सचेत घिसिङ, काठमाडौँ – काठमाडौँको बौद्धस्थित समता अस्पतालमा झुण्डिएको अवस्थामा मृत भेटिएकी बिमला तामाङका आफन्तले उनको हत्या भएको भन्दै विरोध जनाएका छन्। तर, अस्पतालले भने बिमलाले आत्महत्या गरेको दाबी गरिरहेको छ। अस्पताल प्रशासनका कर्मचारीले बिमलाले आत्महत्या गरेको बताएपछि बिमलाका आफन्त तथा स्थानीयहरू आक्रोशित बनेका छन्। बिमलाको मृत्युका सम्बन्धमा अस्पताल र मृतकका आफन्त दुवै पक्षको आ-आफ्नै तर्क र अडानका कारण मंगलबार दिनभर बौद्धको समता अस्पताल र समता स्कुल तनावग्रस्त बन्यो।

अनुसार बिमला सदाझैँ हिजो सोमबार पनि हाउसकिपिङ कामका लागि अस्पताल गएकी थिइन्। उनी हरेक दिन बेलुकी ४ बजे छोरालाई लिन स्कूल पुग्थिन्। तर, सोमबार उनी स्कूलमा छोरालाई लिन गइनन्। स्कूलले बिमलालाई फोन गर्‍यो , तर फोन लागेन। अबेरसम्म बच्चा लिन नआएपछि स्कूलले उनका आफन्तलाई खोजी गरेर बच्चालाई घरसम्म पुर्‍याइदियो।

श्रीमती नआएपछि बुद्ध स्कूलमा छोरा लिन जाँदा छोरालाई बाटोमै भेटे, तर बिमलालाई देखेनन्। त्यसपछि अस्पतालमा फोन गरे, तर अस्पतालले ‘आज आएको छैन’ भन्ने खबर दियो। तर, बुद्धको मनले मानेन। उनी अस्पताल गए। एक जना त्यहीँको कर्मचारीले आएको जानकारी दिए।

बुद्धले सबै आफन्तकहाँ फोन गरे। आफन्तहरूकोमा पनि नगएको खबर पाएपछि अस्पतालका सबै कोठाहरूमा खोजे तर कहीँ भेट्टाएनन्। एउटा कोठामा भने ताला लगाइएको थियो। बुद्धले खोल्न आग्रह गरे। कर्मचारीले ‘मिटिङ रुम’ भन्दै खोल्न मानेनन्।

श्रीमती कहीँ कतै नभेटिएपछि बुद्ध रातभर अस्पतालमै बसे। उनले पटकपटक बन्द कोठा खोल्न आग्रह गर्दा पनि अस्पतालका कर्मचारीले खोल्न नमानेको बुद्धले नेपाली पब्लिकलाई बताए। उनले भने, ‘मैले धेरै पटक खोल्न अनुरोध गरेँ, तर उनीहरूले ‘स्टाफ मिटिङ रुम हो, खोल्न मिल्दैन’ भनिरहे, म रातभर यतै बसेँ।’ उनी आफन्त सबैलाई खबर गरेर आफन्तसहित अस्पतालमै बसिरहे।

घटनापछि समता अस्पतालमा अहिले सञ्चारमाध्यमलाई प्रवेश निःषेध गरिएको छ। आफन्त र स्थानीयले मिडियालाई प्रवेश दिनुपर्ने माग गरे पनि अस्पताल प्रशासनले प्रवेश निःषेध गरिरहेको छ। बिहान प्रहरीले बन्द कोठा खोल्दा बिमला झुण्डिएको अवस्थामा फेला पारेको थियो। ‘उनको टाउकोमा केही चोट लागेको र रगत बगेको छ,’ बिमलाका श्रीमान बुद्धले भने। बन्द कोठामा कसरी आत्महत्या भयो भन्दै आफन्तले घटनाको छानबिन गर्न माग गरेपछि अस्पतालमा तनाव उत्पन्न भएको थियो। यो समाचार तयार पार्दासम्म पनि अस्पतालवरपर स्थानीय र आफन्तजनले विरोध गरिरहेका छन्।

स्कुलमा भएको सामान्य तोडफोडपछि कैयौँ बालबालिका स्कूल र अभिभावकको सम्पर्कमा साँझसम्म पनि सम्पर्कमा आइनसकेको स्कूल र अभिभावकहरूले बताएका छन्। साँझसम्म पनि बालबालिका लिनका लागि अभिभावक स्कूल परिसरमा निरास मुद्रामा बसिरहेका देखिन्थे। उनीहरूको चिन्ता थियो, ‘अब बालबालिकालाई कसरी पढाउन पठाउने ?’

मृतकका आफन्तले अस्पतालको सीसी क्यामेराको फुटेज माग गरेका थिए। तर, अस्पताल प्रशासनले सीसी क्यामेराको पुरानै फुटेज देखाएको पीडित पक्षको भनाइ छ। उनीहरूका अनुसार सो फुटेज घटना हुनुभन्दा ३ घण्टा अगाडिको हो। अस्पताल प्रशासनका कर्मचारीहरूले समेत सो सीसी क्यामेरा फुटेज घटनाको समयको नभएको कुरा आफूहरूसँग स्वीकारेको पीडित पक्षका व्यक्तिहरूले बताएका छन्।

अस्पतालका एक कर्मचारीले नाम नबताउने शर्तमा भने, ‘त्यो फुटेज घटना हुनुभन्दा ३ घण्टाअघिको हो। त्यसपछिको फुटेज नै क्याप्चर भएको छैन र देखिँदैन पनि।’ स्थानीयवासीहरूका अनुसार अस्पतालका निर्देशक उत्तम सञ्जेलकी श्रीमतीसँग बिमलाको विवाद रहेको थियो। प्रहरी र अस्पताल प्रशासनले स्थानीयको विरोधका बीच पनि बिमलाको शव पोष्टमार्टमका लागि शिक्षण अस्पताल महाराजगञ्जमा पठाएको छ।

समता अस्पतालका सञ्चालक उत्तम सञ्जेलले घटनाका विषयमा आफूलाई केही थाहा नभएको बताए। उनले नेपाली पब्लिकसँग भने, ‘व्यक्तिगत रूपमा मलाई यस विषयमा केही पनि थाहा छैन। घटनाका विषयमा प्रहरीले जानकारी गराएपछि मात्र म दिउँसो १ बजे म अस्पताल पुगेको हुँ।’ उनले थपे, ‘घटनाका विषयमा सम्पूर्ण सत्यतथ्य प्रहरीले पत्ता लगाउनेछ।’

लोकप्रिय

आइतबार दिनभरका प्रमुख खबरहरू – छुटाउनु भयाे कि?

आइतबार दिनभरका प्रमुख खबरहरू – छुटाउनु भयाे कि?

२०७६, ११ फाल्गुन आईतवार २०:२८

घुस लिएको अभियोगमा मुद्दा

घुस लिएको अभियोगमा मुद्दा

२०७६, १२ फाल्गुन सोमबार २०:३६

ओमानका क्रिकेटर युसुफलाई आइसीसीले लगायाे ७ वर्ष प्रतिबन्ध

ओमानका क्रिकेटर युसुफलाई आइसीसीले लगायाे ७ वर्ष प्रतिबन्ध

२०७६, १२ फाल्गुन सोमबार १२:५९

विमलकाे निर्णायक गाेलमा मछिन्द्रले जित्याे सताक्षी गोल्ड कपको उपाधि

विमलकाे निर्णायक गाेलमा मछिन्द्रले जित्याे सताक्षी गोल्ड कपको उपाधि

२०७६, ११ फाल्गुन आईतवार १७:३१

राति एक गिलास दुध सेवन गरेमा रोग प्रतिरोधात्मक क्षमता वृद्धि हुने

राति एक गिलास दुध सेवन गरेमा रोग प्रतिरोधात्मक क्षमता वृद्धि…

२०७६, १२ फाल्गुन सोमबार १२:३७

फिक्स्ड इन्टरनेटमा नेपाल उक्लियाे चार स्थान माथि, मोबाइल इन्टरनेटमा भने भारतभन्दा अघि

फिक्स्ड इन्टरनेटमा नेपाल उक्लियाे चार स्थान माथि, मोबाइल इन्टरनेटमा भने…

२०७६, ११ फाल्गुन आईतवार १८:००

अन्तर्राष्ट्रिय क्रिकेट रंगशाला निर्माणमा पत्रकार धमला दम्पतिले गरे आर्थिक सहयोग

अन्तर्राष्ट्रिय क्रिकेट रंगशाला निर्माणमा पत्रकार धमला दम्पतिले गरे आर्थिक सहयोग

२०७६, १२ फाल्गुन सोमबार १०:३०

अन्तरिक्षमा जान लागेका वैज्ञानिक माइक ह्यूजको रकेट दुर्घटनामा मृत्यु

अन्तरिक्षमा जान लागेका वैज्ञानिक माइक ह्यूजको रकेट दुर्घटनामा मृत्यु

२०७६, ११ फाल्गुन आईतवार १७:४१

नैतिक शिक्षाको खाँचोः प्रदेश प्रमुख शेरचन

नैतिक शिक्षाको खाँचोः प्रदेश प्रमुख शेरचन

२०७६, ११ फाल्गुन आईतवार ०८:३९

‘‘नैतिकताको आधारमा प्रधानमन्त्रीले राजिनामा दिनुपर्छ”

‘‘नैतिकताको आधारमा प्रधानमन्त्रीले राजिनामा दिनुपर्छ”

२०७६, ११ फाल्गुन आईतवार ००:१३

बुझ्नै नसकिएकाे तितेपातीको महत्व

बुझ्नै नसकिएकाे तितेपातीको महत्व

२०७६, ११ फाल्गुन आईतवार १३:४६

अक्षय कुमार र कट्रिनाकाे फिल्म ‘सूर्यवंशी’ काे रिलिज मिति तय

अक्षय कुमार र कट्रिनाकाे फिल्म ‘सूर्यवंशी’ काे रिलिज मिति तय

२०७६, १२ फाल्गुन सोमबार १७:०१

रक्सीको नसामा आफ्नै पतिले जुवाकाे खालमा राखेपछि पत्नीकाे सामूहिक बलत्कार

रक्सीको नसामा आफ्नै पतिले जुवाकाे खालमा राखेपछि पत्नीकाे सामूहिक बलत्कार

२०७६, १२ फाल्गुन सोमबार १७:५७

प्रधानमन्त्री ओलीकाे जन्मदिनमा सार्वजनिक विदा

प्रधानमन्त्री ओलीकाे जन्मदिनमा सार्वजनिक विदा

२०७६, ११ फाल्गुन आईतवार ११:३८

नरिवलकाे पानी स्वास्थ्यका लागि लाभदायक

नरिवलकाे पानी स्वास्थ्यका लागि लाभदायक

२०७६, ११ फाल्गुन आईतवार १३:३८