पोखरा – गण्डकी प्रदेश सरकारले पोखरालाई नेपालको पर्यटकीय राजधानीका रूपमा विकास गर्ने भएको छ।

गण्डकी प्रदेश सरकारको शुक्रबार आर्थिक वर्ष २०७६/७७ को नीति तथा कार्यक्रम प्रस्तुत गर्दै प्रदेश प्रमुख बाबुराम कुँवरले गण्डकी प्रदेशलाई पर्यटनको केन्द्र र पोखरालाई पर्यटकीय राजधानीका रूपमा विकास गरी राष्ट्रिय तथा अन्तर्राष्ट्रिय पर्यटन बजारमा पर्यटकीय गन्तव्यको छवि स्थापित गर्ने बताए।

जीविकोपार्जन र रोजगारीका अवसरमा वृद्धि गर्न पर्यापर्यटन, माइस पर्यटन, जल पर्यटन, कृषि पर्यटन, खेल पर्यटन, शैक्षिक पर्यटन, धार्मिक पर्यटन र ग्रामीण पर्यटनजस्ता पर्यटन व्यवसायको विविधीकरण र विस्तारमा जोड दिने सरकारको लक्ष्य छ।

पर्यटन क्षेत्रलाई अन्य क्षेत्रसँग आबद्ध गरी उत्पादकत्व वृद्धि गर्ने, घरबास कार्यक्रमलाई प्राङ्गारिक कृषि उत्पादन र साना तथा घरेलु उत्पादनसँग आबद्ध गरी पर्यटन प्रवर्द्धन गर्ने नीति तथा कार्यक्रममा भनिएको छ। पोखरा–काठमाडौँ–लुम्बिनीलाई गौतमबुद्ध स्वर्णिम त्रिकोणका रूपमा विकास गर्न सङ्घीय सरकार र अन्तरप्रदेश सहकार्यमा जोड दिने सरकारले भनेको छ।

पर्यटकीय पूर्वाधारको विकास गर्दा पुरातात्त्विक महत्त्वका धार्मिक, सांस्कृतिक, ऐतिहासिक मठमन्दिर, गुम्बा र गुफालगायत मौलिक संस्कृतिको संरक्षण र प्रवर्द्धन गर्ने नीति अवलम्बन गर्ने भनिएको छ।

प्रदेशभित्रका अन्नपूर्ण चक्रीय पदमार्ग, मनास्लु, धवलागिरि तथा ढोरपाटन शिकार आरक्षलगायत संरक्षित क्षेत्रका पदमार्गको स्तरोन्नति गर्ने र ग्रामीण पर्यटन केन्द्रको स्तरोन्नति र पर्यटन सेवा सूचना केन्द्रको संस्थागत व्यवस्था गर्ने भनिएको छ।

सरकारले पदमार्गको स्तरोन्नतिलाई प्राथमिकतामा राख्नु प्रशंसायोग्य भएको ट्रेकिङ एजेन्सिज एसाेसिएसन अफ नेपाल (टान) पश्चिमाञ्चल क्षेत्रीय सङ्घका अध्यक्ष हरि भुजेल बताउँछन्। “भइरहेका पदमार्गको संरक्षण गर्दै बाटो खन्ने नाममा पदमार्ग क्षेत्रमा जथाभावी डोजर चलाउने प्रवृत्ति तत्काल रोकिनुपर्छ,” उनले भने, “गण्डकी प्रदेश पदयात्रा पर्यटनमा अत्यन्त सम्भावना बोकेको स्थल हो।”

सन् २०१९ लाई आन्तरिक पर्यटन वर्ष घोषणा गरी कार्यक्रम सञ्चालन भइरहेको उल्लेख गर्दै नीति तथा कार्यक्रममा सन् २०२० लाई छिमेकी आकर्षण पर्यटन वर्ष र सन् २०२२ लाई अन्तर्राष्ट्रिय पर्यटन वर्ष अभियान सञ्चालन गरी सन् २०२२ सम्म २० लाख पर्यटक भित्र्याउने लक्ष्यसहित प्रचारप्रसार, बजार प्रवर्द्धन तथा पूर्वाधार निर्माण जोड दिइने भनिएको छ।

पोखरालाई हवाई ‘हब’ बनाउन नेपालका प्रमुख शहर, प्रादेशिक राजधानी र छिमेकी देशका शहरसँग हवाई मार्गद्वारा जोड्ने नीति लिइने र घरबास लगायतका प्रमुख पर्यटकीय गन्तव्यमा आवश्यकताअनुसार हेलिप्याड निर्माण गर्ने सरकारको लक्ष्य छ।

मुस्ताङ, मनाङ र उत्तरी गोरखालाई फिल्म सिटी र विशेष पर्यटन क्षेत्रका रूपमा विकास गर्ने नीति लिने उल्लेख गर्दै नीति तथा कार्यक्रममा आगामी वर्ष उपल्लो मुस्ताङलाई जियो पार्क घोषणा गरी संरक्षण तथा प्रवर्द्धन गर्ने, ऐतिहासिक तथा पुरातात्त्विक महत्त्वको लोमन्थाङ क्षेत्रलाई विश्व सम्पदा सूचीमा सूचीकृत गर्न पहल गर्ने भनिएको छ।

गण्डकी प्रदेशको पर्यटनलाई विश्वव्यापी प्रतिस्पर्धी बनाउन डिजिटल पर्यटन कार्यक्रम सञ्चालन गर्ने, प्रदेशका पर्यटकीयस्थलको प्रचारप्रसार गर्न विश्वका प्रमुख भाषामा ‘वेब पोर्टल’ निर्माण गरी सञ्चालन गर्ने लक्ष्य राखिएको छ। प्रदेशभित्र पर्यटन सेवा प्रदान गर्न उपयुक्त संस्थागत संरचना खडा गरी पर्यटन प्रवर्द्धन गर्ने नीति तथा कार्यक्रममा उल्लेख छ।

पोखरामा प्राकृतिक रूपमा धेरै सम्पदा भए पनि मानवनिर्मित पर्यटकीय संरचना कम रहेको नेपाल टुर्स एन्ड ट्राभल्स एजेन्ट्स (नाट्टा) पश्चिमाञ्चल क्षेत्रीय सङ्घका अध्यक्ष सन्तोष पोखरेल बताउँछन्। सरकारले पूर्वाधार विकासलाई प्राथमिकता राखिनुले यसतर्फको सम्भावना बढाएको उल्लेख गर्दै उनले पर्यटकको बसाई लम्ब्याउन पनि पूर्वाधार विकास अपरिहार्य भएको धारणा राखे। (रासस)

लोकप्रिय

‘सिरिञ्ज आक्रमण’को हल्ला: अझै पत्ता लागेन वास्तविकता

‘सिरिञ्ज आक्रमण’को हल्ला: अझै पत्ता लागेन वास्तविकता

२०७६, ९ असार सोमबार १९:३५

नेकपा माओवादीका नेता नरबहादुर कार्की पक्राउ

नेकपा माओवादीका नेता नरबहादुर कार्की पक्राउ

२०७६, ९ असार सोमबार १७:२०

सचिन र जीतेनको स्वरमा ‘माया सरर’

सचिन र जीतेनको स्वरमा ‘माया सरर’

२०७६, ८ असार आईतवार १९:२०

पोखराको तरकारी बजारमा शंकास्पद वस्तु फेला

पोखराको तरकारी बजारमा शंकास्पद वस्तु फेला

२०७६, ९ असार सोमबार २०:२६

३० रुपैयाँमै विशेषज्ञ सेवा !

३० रुपैयाँमै विशेषज्ञ सेवा !

२०७६, ८ असार आईतवार १९:५०

बेली डान्सर विनु शाक्यका पाँच तस्बिर

बेली डान्सर विनु शाक्यका पाँच तस्बिर

२०७६, ८ असार आईतवार ०६:४२

ललित विष्टको कथासंग्रह ‘मोहपथ’ बजारमा

ललित विष्टको कथासंग्रह ‘मोहपथ’ बजारमा

२०७६, ८ असार आईतवार १०:०५

नेकपामा नयाँ ध्रुवीकरण: प्रचण्ड-माधव ‘भर्सेस’ ओली

नेकपामा नयाँ ध्रुवीकरण: प्रचण्ड-माधव ‘भर्सेस’ ओली

२०७६, ८ असार आईतवार ०९:२८

विप्लव कार्यकर्ताद्वारा रामेछापमा सिलिण्डर विष्फोट

विप्लव कार्यकर्ताद्वारा रामेछापमा सिलिण्डर विष्फोट

२०७६, १० असार मंगलवार ०७:५७

बालविवाह रोक्न टीकापुर नपामा ‘हाम्री छोरी, प्यारी छोरी’ कार्यक्रम

बालविवाह रोक्न टीकापुर नपामा ‘हाम्री छोरी, प्यारी छोरी’ कार्यक्रम

२०७६, ९ असार सोमबार १५:५८

भद्रपुर नगरपालिकाको कार्यालयभित्र बम भेटियो

भद्रपुर नगरपालिकाको कार्यालयभित्र बम भेटियो

२०७६, १० असार मंगलवार ०७:००

वीरगन्जको सुन पसलमा छापा, ४२ लाखसहित आठ जना पक्राउ

वीरगन्जको सुन पसलमा छापा, ४२ लाखसहित आठ जना पक्राउ

२०७६, ९ असार सोमबार १८:४७

वीरगञ्जमा ६० करोड लगानीको यती कार्पेट सञ्चालनमा आउँदै

वीरगञ्जमा ६० करोड लगानीको यती कार्पेट सञ्चालनमा आउँदै

२०७६, ८ असार आईतवार १३:३९

नियत साफ नभएपछि नियति बिग्रन्छ

नियत साफ नभएपछि नियति बिग्रन्छ

२०७६, ८ असार आईतवार १३:१७

कास्कीमा राज्यपक्षबाट ६ महिनामा ६१ पीडित

कास्कीमा राज्यपक्षबाट ६ महिनामा ६१ पीडित

२०७६, १० असार मंगलवार १०:१८