समकालीन कविताको आरम्भदेखि नै सशक्त काव्यिक स्वर लिएर नेतृत्वदायी भूमिकामा रहँदै आएकी कवि कुन्ता शर्मा नेपाली कविताका पाठकमाझ ‘पोथी बास्नु हुँदैन !’ शीर्षकको कविताबाट प्रसिद्धि कमाएकी कवि हुन्। आजको यस शृङ्खलामा उनको नवीनतम कविता सङ्ग्रह ‘मेरो मान्छे’ (२०७५)मा सङ्कलित ‘घोडा नमार’ शीर्षकको एउटा सम्यक र सचेत दृष्टिकोणयुक्त कविता साभार गरी प्रकाशन गरिएको छ।
 
– कुन्ता शर्मा
 
पर्ख !
उजाएको हतियार तल झार,
घोडाको वध नगर,
नभत्काऊ रथहरू,
सारथि निकम्मा भए परिवर्तन गर
तर घोडाको वध नगर,
कृपया घोडा नमार !
 
निरङ्कुशहरूको अस्तबलबाट
ठूलो जुक्ति र बुद्धि पुर्‍याएर,
धेरैले मृत्युवरण गरेर,
अङ्गभङ्ग, सर्वाङ्ग भएर,
यो घोडा मुक्त भएको हो
घोडा हिँडेन, डुलेन
घोडाले गन्तव्य भेटेन
दोष यो पटक्कै होइन घोडाको
त्यसैले घोडालाई पुनः कसाहीलाई नसुम्प
बरु खोस लगाम दुष्टहरूको हातबाट
तर घोडाको वध नगर,
कृपया घोडा नमार !
 
कुरो के हो?
कतै घोडाको बँधाइछँदाइ नमिलेको हो कि,
या खुरहरूमा किलाकाँटी बिझेको हो कि,
या विषाणुहरूले क्लान्त बनाएको हो कि ?
अध्ययन गर सूक्ष्मतर ढङ्गले
हतास नहोऊ, निराश नबन
निकास खोज
उपचार गर घोडाको
तर घोडाको वध नगर,
कृपया घोडा नमार !
 
रगतका तालहरूमा डुबेर
प्राप्त यो टाँगन घोडालाई,
नमास अस्तबलको शोभालाई
बरु खोज, समस्या खोज,
समस्याको समाधान खोज,
कहाँ कहाँ छन्, के के छन्
व्यवधान खोज,
सवार भएन, फेर उसलाई,
व्यवहार भएन, खेर उसलाई,
उत्तेजित नबन
घोडाको वध नगर,
कृपया घोडा नमार !
 
सल्किरहेछ आगो असन्तोषको,
दन्किरहेछ डढेलो विरोधाभासको,
हजारौँ आँखाहरूका सपनाहरू चौपट भए,
लाखौँ मनहरूका आकाङ्क्षाहरू आहत भए
पितामहहरू सत्तालिप्सामा मस्त भए
दुर्योधनहरू कपटको जालो बुन्नमा व्यस्त भए
भिजेका बिरालाजस्ता भएर
विदुरहरू बोल्नै नसक्ने भए
शकुनिहरू एकाग्र भएर
षडयन्त्रको योजना बुन्दै गए
सपनाहरू सबै खरानी भए
तर पनि आत्तिने बेला छैन
विस्थापित गर सवारलाई
तर कृपया घोडाको वध नगर !
 
लिस्नो लगाइएको छ दुष्टहरूका लागि
उफ्रिरहेका छन् कुदिरहेका छन्
वर्षौंवर्ष रगतपसिनाले निर्मित
ओतहरू भत्काइरहेका छन्,
सिस्नो लगाउँदै छन् इमानदारहरूलाई
तिनीहरू आहत छन्, दुखित छन्
के गरौँ, कसो गरौँले द्रवित छन्
हो, सोचेजस्तो छैन परिवेश
खोजेजस्तो छैन देश
तर पनि हरेस नखाऊ
लगाम खोस घोडसवारबाट
तर घोडाको वध नगर,
कृपया घोडा नमार !
 
मनहरू सुकेका जङ्गलजस्तै जर्जर छन्
तीव्र असन्तुष्टि डढेलोजस्तो फैलिएको छ
तुवाँलोजस्तो खिन्नताले छोपेको छ मनहरू
शूलजस्तो पीडा कुदिरहेको छ छातीमा
धस्कँदै गएको छ अल्लो पहाड आस्थाको
होचिँदै गएको छ सग्लो हिमाल श्रद्धाको
आकाश कालो छ धमिलो
कुदिरहेछन् थाप्लामाथि विद्युतीय तरङ्गहरू
मनस्थिति धमिलो पानीजस्तो छ,
परिस्थिति एकदमै उल्टोपाल्टो छ
तर पनि हार्न उचित हुँदैन,
निचमार्न उचित हुँदैन,
उठ फालेर अकर्मण्यताहरू,
नयाँ परिवेशको निर्माण गर
तर कृपया घोडा नमार !
 
समय जेजस्तो भए पनि,
परिस्थिति उबडखाबड हुँदै गए पनि
थाक्नु हुँदैन पैँतालाहरू,
हार्नु हुँदैन मनहरू
समाधान हुँदै जालान् समस्याका वक्रताहरू,
धैर्य गर, प्रतीक्षा गर समयको
तर वध नगर घोडाको
कृपया घोडा नमार !
 
समय सधैँ ओथारो बस्तैन एकै ठाउँ
धमिलो पानी सङ्लिएर जान्छ, जान्छ
‘खनी उकाली खनी ओराली’ भन्छन् मानिसहरू
औँलाहरू गतिशील रहे
छेउको सियो माझमा पुगेरै छाड्छ,
धैर्यको कवच ग्रहण गर अशान्त मनहरू
हाँक समयलाई अविरल चालेर पैँतालाहरू
गतिशीलताले होचो गराउँछ
जस्तै अग्ला शिखरहरू पनि
छन् छन त
छातीभरि छटपटीहरू खपी नसक्नुका
तर घोडाको वध नगर,
कृपया घोडा नमार !

लोकप्रिय

चन्द्रशेखर उपाध्यायलाई दुई लाख राशीको नेपाल विद्यापति पुरस्कार

चन्द्रशेखर उपाध्यायलाई दुई लाख राशीको नेपाल विद्यापति पुरस्कार

२०७६, २४ कार्तिक आईतवार १८:२९

चलचित्रकर्मीका लागि लाभदायक महोत्सव

चलचित्रकर्मीका लागि लाभदायक महोत्सव

२०७६, २५ कार्तिक सोमबार १७:४५

अनौठाे जुवा सामग्रीसहित एकजना पक्राउ

अनौठाे जुवा सामग्रीसहित एकजना पक्राउ

२०७६, २५ कार्तिक सोमबार १९:५६

कसरी बन्छ हीरा?

कसरी बन्छ हीरा?

२०७६, २५ कार्तिक सोमबार १७:४१

नेकपाका अध्यक्षद्वय ओली र प्रचण्डबीच भेटवार्ता

नेकपाका अध्यक्षद्वय ओली र प्रचण्डबीच भेटवार्ता

२०७६, २४ कार्तिक आईतवार १७:३८

विमल डाँगी र बिष्णु माझीको मार्मिक लोकदोहोरी गीत ‘आकाशैको जुन तारालाई’ (भिडियो सहित)

विमल डाँगी र बिष्णु माझीको मार्मिक लोकदोहोरी गीत ‘आकाशैको जुन…

२०७६, २४ कार्तिक आईतवार १३:४८

अघोरी बाबा र उनकी श्रीमती प्रहरी नियन्त्रणमा

अघोरी बाबा र उनकी श्रीमती प्रहरी नियन्त्रणमा

२०७६, २५ कार्तिक सोमबार १४:५५

एनएमबी बैंकले ३५ प्रतिशत लाभांश दिने

एनएमबी बैंकले ३५ प्रतिशत लाभांश दिने

२०७६, २५ कार्तिक सोमबार १७:२८

क्यान फेडरेशनको कार्यसमिति निर्वाचनमा अध्यक्षका प्रत्यासी कुवँरको प्यानल घोषणा

क्यान फेडरेशनको कार्यसमिति निर्वाचनमा अध्यक्षका प्रत्यासी कुवँरको प्यानल घोषणा

२०७६, २६ कार्तिक मंगलवार १७:२५

सुपर ओभरमा न्युजिल्यान्डमाथि इंग्ल्यान्डको रोमाञ्चक जित

सुपर ओभरमा न्युजिल्यान्डमाथि इंग्ल्यान्डको रोमाञ्चक जित

२०७६, २४ कार्तिक आईतवार ११:४२

भारत ‘सी’सँग नेपाली युवा टिम पराजित

भारत ‘सी’सँग नेपाली युवा टिम पराजित

२०७६, २५ कार्तिक सोमबार १४:०५

इलाममा सोमवार सार्वजनिक विदा

इलाममा सोमवार सार्वजनिक विदा

२०७६, २४ कार्तिक आईतवार १६:०१

चर्चित  लोकदोहोरी गायक गोविन्द पौडेलको नयाँ गीत ‘घडी’ सार्वजानिक (भिडियो सहित)

चर्चित  लोकदोहोरी गायक गोविन्द पौडेलको नयाँ गीत ‘घडी’ सार्वजानिक (भिडियो…

२०७६, २४ कार्तिक आईतवार २१:१२

बिष्णु माझी र मोहन खड्काको नयाँ गीत ‘सुन्तला गुलियो’ (भिडियो सहित)

बिष्णु माझी र मोहन खड्काको नयाँ गीत ‘सुन्तला गुलियो’ (भिडियो…

२०७६, २५ कार्तिक सोमबार २०:०७

८ वर्षीया बालिका छिमेकीबाट बलात्कृत

८ वर्षीया बालिका छिमेकीबाट बलात्कृत

२०७६, २५ कार्तिक सोमबार १२:०२