वीरगंज – पर्साको रामभौरीभाठामा हरेक वर्ष लाग्ने दुग्देश्वरनाथ महादेव मन्दिरको साउनी मेलामा भर्‍याङको रेलिङ भत्किँदा १२ जना घाइते भएका छन्। घाइतेमध्ये दुई जनाको अवस्था गम्भिर रहेको प्रहरीले जानकारी दिएको छ।

सोमबार बिहान ८ बजे सोमबारी जल चढाउने श्रद्धालुहरुको भीडको कारण मन्दिर चढ्ने भर्‍याङ भत्केको र सो दुर्घटना भएको पर्साका एसपी सोमेन्द्रसिंह राठौरले जानकारी दिए। समान्य घाइतेहरुको स्थानीय क्लिनिकमा उपचार भइरहेको र गम्भीर घाइते भएका दुई जनालाई थप उपचारको लागि वीरगंजको नेशनल मेडिकल कलेज तथा शिक्षण अस्पताल पठाइएकाे एसपी राठौरले जानकारी दिए। घाइते सबैको विस्तृत विवरण संकलन गर्ने काम भइरहेको उनले बताए।

लोकप्रिय