काठमाडौँ – नेपाली कांग्रेसका सांसद राजेन्द्र कुमार केसीले खानेपानी मन्त्री र सचिवका कारण मेलम्ची खानेपानी आयोजना प्रभावित बनेको दाबी गरेका छन्।

प्रतिनिधिसभाको बुधबार बसेको बैठकमा ‘खानेपानी तथा सरसफाइ विधेयक २०७५’ माथिको छलफलमा भाग लिँदै कांग्रेस सांसद केसीले यस्तो दाबी गरेका हुन्।

मन्त्री र सचिवका कारण मेलम्चीको पानी राजधानी आउन नसकेको सांसद केसीको दाबी छ। उनले भने, ‘मन्त्रीज्यू यहाँ हुनुहुन्छ। म अत्यन्तै दुःखका साथ भन्न चाहन्छु कि हाम्रा स्वर्गीय कृष्णप्रसाद भट्टराईका २० औ बर्षको आयोजनाको रुपमा रहेको मेलम्ची तपाईंका कारणले सम्पन्न भएको छैन। सचिव र तपाईंका कारणले राजधानीबासीलाई पानी उपलब्ध हुन सकेको छैन। राजधानीबासी काकाकुल छन्।’

एक गाग्री पानीका लागि र्कीतिपुरबासी बिहानैदेखि छटपटाएर हिँड्ने गरेको भन्दै उनले खानेपानीको मुहान संरक्षणसहितको व्यवस्था विधेयकमा गर्न सुझाव दिए।

लोकप्रिय