सुर्खेत – तिला गाउँपालिका–३ जुम्लाको लुम्सेरा गाउँस्थित काठेपुल बगाउँदा आवतजावत गर्न स्थानीयवासीलाई समस्या भएको छ। तिलानदीमा शनिबार आएको बाढीले ४० वर्षअघि बनाएको काठेपुल बगाउँदा सुर्खेतका स्थानीयलाई समस्या भएकाे हाे।

बाढीले काठेपुल बगाएपछि अहिले वारपार बन्द भएको तिला गाउँपालिका–३ जुम्ला लुम्सेरागाउँका स्थानीयवासी दीपेन्द्रराज हमालले बताए। झोलुङ्गे पुल नबनेको अवस्थामा भएकाे काठेपुल पनि खाेलाले बगाउँदा तत्काल वारपार गर्ने विकल्प नभएपछि गाउँपालिका र जिल्ला प्रशासन कार्यालय जुम्लासँग गुहार मागिएको उनी बताउँछन्।

उनका अनुसार स्थानीयवासीको नदी किनारका धान खेतसमेत बाढीले पुरेको छ। सूर्य सामाजिक सेवा सङ्घ जुम्लाले करिब रु. ५० लाखको लागतमा २ वर्षअघि शुरु गरेको झुलुङ्गे पुल तत्कालै बन्ने अवस्था नरहेकाले त्यहाँस्थित ४१ घरधुरीका स्थानीयवासीलाई सकस परेको जनाइएको छ। (रासस)

लोकप्रिय