि काम लथालिंग हुन्थेन होला,’ उनले भने। पुल नहुँदा बर्दियाका यात्रु मात्रै होइन हरिहरपुर, तरंगा र वीरेन्द्रनगरका बासिन्दासमेत मर्कामा छन्।

बराहताल गाउँपालिका–२, का प्रेमबहादुर ओलीले आफूहरुलाई वीरेन्द्रनगर–कोहल्पुर हुँदै बर्दिया, कैलाली जानुभन्दा यो सडक खण्ड धेरै छोटो पर्ने बताए। छिटो पुल निर्माण सम्पन्न गर्न स्थानीय बासिन्दाले सडक डिभिजनलाई दबाब दिँदै आएका छन्। पुल निर्माणका लागि पप्पु÷मल्ल जेभी कन्ट्रक्सन प्रालि र डिभिजन सडक कार्यालय सुर्खेतबीच आव २०६८÷६९ मा सम्झौता भएको थियो। १४ करोड २९ लाख ७९ हजार २ सय ७८ रुपैयाँ लागत रहेको योजना अन्तर्गत हालसम्म दुईवटा सपोर्ट पिल्लर मात्र निर्माण गरिएको छ।

कम्पनीले २०७२ पुस २९ गते सम्पन्न गर्ने कार्यादेश पाएको थियो। डिभिजन सडक कार्यालयले तीन वर्षमा निर्माण सकेर हस्तान्तरण गर्ने सम्झौता उल्लंघन गरेको भन्दै छिटो काम थाल्न ठेकेदारलाई ताकेता गर्दै आएको छ। डिभिजन सडक कार्यालयका प्रमुख गुरुप्रसाद घिमिरेले म्याद थप गरिसकेकाले अब छिट्टै काम थाल्न ताकेता गर्ने बताए। थपिएको म्यादभित्र निर्माण सम्पन्न नगरे आवश्यक कारवाहीसहित ठेक्का सम्झौता रद्द गर्न बाध्य हुने भन्दै कार्यालयले ताकेता दिँदै आए पनि ठेकेदारले निर्माणपूर्वको तयारी थालेको छैन।

निर्माण कम्पनीले हालसम्म २ करोड बढी रुपैयाँ भुक्तानी लगिसकेको छ। सुर्खेतबाट बर्दियाको भुरीगाउँ ५० किमि दूरीमा पर्छ। सुर्खेतदेखि ३२ किमि बर्दियाको तेलपानीसम्म सडकको ट्रयाक निर्माण भइसकेको छ। तेलपानी जोड्न झन्डै ६ किमि बाँकी छ।

‘पप्पु’ ले समस्या
गुणस्तरहीन काम गर्ने र समयमै योजना सम्पन्न नगर्नाले देशैभरी बदनाम बनेको पप्पु कन्स्ट्रक्सनले ठेक्का लिएको पुल निर्माण कार्य सुर्खेतमा समेत अलपत्र पारेको छ। कन्स्ट्रक्सनले सुर्खेतको भेरी नदी माथि बन्न लागेको पुलको काम अधुरै छ। पप्पुले ठेक्का लिएको पुल विगत ६ वर्षदेखि अलपत्र परेको हो। निर्माण कम्पनीको लापरबाहीले सम्झौता अनुसार काम हुन नसक्दा पुल अलपत्र बनेको हो ।

‘पुल डिजाइनमै त्रुटि’
पहाडको भुवनोट अनुसार पुलहरुको डिजाइनमै त्रुटि रहको ठेकेदार कम्पनीहरुको दाबी छ। जसका कारण काम गर्न ठेकदारहरु लाई गाह्रो भएपछि ढिलाई भएको ठेकेदार पक्षको भनाई छ। सम्झौता अनुसार पुलको जग बायाँ किनाराको खुल्ला फाउण्डेशन, दायाँ र खोलाबीचको वाल फाउन्डेशनमा निर्माण गर्नुपर्ने हो। तर, निर्माण कम्पनीले सडक विभागमा बुझाएको विवरण अनुसार दायाँ किनारा र बीच भागको जग बसाउन समस्या भएको उल्लेख छ। पुल निर्माणमा देखिएको अवरोध हटाउन गोताखोर र विष्फोट गराउँदा पनि नदीको जग बनाउने ठाउँमा लागेको ढुङ्गा फुटाउन नसकिएको निर्माण कम्पनीको दावी छ।

लोकप्रिय

बी एण्ड सी अस्पतालमा बिरामीलाई तस्करीको गुणस्तरहीन औषधि

बी एण्ड सी अस्पतालमा बिरामीलाई तस्करीको गुणस्तरहीन औषधि

January 17, 2019

‘केसीसँग भएको सम्झौताअनुरुप चिकित्सा विधेयक परिमार्जन गर्न माग’

‘केसीसँग भएको सम्झौताअनुरुप चिकित्सा विधेयक परिमार्जन गर्न माग’

January 17, 2019

प्रधानसेनापति र चिनियाँ राजदूतबीच शिष्टाचार भेटवार्ता

प्रधानसेनापति र चिनियाँ राजदूतबीच शिष्टाचार भेटवार्ता

January 17, 2019

कांग्रेसले माग्यो प्रदेशको स्थायी राजधानी ‘बुटवल’

कांग्रेसले माग्यो प्रदेशको स्थायी राजधानी ‘बुटवल’

January 16, 2019

व्यापार वार्ताका लागि चिनीयाँ उपप्रधानमन्त्री अमेरिका जाँदै

व्यापार वार्ताका लागि चिनीयाँ उपप्रधानमन्त्री अमेरिका जाँदै

January 17, 2019

पर्वतको विहादीमा आगलागी

पर्वतको विहादीमा आगलागी

2 घन्टा

प्रदेशको स्थायी राजधानी माग्दै कांग्रेस सडकमा (फोटो फिचर)

प्रदेशको स्थायी राजधानी माग्दै कांग्रेस सडकमा (फोटो फिचर)

January 17, 2019

पाठेघरको मुखको क्यान्सर हुनबाट कसरी बच्ने?

पाठेघरको मुखको क्यान्सर हुनबाट कसरी बच्ने?

January 17, 2019

‘जहाज खरिदमा कमिशनकै लागि बिचौलिया खडा गरियो’

‘जहाज खरिदमा कमिशनकै लागि बिचौलिया खडा गरियो’

January 17, 2019

सामान्य अङ्कले घट्यो शेयर बजार

सामान्य अङ्कले घट्यो शेयर बजार

January 17, 2019

डा. केसीलाई काठमाडौँ ल्याइयो, अवस्था अझै चिन्ताजनक

डा. केसीलाई काठमाडौँ ल्याइयो, अवस्था अझै चिन्ताजनक

2 घन्टा

३ सय ६० भैँसीलाई सुत्केरी भत्ता !

३ सय ६० भैँसीलाई सुत्केरी भत्ता !

2 घन्टा

वाइडबडी प्रकरण: तथ्यको जगमा सत्यको खोजी गर्न कांग्रेसको माग

वाइडबडी प्रकरण: तथ्यको जगमा सत्यको खोजी गर्न कांग्रेसको माग

January 16, 2019

अफगानिस्तान युद्ध अन्त्य गर्ने उपाय खोज्न अमेरिकी विशेषदूत पाकिस्तानमा

अफगानिस्तान युद्ध अन्त्य गर्ने उपाय खोज्न अमेरिकी विशेषदूत पाकिस्तानमा

January 17, 2019

वन कार्यालयका ६ कर्मचारी कारवाहीमा, २ जना बर्खास्त

वन कार्यालयका ६ कर्मचारी कारवाहीमा, २ जना बर्खास्त

January 16, 2019