विराटनगर – प्रदेश नं. १ सरकारको आयोजनामा प्रदेशमै पहिलोपटक प्रदेशस्तरीय डोरी तान खेल सञ्चालन हुने भएको छ। प्रदेश सरकारको सामाजिक मन्त्रालयले उक्त खेल प्रदेश राजधानी विराटनगरसँगै सीमा जोडिएको मोरङको बुढीगंगा गाउँपालिकामा आयोजना गरिने जानकारी दिएको छ।

प्रतियोगिता व्यवस्थापनको जिम्मेवारी पाएको मोरङ जिल्ला डोरी तान संघले बुढी गंगामा बिहीबार पत्रकार सम्मेलनको आयोजना गरी प्रदेशस्तरीय डोरी तान प्रतियोगिता आगामी जेठ २५ गते शनिवार हुने जानकारी दिएको हो। प्रतियोगितामा प्रदेश नं. १ अन्तर्गत ८ जिल्लाका ८८ जना खेलाडीको सहभागिता रहने आयोजकले बताएका छन्।

मोरङ जिल्ला डोरी तान संघकी अध्यक्ष रीता न्यौपानेले भनिन्, ‘प्रतियोगिताको सम्पूर्ण तयारी पूरा भएको छ। प्रतियोगितामा प्रदेश नं. १ का झापा, मोरङ, सुनसरी, पाँचथर, सोलुखुम्बु, संखुवासभा, धनकुटा र भोजपुर जिल्लाको सहभागिता रहनेछ।’ बुढीगंगा गाउँपालिका– १ स्थित नरग्राम माध्यमिक विद्यालयको खेल मैदानमा प्रतियोगिता हुने अध्यक्ष न्यौपानेले जानकारी दिइन्।

संघका केन्द्रीय उपाध्यक्ष सुभाषश्री पोखरेलले पुरानो खेलमध्येको डण्डिबियो र डोरी तान नेपाली मौलिकतासँग जोडिएको खेल भए पनि राष्ट्रिय खेलकुद परिषदका कारण ओझेललमा परेको बताए। उनले भने ‘अहिले पनि राज्यको ध्यान डोरी तान खेलमा जान सकेको छैन। यसमा हामीलाई दुख लागेको छ।’

उनले हरेक राष्ट्रिय तथा प्रदेशस्तरीय खेल प्रतियोगिताहरूमा डोरी तान खेललाई अनिवार्य रूपमा समेट्न सरकारसँग माग गरे। नेपालमा १७ वर्षअगाडि डोरी तान केन्द्रीय समिति बनाएर डोरी तान खेललाई व्यावसायिकता दिन खोजिएको भए पनि राखेपले २ वर्षअगाडि मात्र समिति बनाएको पोखरेलले बताए। संघका केन्द्रीय सदस्य सत्यनारायण चौधरीले लोप हुन लागेको डोरी तान प्रतियोगितालाई प्रोत्साहन गर्ने काम प्रदेश १ सरकारबाट शुरू भएकाले अब प्रदेशस्तरको प्रतियोगिताले सो खेललाई स्थापित गराउनेमा आफू विश्वस्त रहेको बताए।

उनले प्रतियोगितालाई देशभर नै चिनाउने गरी डोरी तान संघले काम शुरू गर्ने बताए। अन्तर्राष्ट्रिय मापदण्डअनुसार ६४० केजीकोे तौलमा प्रतियोगिता हुने जनाइएको छ। हरेक टिममा ८ जना खेलाडीका दरले खेलाडीहरू प्रतिस्पर्धामा उत्रिनेछन्।

विजेता तथा उपविजेताले क्रमशः नगद ५० हजार, २५ हजार रुपैयाँसहित ट्रफी मेडल र प्रमाणपत्र प्राप्त गर्नेछन्। यस्तै तेस्रो हुने टिमलाई समेत १५ हजार रुपैयाँ, ट्रफी, मेडल र प्रमाण पत्र वितरण गरिने डोरीतान संघ बुढीगंगाका अध्यक्ष अशोक अधिकारीले जानकारी दिए।

प्रतियोगितामा लाग्ने कुल खर्चमध्ये सामाजिक विकास मन्त्रालयले ८ लाख र मोरङ जिल्ला डोरी तान संघले ४७ हजार रुपैयाँ ब्यहोर्नेछ। सामाजिक विकास मन्त्रालयको आयोजनामा भएको प्रतियोगिताको समन्वय क्षेत्रीय खेलकुद विकास समितिले गरेको छ।

लोकप्रिय

गण्डकी प्रदेशका मुख्यमन्त्री पृथ्वीसुब्बा गुरुङ बेलायत प्रस्थान

गण्डकी प्रदेशका मुख्यमन्त्री पृथ्वीसुब्बा गुरुङ बेलायत प्रस्थान

२०७६, ६ भाद्र शुक्रबार १५:५४

अदालतमा अस्मिताले दिइन् बयान, रवी र युवराजको बयान भएन

अदालतमा अस्मिताले दिइन् बयान, रवी र युवराजको बयान भएन

२०७६, ८ भाद्र आईतवार १८:१५

नयाँ बरियतामा नेपाल एक स्थान तल

नयाँ बरियतामा नेपाल एक स्थान तल

२०७६, ६ भाद्र शुक्रबार १५:२५

किन मागे पाकिस्तानी बिदेशमन्त्रीले नेपालसँग सहयोग?

किन मागे पाकिस्तानी बिदेशमन्त्रीले नेपालसँग सहयोग?

२०७६, ६ भाद्र शुक्रबार १३:५६

मेसी र सुआरेजविना मैदान उँत्रदै बार्सिलोना

मेसी र सुआरेजविना मैदान उँत्रदै बार्सिलोना

२०७६, ८ भाद्र आईतवार १५:१३

संसदीय समितिद्वारा चाबहिल–साँखु सडकको अनुगमन

संसदीय समितिद्वारा चाबहिल–साँखु सडकको अनुगमन

२०७६, ६ भाद्र शुक्रबार १६:३२

चितवनमा डेङ्गुको सङ्क्रमणबाट एकको मृत्यु

चितवनमा डेङ्गुको सङ्क्रमणबाट एकको मृत्यु

२०७६, ८ भाद्र आईतवार ११:३९

नेपालमा यसरी खोल्न पाइन्छ हतियार कारखाना !

नेपालमा यसरी खोल्न पाइन्छ हतियार कारखाना !

२०७६, ६ भाद्र शुक्रबार १४:३७

रवी लामिछानेको पक्राउले उब्जाएका प्रश्नहरु

रवी लामिछानेको पक्राउले उब्जाएका प्रश्नहरु

२०७६, ८ भाद्र आईतवार १७:५५

अभद्र व्यवहार गरेको भन्दै विमानबाट ओरालिए एनआरएनका अध्यक्ष भवन भट्ट

अभद्र व्यवहार गरेको भन्दै विमानबाट ओरालिए एनआरएनका अध्यक्ष भवन भट्ट

२०७६, ८ भाद्र आईतवार १३:२७

‘नेपाली अभिनेत्रीको ठूलो चाहाना’

‘नेपाली अभिनेत्रीको ठूलो चाहाना’

२०७६, ६ भाद्र शुक्रबार १८:०६

२ हजार दरका ९५ थान नक्कली भारुसहित दुई पक्राउ

२ हजार दरका ९५ थान नक्कली भारुसहित दुई पक्राउ

२०७६, ६ भाद्र शुक्रबार १७:५८

प्रिज्मा र प्रिन्सीको म्युजिक भिडियो सार्वजनिक

प्रिज्मा र प्रिन्सीको म्युजिक भिडियो सार्वजनिक

२०७६, ८ भाद्र आईतवार १५:३५

नेपालगञ्जमा प्लास्टिकको प्रयोग निषेध गरिने

नेपालगञ्जमा प्लास्टिकको प्रयोग निषेध गरिने

२०७६, ६ भाद्र शुक्रबार १३:१३

इंग्लिस प्रिमियर लिगमा आज तीन खेल हुँदै

इंग्लिस प्रिमियर लिगमा आज तीन खेल हुँदै

२०७६, ८ भाद्र आईतवार १६:४३