काठमाडौँ – चर्चित फुटबल खेलाडी नेमारले आफूलाई बलात्कार गरेको आरोप लगाएकी एक महिलाले सो विषयमा अन्तर्वार्ता दिएकी छन्। गत शुक्रवार नेमारविरुद्ध उजुरी दर्ता गरेकी नाजिला त्रिन्दाजीले टेलिभिजन च्यानल एसबीटी ब्रसिललाई मे १५ मा प्यारिसको होटलमा आफूमाथि कुटपिट र बलात्कार भएको दाबी गरिन्।

नेमारले उक्त आरोपको खण्डन गरेका छन् र आफू निर्दोष भएको प्रमाण दिन ह्वाट्सएपमा दुई जनाबीच फोनमा भएको कुराकानी सार्वजनिक गरेका छन्। नेमारले बुधवार भएको एउटा अन्तर्राष्ट्रिय खेलमा आफ्नो टोलीका थोरै समय खेले। उनले उक्त खेल आफ्नो जीवनको सबैभन्दा कठिन खेल भएको बताएका छन्।

कतारविरुद्ध भएको खेलको २० मिनेटमै नेमार घाइते भए। उनले अब निकट भविष्यमा हुन लागेको कोपा अमेरिका प्रतियोगिता खेल्न पाउनेछैनन्।

अन्तर्वार्ताका क्रममा उक्त घटना कुटपिट वा बलात्कार के थियो भनी सोधिएको प्रश्नको उत्तर दिँदै त्रिन्दाजीले भनिन्, ‘त्यो कुटपिट र बलात्कार दुवै थियो।’ भेटमा नेमारलाई ‘निकै आक्रमक पाएको र फोनमा सन्देश आदानप्रदान गर्दाको केटाभन्दा निकै भिन्न पाएको’ उनले बताइन्।

पहिला आपसी सहमतिमा सम्भोग गर्न तयार रहेको तर त्यसका लागि आफूले कन्डम प्रयोग गर्न आग्रह गरेको त्रिन्दाजीले बताइन्। तर नेमारले त्यसो गर्न अस्वीकार गरेको, फेरि आक्रमक भएको र आफूलाई बलात्कार गरेको उनले आरोप लगाएकी छन्।

नेमारलाई उक्त कार्य रोक्न आफूले भनेको तर उनले अस्वीकार गरेको पनि त्रिन्जादीले बताइन्। एसबीटीले उक्त अन्तर्वार्ताको अंश ट्विटरमा प्रकाशित गरेको छ।

Exclusivo! Modelo que acusa Neymar de estupro fala com Roberto Cabrini. Hoje, às 19h45, no #SBTBrasil pic.twitter.com/ZDqoFJlOIe

— SBT Jornalismo (@sbtjornalismo) June 5, 2019

महिलाले भन्छिन्, ‘म तिमीलाई कुट्न गइरहेकी छु। किन भनेर तिमीलाई थाहा छ। किनभने तिमीले मलाई हिजो पिटेका थियौ।’ यो संवादले यी दुईबीच पहिला पनि भेट भएको सङ्केत गर्छ। नेमारले त्रिन्दाजीलाई दुई पटक भेटेको बताएका छन्।

EXCLUSIVO! Assista ao vídeo da suposta briga entre Neymar e modelo que o acusou de agressão e estupro #JornalismoRecord #JornalismoVerdade pic.twitter.com/0K7N4mZe2X

— Record TV (@recordtvoficial) June 6, 2019

पहिलो पटक भेटेपछि आफूसँग कस्तो व्यवहार भयो भन्ने बल्ल बुझ्न थालेको भन्दै त्रिन्दाजीले सो घटनालाई प्रमाणित गर्न र न्यायका लागि दोस्रो पटक पनि भेटेको एसबीटीलाई अन्तर्वार्तामा बताइन्। उक्त भिडियो टीभी रेकर्ड नाम गरेको टेलिभिजिन च्यालनमा देखाइएको थियो।

नेमारले इन्स्टाग्राममा प्रेषित एउटा भिडियोमा पनि यही विवरण दोर्होयाएका छन्। पोर्चुगिज भाषामा बोल्दै उनले भनेका छन्, ‘त्यो दिन सम्बन्धमा रहेका जोडीबीच चारल पर्खालभित्र हुने कुरा नै भएको थियो। र त्यसपछिको दिन खासै केही भएन। हामीले एकअर्कालाई एसएमएस पठायौँ। उनले आफ्नो बच्चालाई सम्झनास्वरूप दिने उपहार पनि मागिन्।’

सो भिडियोमा २७ वर्षीय नेमारले आफू र त्रिन्दाजीबीच आदानप्रदान भएको भनी दाबी एसएमएसको लामो शृङ्खला र उनीहरूको तस्बिर देखाएका छन्। ‘खासै केही नभएको प्रमाणित गर्न’ ती सामग्री सार्वजनिक गर्न परेको उनले बताए। उता त्रिन्दाजीले आफूले धम्की दिएको अस्वीकार गरेकी छन् र भनेकी छन्, ‘म आर्थिक क्षतिपूर्ति होइन, न्याय चाहन्छु।’

ब्राजिलका राष्ट्रपति जाइर बोल्सोनारूले बुधवार घाइते भएका नेमारलाई अस्पतालमा गएर भेटेका छन् र उनलाई शीघ्र स्वास्थ्य लाभको कामना गरेका छन्। यसअघि नेमारबारे टिप्पणी गर्दै राष्ट्रपति बोल्सोनारूले भनेका थिए, ‘उनी अहिले अप्ठ्यारो परिस्थितिमा छन्, तर म उनलाई विश्वास गर्छु।’

कसले पहिला भेट्न आग्रह गरेको थियो भन्ने विषयमा दुई कानुनी पक्षबीच विवाद रहेको छ। त्यसपछि शुक्रवार त्रिन्दाजीले साओ पाउलोमा बलात्कारको मुद्दा हालिन्। उनका वकिलहरूले त्यो अभियोग पहिला सहमति गरिएको ‘रणनीतिअनुरूप नभएको’ भन्दै शनिवार त्रिन्दाजीसँग सम्बन्ध भङ्ग गरेका थिए। अहिले उनले नयाँ कानुनी प्रतिनिधि खोजेकी छन्।

अन्तर्वार्तामा त्रिन्दाजीले पहिलो कानुनी टोलीका एक वकिलबारे टिप्पणी गर्दै ‘उनले मलाई पूर्णतः विश्वास गरेनन्। मलाई उनी पूर्वाग्राही भएजस्तो लाग्यो। उनले म बलात्कृत नै नभएजस्तो, मैले नै त्यो खोजेजस्तो चित्रण गरे।’

– Visitando @neymarjr no Hospital Home em Brasília. Desejo uma boa e rápida recuperação! pic.twitter.com/Ls34dwNZy3

— Jair M. Bolsonaro (@jairbolsonaro) June 6, 2019

त्रिन्जादीको अनुमतिबिना उनीसँग सम्बन्धित तस्बिर सार्वजनिक गरेका कारण गोपनीयतासम्बन्धी कानुन उल्लङ्घन भएको भन्दै नेमारमाथि अर्को अनुसन्धान पनि हुन सक्छ। (बीबीसी)

लोकप्रिय

प्रदेश प्रहरी गठन नहुँदै हतारमा गाडी खरिद

प्रदेश प्रहरी गठन नहुँदै हतारमा गाडी खरिद

२०७६, ३२ श्रावण शनिबार १५:१८

हरि विष्टको ‘माइतीको देश २’ बजारमा

हरि विष्टको ‘माइतीको देश २’ बजारमा

२०७६, ३१ श्रावण शुक्रबार ०७:३३

विविध घटनामा चारको मृत्यु

विविध घटनामा चारको मृत्यु

२०७६, ३१ श्रावण शुक्रबार १७:५५

लाल आयोग प्रतिवेदनमा दरबार हत्याकाण्डको व्याख्या

लाल आयोग प्रतिवेदनमा दरबार हत्याकाण्डको व्याख्या

२०७६, ३२ श्रावण शनिबार ०८:३७

बेलबारी फुटबल क्लब मोरङद्वारा ताप्लेजुङ–११ टाइबेकरमा पराजित

बेलबारी फुटबल क्लब मोरङद्वारा ताप्लेजुङ–११ टाइबेकरमा पराजित

२०७६, ३२ श्रावण शनिबार १०:२८

उमेर १०३, कमाइ तीन हजार

उमेर १०३, कमाइ तीन हजार

२०७६, ३२ श्रावण शनिबार ०७:२९

समतल रात

समतल रात

२०७६, ३१ श्रावण शुक्रबार १७:२२

नेपाल-भारत एजेन्डा पुरानै

नेपाल-भारत एजेन्डा पुरानै

२०७६, ३१ श्रावण शुक्रबार ०८:१६

‘नारी स्रष्टाहरु आफैँमा प्रशंसनीय र धन्यवादका पात्र छन्’

‘नारी स्रष्टाहरु आफैँमा प्रशंसनीय र धन्यवादका पात्र छन्’

२०७६, ३१ श्रावण शुक्रबार १७:३५

‘इक्यान’ का बराल र गुरुङद्वारा राजीनामा

‘इक्यान’ का बराल र गुरुङद्वारा राजीनामा

२०७६, ३१ श्रावण शुक्रबार ११:०५

बेवारिसे व्यक्तिले नयाँ जीवन पाए

बेवारिसे व्यक्तिले नयाँ जीवन पाए

२०७६, ३१ श्रावण शुक्रबार १३:५७

राजधानीमा चौथो थाई शैक्षिक मेला शुरु

राजधानीमा चौथो थाई शैक्षिक मेला शुरु

२०७६, ३२ श्रावण शनिबार १४:१९

दाङको विश्वास काष्ठ फर्निचरमा आगलागी, ६५ लाखको क्षति   

दाङको विश्वास काष्ठ फर्निचरमा आगलागी, ६५ लाखको क्षति   

२०७६, ३२ श्रावण शनिबार ११:३३

उत्तर कोरियाद्वारा फेरी क्षेप्यास्त्र परीक्षण

उत्तर कोरियाद्वारा फेरी क्षेप्यास्त्र परीक्षण

२०७६, ३२ श्रावण शनिबार ०७:१९

कश्मीरमा गोली हानाहान, ८ जना सैनिकको मृत्यु

कश्मीरमा गोली हानाहान, ८ जना सैनिकको मृत्यु

२०७६, ३१ श्रावण शुक्रबार ०६:४३