काठमाडौं – नेपाल राष्ट्र बैंकले आर्थिक वर्ष २०७६/७७ को मौद्रिक नीति आज बुधबार सार्वजनिक गरेको छ।  गभर्नर डा. चिरञ्जीवी नेपालले चालू आवको मौद्रिक नीति आज सार्वजनिक गरेका हुन्। नियामक निकाय राष्ट्र बैंकले आज सार्वजनिक गरेको मौद्रिक नीतिमा वाणिज्य बैंकहरूलाई मर्जरमा जान उत्साहित गराउन विभिन्न सहुलियतहरू प्रदान गर्ने नीति लिएको छ।

बजारमा यसअघि ‘फोर्स मर्जर’को नीति आउने चर्चा चले पनि अन्ततः केन्द्रीय बैंकले वाणिज्य बैंकहरूलाई मर्जरमा जान बाध्यकारी नबनाउने तर ठूला बैंकहरूलाई मर्जरमा जान प्रोत्साहन गर्ने नीति भने लिएको छ।

गभर्नर डा. नेपालले मौद्रिक नीति सार्वजनिक गर्दै मर्जरमा जाने वाणिज्य बैंकहरूलाई सहुलियत दिने घोषणासमेत गरेका छन्। उनका अनुसार २०७७ असार समान्तसम्म मर्जर सकेर एकीकृत कारोबार गरे कुलिङ पिरियड हटाउने, अनिवार्य भनिएका ठाउँमा लगानी गर्न बाध्य नबनाउने, ऋणपत्र अनिवार्य जारी गर्न बाध्य नबनाउने लगायतका सुविधा प्रदान गरिने मौद्रिक नीतिमा उल्लेख छ।

राष्ट्र बैंकका अफर के के छन् ?

१. प्राथमिकता प्राप्त क्षेत्रमा गरिनुपर्ने न्यूनतम लगानी २०७८ असार मसान्तसम्म कायम गरे हुने।

२. २०७८ असार मसान्तसम्म स्प्रेड दर ४.४ कायम गरे हुने।

३. शाखा खोल्न राष्ट्र बैंकको स्वीकृति नचाहिने।

४. कार्यकारीहरूलाई कुलिङ पिरियड लागू नहुने।

५. ऋणपत्रमा गरिनुपर्ने लगानी २०७८ असार मसान्तसम्म गरे हुने।

आज सार्वजनिक मौद्रिक नीति पढ्नुहोस्

Monetary_Policy_(in_Nepali)–2076-77_(Full_Text)-new

 

लोकप्रिय