काठमाडौँ – सान्जेन र रसुवागढी हाइड्रोपावरको शेयर मंगलबार (साउन २१ गते) देखि कारोबार शुरु हुने भएको छ। कम्पनीले सोमबार नेप्से स्टक एक्सचेन्ज (नेप्से)मा सोमबार सूचीकरण सम्झौता गरेसँगै दोस्रो बजारमा कारोबार शुरु गरेकाे हो।

नेप्सेले दुवै कम्पनीको कारोबारका लागि ओपन रेन्ज पनि तोकेको छ। जसअनुसार रसुवागढी हाइड्रोपावरको न्यूनतम प्रतिकित्ता ९७ रुपैयाँ २९ पैसादेखि अधिकतम २ सय ९१ रुपैयाँ ८७ पैसासम्ममा कारोबार हुने भएको छ। त्यसैगरी, सान्जेनको न्यूनतम ९६ रुपैयाँ ३२ पैसादेखि अधिकतम २ सय ८८ रुपैयाँ ९६ पैसासम्मको ओपन रेन्जभित्र कारोबार हुनेछ। रसुवागढीको आरएचपीएल र सान्जेनको एसजेसीएल संकेतबाट शेयर कारोबार हुनेछ।

दुवै कम्पनीले शेयर बाँडफाँट भएको करिब ३ महिनापछि सूचीकरण सम्झौता गरेका हुन्। रसुवागढी र सान्जेनले गत वैशाख ६ गतेदेखि १२ गतेसम्म आईपीओ विक्री गरेका थिए।

रसुवागढीले कुल १ करोड २ लाख ६३ हजार १ सय ५० कित्ता शेयर निष्कासन गरेको थियो। यसमा २ लाख ९१ हजार २ सय ७२ जनाले शेयर पाएका छन्। त्यस्तै सान्जेनले कुल ५४ लाख ७५ हजार कित्ता आइपीओ निष्कासन गरको थियो। यसमा २ लाख ८८ हजार ८ सय ९७ जना लगानीकर्ताले शेयर पाएका छन्।

लोकप्रिय