बुटवल, २ माघ – नेपाली कांग्रेस रुपन्देहीले पार्टीको आधिकारिक निर्णयबिना नै प्रदेश पाँचको स्थायी राजधानी बुटवल तत्काल घोषणा गर्न माग गर्दै बिहीबार बुटवलमा खबरदारीसभा गर्न लागेको पाइएको छ।

पार्टी संसदीय दलले राजधानीको सन्दर्भमा कुनै निर्णय नगरेको भएपनि जिल्ला कार्यसमितिले खबरदारीसभा गर्न लागेको हो। खबरदारी सभालाई कांग्रेसकै कतिपय नेताहरुले ‘हतार र अपरिपक्व’ भनी टिप्पणी गरेका छन्।

अस्थायी राजधानी घोषणा भएको एक वर्ष पूरा भएको दिन पारेर कांग्रेस रुपन्देहीले बुटवलमा सभा गर्ने तयारीमा कांग्रेस रूपन्देही लागेको हो।

नेपाली कांग्रेस प्रदेश नम्बर पाँचका संसदीय दलका नेता बलदेव शर्मा पोखरेल बुटवल राजधानी हुनुपर्छ भनेर संसदीय दलले निर्णय नगरे पनि पार्टीले सभा सम्मेलन गर्न सक्ने जिकिर गर्छन्। उनी रुपन्देहीबासी हुन्।

बुटवलको खबरदारी सभाबारे बाँके बर्दिया, दाङलगायत प्रदेश पाँचका पश्चिम क्षेत्रबाट प्रतिनिधित्व गर्ने सांसदहरू बेखवर छन्। कांग्रेस संसदीय दलका प्रमुख सचेतक सुरेन्द्रबहादुर हमालले संसदीय दलको निर्णयबिना रूपन्देही राजधानी बनाउनुपर्ने जनाउँदै सभा–सम्मेलन गर्नु हतार हुने प्रतिक्रिया दिएका छन्।

हमालले भने, ‘प्रदेशको स्थायी राजधानी घोषणा गर्ने सम्पूर्ण अधिकार प्रदेशसभालाई छ। केही सांसदहरू माघी पर्वमा व्यस्त छन्। बुटवल राजधानी बन्नुपर्छ भन्ने भनाइ पूर्ण हुन मुस्किल छ। बुटवल हुने सभालाई कांग्रेसका पश्चिम क्षेत्रबाट प्रतिनिधित्व गर्ने सांसदहरूले रूचाएका छैनन्।’

खबरदारीसभाको मुख्य माग ‘प्रदेश नम्बर पाँचको स्थायी राजधानी रूपन्देही कायम हुनुपर्ने र प्रदेश पाँचको नामाकारण गरिनुपर्ने’ कांग्रेसको प्रचार सामग्रीमा उल्लेख छ।

कांग्रेसले राजधानी बाग्दै बुटवलमा खबरदारीसभा गर्ने सुनेपछि मुख्यमन्त्री शंकर पोखरेलले आइतबारको संसद् बैठकमा प्रदेशको राजधानी सडकबाट मागेर पाइँदैन भन्ने प्रतिक्रिया दिएका थिए। असान्दर्भिक मागका बारेका सभा, सम्मेलन र विरोध नगर्न कांग्रेसलाई उनको आग्रह थियो।

प्रदेश नम्बर पाँच सार्वजनिक लेखा समितिका सभापति तथा दाङबाट प्रतिनिधित्व गर्ने कांग्रेसका सांसद डिल्लीबहादुर चौधरीले नेपाली कांग्रेस पार्टी, संघीय संसदीय दल, प्रदेशको कुनै पनि संसदीय दलको बैठकले राजधानीको विषयमा कुनै निर्णय र छलफल नगरेको बताए।

चौधरीले भने, ‘कसैले पनि रूपन्देही राजधानी हुनुपर्छ भनेर भनेको छैन। हाम्रै पहलमा प्रदेशको नामाकरण र स्थायी राजधानीको विषयमा सुझाव संकलन गर्न समिति बनाइएको हो। समितिले सुझाव संकलन गर्दै छ। अनुशासनमा बस्न सिक्नुपर्छ।’

प्रदेश नम्बर–५ को स्थायी राजधानी बुटवलमै रहनेजस्तै छ। पूर्वाधारका हिसाबले रूपन्देही नै राजधानी सबै क्षेत्रबाट उपयुक्त छ।

८७ सदस्यीय प्रदेशसभामा कांग्रेसका १९ सांसदले प्रतिनिधित्व गर्छन्। स्थायी राजधानी सहमतिमा नटुङ्गिए प्रदेशसभाको दुईतिहाइ बहुमतले टुङ्गो लगाउन सक्छ। त्यो बहुमत नेकपासँग छ। तर कांग्रेस रुपन्देहीले जस लिनका लागि सडकबाट राजधानी माग्न थालेको कतिपयको बुझाइ छ।

कांग्रेस रूपन्देहीका सभापति अब्दुल रज्जाकले सरकारले प्रदेश स्थायी राजधानी तोक्न आलटाल गरेकोले जनस्तरबाट खबरदारी गर्ने सभा गर्न लागेको बताएका छन्।

‘प्रदेससभा गठन भएको एक वर्ष पुग्यो,’ रज्जाक भन्छन्, ‘राजधानी तोक्ने महत्वपूर्ण विषयमा सरकारले आलटाल र अन्यत्र सार्ने सडयन्त्र देखिँदै छ। दुईतिहाइको सरकारले यस्तो विषयलाई ओझेलमा पारेको छ। त्यसविरूद्ध सभा गर्न लागेको हौँ।’

सभामा सम्बोधनका लागि कांग्रेस संसदीय दलका प्रमुख सचेतक तथा रूपन्देहीबाट समानुपातिबाट प्रतिनिधित्व गर्ने बालकृष्ण खाँण, कांग्रेस प्रवक्ता विश्वप्रकाश शर्मा, केन्द्रीय सदस्य पुष्पा भुसाल, चन्द्र भण्डारी र मानबहादुर विक बुटवल आउँदैछन्।

लोकप्रिय

अष्ट्रेलिया काण्डः पीडित युवतीले दिइन् अष्ट्रेलियाबाटै उजुरी

अष्ट्रेलिया काण्डः पीडित युवतीले दिइन् अष्ट्रेलियाबाटै उजुरी

२०७६, ९ माघ बिहीबार १५:४८

बिहीबार दिनभरका प्रमुख खबरहरू – छुटाउनु भयाे कि ?

बिहीबार दिनभरका प्रमुख खबरहरू – छुटाउनु भयाे कि ?

२०७६, ९ माघ बिहीबार १९:५८

कांग्रेसको विवाद मिल्योः १४ औं महाधिवेशन २०७७ फागुन ७ मा नै हुने

कांग्रेसको विवाद मिल्योः १४ औं महाधिवेशन २०७७ फागुन ७ मा…

२०७६, १० माघ शुक्रबार २०:०२

प्राचिनकालमा यसरी हुन्थ्यो सेक्स !

प्राचिनकालमा यसरी हुन्थ्यो सेक्स !

२०७६, ९ माघ बिहीबार १८:५२

बीमाको रकम भुक्तानी नहुँदा अस्पताल सञ्चालनमा समस्या

बीमाको रकम भुक्तानी नहुँदा अस्पताल सञ्चालनमा समस्या

२०७६, १० माघ शुक्रबार ०७:२६

विश्व बैंकको लगानीबाट पथलैया–ढल्केबर सडक ४ लेनकाे बनाइने

विश्व बैंकको लगानीबाट पथलैया–ढल्केबर सडक ४ लेनकाे बनाइने

२०७६, ९ माघ बिहीबार १५:२१

बिमलराज क्षेत्रीको ‘ऐना हेरी हेरी’ टिकटकमा सबैभन्दा हिट (भिडियो सहित)

बिमलराज क्षेत्रीको ‘ऐना हेरी हेरी’ टिकटकमा सबैभन्दा हिट (भिडियो सहित)

२०७६, ९ माघ बिहीबार १५:१३

अदालतमा उपस्थित नभई सिद्धबाबा भारततर्फ फरार

अदालतमा उपस्थित नभई सिद्धबाबा भारततर्फ फरार

२०७६, ९ माघ बिहीबार १७:४३

पेट्रोलियम अन्वेषणमा साइस्किम सर्भे शुरु

पेट्रोलियम अन्वेषणमा साइस्किम सर्भे शुरु

२०७६, ९ माघ बिहीबार ०८:४९

मन्त्रिपरिषद् बैठककाे ३२ निर्णय सार्वजनिक

मन्त्रिपरिषद् बैठककाे ३२ निर्णय सार्वजनिक

२०७६, ९ माघ बिहीबार १८:११

विश्व क्रिकेट हस्तीका केहि प्रसिद्ध भनाइहरु

विश्व क्रिकेट हस्तीका केहि प्रसिद्ध भनाइहरु

२०७६, ९ माघ बिहीबार १४:२२

शुक्रबार सार्वजनिक बिदा

शुक्रबार सार्वजनिक बिदा

२०७६, ९ माघ बिहीबार १५:५४

न्युजिल्याण्डका विलियमसनले तोडे धोनीको रेकर्ड

न्युजिल्याण्डका विलियमसनले तोडे धोनीको रेकर्ड

२०७६, १० माघ शुक्रबार १६:५५

फ्रिजमा के–कस्ता खानेकुराहरु राख्न हुदैन ?

फ्रिजमा के–कस्ता खानेकुराहरु राख्न हुदैन ?

२०७६, ९ माघ बिहीबार १७:१५

राष्ट्रकल्याणको कामना गर्दै बुद्ध पूजा

राष्ट्रकल्याणको कामना गर्दै बुद्ध पूजा

२०७६, ९ माघ बिहीबार १९:३२