काठमाडौँ – सरकारले प्रक्षेपण गरेको आर्थिक वृद्धिको लक्ष्य पूरा हुनेमा अर्थ मन्त्रालयले आशंका जनाएको छ। सोमबार अर्थ मन्त्रालयमा एक सर्वेक्षण जारी गर्दै लागत र बचत बीचको अन्तरले लक्ष्य पूरा हुन नदिने जनाइएको हो।

अर्थ मन्त्रालयले जारी गरेको एक सर्वेक्षणले पूँजी निर्माणका लागि आवश्यक लागत र बचतको अन्तर बढ्दै गएको जनाएको छ। उच्च आर्थिक वृद्धि र पूँजीगत लगानी विस्तारमा सरकारले जोड दिए पनि बचत र लगानीको अन्तर अहिलेसम्मकै फराकिलो बिन्दूमा पुगेको अर्थ मन्त्रालयले औंल्याएको हो। अर्थमन्त्री डा. युवराज खतिवडाले पनि संसदमा आर्थिक वृद्धिदर सात प्रतिशत हुने अनुमान गरेका थिए।

अर्थ मन्त्रालयले सोमबार सार्वजनिक गरेको आर्थिक सर्वेक्षणअनुसार कूल पूँजी निर्माणको तुलनामा कूल गार्हस्थ बचतको वृद्धिदर सुस्त देखिएको हो। बचतमा कमी आउँदा उच्च आर्थिक वृद्धिको लक्ष्य भेट्न चुनौती थपिएको छ। सर्वेक्षणअनुसार लगानी र बचतको अन्तर ४१.८ प्रतिशत पुगेको छ। गएको वर्ष यो अनुपात ३७.५ प्रतिशत मात्रै रहेको थियो।

गत आर्थिक वर्षमा कूल गार्हस्थ उत्पादनमा उपभोगको अंश ८२.२ प्रतिशत रहेकोमा चालु वर्ष त्यो २.७ प्रतिशत बिन्दूले घटेर ७९.५ प्रतिशतमा आइपुग्ने अर्थ मन्त्रालयको अनुमान गरेको छ। चालु आर्थिक वर्षमा ८ प्रतिशत आर्थिक वृद्धि हासिल हुने सरकारी अनुमान भए पनि पर्याप्त लगानीको अभाव र भएको लगानीको पनि प्रभावकारी उपयोग नहुँदा आर्थिक वृद्धिको लक्ष्य हासिल नहुने देखिएको हो।

मन्त्रालयले सार्वजनिक गरेको चालु वर्षको आठ महिनाको तथ्यांकअनुसार ६.८१ प्रतिशतको आर्थिक वृद्धि हासिल हुने सरकारी अनुमान छ। कृषि क्षेत्रको वृद्धि उत्साहजनक भए पनि निर्माण क्षेत्रको वृद्धिदर गएको वर्षकोभन्दा कमजोर छ।

सर्वेक्षणअनुसार रेमिट्यान्ससमेत हिसाब गर्दा पनि बचत र लगानीको अनुपात ऋणात्मक देखिएको हो। ‘चालु आर्थिक वर्ष २०७५/०७६ मा विप्रेषण आयको वृद्धिदर उच्च रहेसँगै कूल राष्ट्रिय बचत वृद्धि भई कूल गार्हस्थ उत्पादनको ५२.४ प्रतिशत पुगेको छ’, सर्वेक्षणमा भनिएको छ,‘तथापि कूल राष्ट्रिय बचत र कूल लगानी बीचको अन्तर भनेर बढ्दै गई ९.९ प्रतिशतले ऋणात्मक देखिएको छ।’

गत आर्थिक वर्ष २०७४/०७५ मा कूल लगानी ३३.६ प्रतिशतले वृद्धि भएकोमा चालु आर्थिक वर्षमा वृद्धिदर खुम्चिएको छ। चालु वर्षमा २९ प्रतिशतले लगानी वृद्धि भई २१ खर्ब ५७ अर्ब १८ करोड रुपैयाँ पुग्ने अनुमान अर्थ मन्त्रालयको छ। पछिल्लो तीन आर्थिक वर्षको कूल लगानीको औसत वृद्धि ४२.२ प्रतिशत रहेको छ।

सरकारले चालु वर्षमा बाह्य क्षेत्र असन्तुलनको समस्या सबैभन्दा धेरै व्योहोरेको छ। उच्च आयात र न्यून निर्यातले चालु खाता घाटा र शोधनान्तर स्थितिलाई ऋणात्मक बनाएको छ। आर्थिक वर्ष २०६५/०६६ मा कूल व्यापारमा निर्यातको अंश १९.२ प्रतिशत रहेकोमा चालु वर्षको फागुनमा यो अनुपात ६.२ प्रतिशतमा सीमित भएको छ।

आर्थिक सर्वेक्षणमा पेट्रोलियम पदार्थ, तयारी पोशाक, एमएस, बिलेट, हवाईजहाज तथा पाटपुर्जा र विद्युतीय सामग्रीको आयात बढेको र सिमेन्ट, दूरसञ्चार उपकरण तथा पाटपुर्जा, कच्चा भटमासको तेल, स्वास्थ्य उपकरण तथा औजार र सुपारीको आयात कम भएको उल्लेख गरिएको छ।

फागुनसम्ममा विदेशी लगानी जम्मा ६ अर्ब ६६ करोड रुपैयाँ भित्रिएको छ। गएको वर्षको यही अवधिमा विदेशी लगानी १४ अर्ब २४ करोड रुपैयाँ भित्रिएको थियो। चालु वर्षको फागुनसम्ममा २३ अर्ब ८९ करोड रुपैयाँ लाभांश भूक्तानी भएको अर्थ मन्त्रालयले जनाएको छ। गत वर्ष यस्तो भूक्तानी ३४ अर्ब रुपैयाँ थियो।

लोकप्रिय

राष्ट्रपति  बिद्यादेवी भण्डारी र भारतीय विदेशमन्त्री  एस जयशंकरबिच भेट

राष्ट्रपति बिद्यादेवी भण्डारी र भारतीय विदेशमन्त्री एस जयशंकरबिच भेट

२०७६, ५ भाद्र बिहीबार १४:०८

गण्डकी प्रदेशका मुख्यमन्त्री पृथ्वीसुब्बा गुरुङ बेलायत प्रस्थान

गण्डकी प्रदेशका मुख्यमन्त्री पृथ्वीसुब्बा गुरुङ बेलायत प्रस्थान

२०७६, ६ भाद्र शुक्रबार १५:५४

प्रधानमन्त्री ओली थप स्वास्थ्य उपचारका लागि सिंगापुर प्रस्थान

प्रधानमन्त्री ओली थप स्वास्थ्य उपचारका लागि सिंगापुर प्रस्थान

२०७६, ५ भाद्र बिहीबार १४:५८

नयाँ बरियतामा नेपाल एक स्थान तल

नयाँ बरियतामा नेपाल एक स्थान तल

२०७६, ६ भाद्र शुक्रबार १५:२५

कुलेखानी तेस्रोबाट दशैँअघि १४ मेगावाट विद्युत् उत्पादन हुने

कुलेखानी तेस्रोबाट दशैँअघि १४ मेगावाट विद्युत् उत्पादन हुने

२०७६, ५ भाद्र बिहीबार १२:३४

किन मागे पाकिस्तानी बिदेशमन्त्रीले नेपालसँग सहयोग?

किन मागे पाकिस्तानी बिदेशमन्त्रीले नेपालसँग सहयोग?

२०७६, ६ भाद्र शुक्रबार १३:५६

नेपालमा यसरी खोल्न पाइन्छ हतियार कारखाना !

नेपालमा यसरी खोल्न पाइन्छ हतियार कारखाना !

२०७६, ६ भाद्र शुक्रबार १४:३७

भारतीय बिदेशमन्त्रीले राष्ट्रपती भण्डारीलाई भेट्ने

भारतीय बिदेशमन्त्रीले राष्ट्रपती भण्डारीलाई भेट्ने

२०७६, ५ भाद्र बिहीबार ०९:१०

गाेरखामा पहिरोले एक घर बगायो, २९ घर जोखिममा

गाेरखामा पहिरोले एक घर बगायो, २९ घर जोखिममा

२०७६, ५ भाद्र बिहीबार १२:२२

प्रधानमन्त्री ओलीले सिंगापुरबाट भिडियोमार्फत मन्त्रिपरिषद् बैठकको नेतृत्व गर्ने

प्रधानमन्त्री ओलीले सिंगापुरबाट भिडियोमार्फत मन्त्रिपरिषद् बैठकको नेतृत्व गर्ने

२०७६, ५ भाद्र बिहीबार १८:००

आयुष्मानको पारिश्रमिक ३ गुणाले बढ्यो

आयुष्मानको पारिश्रमिक ३ गुणाले बढ्यो

२०७६, ६ भाद्र शुक्रबार १३:१८

बसन्त थापा मगरको स्वरमा ‘आमाले बोकेको भारी’ सार्वजनिक

बसन्त थापा मगरको स्वरमा ‘आमाले बोकेको भारी’ सार्वजनिक

२०७६, ५ भाद्र बिहीबार १३:२२

मिना निरौलाको स्वरमा ‘तीज आयो’ सार्वजनिक

मिना निरौलाको स्वरमा ‘तीज आयो’ सार्वजनिक

२०७६, ५ भाद्र बिहीबार १५:५९

नेकपा नेतामा अनुशासनको कमीः प्रचण्ड

नेकपा नेतामा अनुशासनको कमीः प्रचण्ड

२०७६, ६ भाद्र शुक्रबार १४:२१

सभापति देउवाद्वारा गौरा पर्वको शुभकामना

सभापति देउवाद्वारा गौरा पर्वको शुभकामना

२०७६, ६ भाद्र शुक्रबार १४:४९