काठमाडौँ – प्रधानमन्त्रीसमेत रहेका नेकपा अध्यक्ष केपी ओली विदेशमा रहेका बेला अर्का अध्यक्ष पुष्पकमल दाहाल पार्टीमा सक्रिय भएका छन्। दाहालले एकीकरण प्रक्रियालगायत विषयमा पार्टीका वरिष्ठ नेताहरूसँग व्यक्तिगत छलफल तीव्र पारेका हुन्। दाहालले दिन दिनयता नेताहरूलाई निवासमै बोलाएर छलफल गर्दै आएका छन्।

‘अध्यक्ष दाहाल अहिले पार्टी काममा व्यस्त हुनुहुन्छ। पार्टी नेताहरूसँगको निरन्तर आन्तरिक छलफल र संवादमा हुनुहुन्छ,’ दाहालको निजी सचिवालयका एक सदस्यले भने, ‘छलफलका लागि आवश्यक ठानिएका सचिवालय र स्थायी समितिका सदस्यहरूलाई बोलाएर कुराकानी गरिरहनुभएको छ।’

दाहालले बुधबार वरिष्ठ नेता तथा पूर्वप्रधानमन्त्री झलनाथ खनालसँग झन्डै तीन घन्टा खुमलटारमा छलफल गरे। दुई नेताबीच कार्यविभाजन, एकता प्रक्रिया, राजनीतिक परिदृश्य र पार्टी कार्यक्रममा केन्द्रित रहेर छलफल भएको स्रोतको भनाइ छ। दाहालसँग भेटेका खनालले पनि केन्द्रीय नेताहरूको कार्यविभाजन र बाँकी एकता प्रक्रियामा केन्द्रित रहेर छलफल भएको बताए।

‘एकता प्रक्रिया टुंग्याउन अब ढिला गर्नु हुँदैन। त्यसलाई केकसरी सचिवालय बैठकबाटै टुंग्याउने भन्नेमा छलफल भयो,’ पूर्वप्रधानमन्त्री खनालले अन्नपूर्णसँग भने, ‘एकता प्रक्रिया टुंगो लगाएर देशव्यापी राष्ट्रिय अभियान चलाउनुपर्छ भन्नेमा उहाँ देखिनुहुन्छ। मेरो पनि त्यही चिन्ता छ।’

प्रधानमन्त्री ओली सिंगापुरबाट फर्केलगत्तै २८ साउनमा नेकपा सचिवालय बैठक बस्दैछ। साउन १३ मा उक्त बैठक बस्ने मिति तय गरेर दाहाल र ओली विदेश दौडाहामा लागेका थिए। नेकपामा केन्द्रीय नेताहरूको विभागीय जिम्मेवारीलगायतका एकतासँग सम्बन्धित कार्य टुंग्याउन बाँकी छ।

दाहालले सोमबार अर्का वरिष्ठ नेता माधव नेपालसँग भेटवार्ता गरेका थिए। उनले प्रवक्ता नारायणकाजी श्रेष्ठ र गृहमन्त्रीसमेत रहेका नेता रामबहादुर थापासँग पनि भेटवार्ता गरिसकेका छन्। सचिवालयमा रहेका नेताहरू कार्यवाहक प्रधानमन्त्री ईश्वर पोखरेल, नेता वामदेव गौतम र महासचिव विष्णु पौडेलसँग भने दाहालले भेट गरेका छैनन्।

महासचिव पौडेलसँग दाहालले नेताहरूको कार्यविभाजन र रुचिका विषयमा भएको प्रगति विवरणबारे टेलिफोनमा जानकारी लिएको स्रोतले बतायो। दाहालले यसबीचमा स्थायी समिति सदस्यहरू जर्नादन शर्मा, ऊर्जामन्त्री वर्षमान पुन, उद्योग वाणिज्य तथा आपूर्तिमन्त्री मात्रिका यादव, परराष्ट्रमन्त्री प्रदीप ज्ञावाली लगायत नेतालाई आफ्नै निवासमा बोलाई छलफल गरिसकेका छन्।

दैनिकजसो खुमलटार पुग्ने वामदेव गौतम यसपटक भने दाहाल यूएईबाट फर्केपछि पुगेका छैनन्। गौतमले पछिल्लोपटक पार्टीको राजनीतिक कार्यक्रम ‘जनताको जनवाद’ कार्यक्रम नै नभएको तर मदन भण्डारीको बहुदलीय जनवाद मार्क्सवाद, लेनिनवादजस्तै सिद्धान्तकै रूपमा विकास गरेर जानुपर्ने मतसहितको लेख लेखेपछि दाहाल गौतमसँग झस्किएका छन्। पार्टी संगठन विभाग र कास्कीको उपचुनावमा समेत प्रधानमन्त्री ओलीले ‘धाप’ दिएपछि गौतम ओली ‘क्याम्प’ मै फर्किन खोजेको चर्चा नेकपाभित्र हुन थालेको छ।

दाहाल १८ साउनमा ४ दिने यू्एईको पारिवारिक भ्रमण सकेर स्वदेश फर्केको भोलिपल्टै रामेछाप र सिन्धुलीको सिमानामा रहेको खैरेनीघाट ९सुनकोसी० पुल उद्घाटन कार्यक्रममा सहभागी हुन पुगेका थिए। दाहालले उक्त कार्यक्रममार्फत पूर्वराजा ज्ञानेन्द्रप्रति तिखो अभिव्यक्ति दिएका थिए। त्यहाँबाट फर्केपछि भने उनले २० साउनयता निवासमा पार्टी नेताहरूलाई बोलाई छलफलमा व्यस्त हुन थालेको उनको निजी सचिवालयले जनाएको छ। यो समाचार अन्नपूर्ण पोष्टले छापेको छ।

लोकप्रिय

प्रदेश प्रहरी गठन नहुँदै हतारमा गाडी खरिद

प्रदेश प्रहरी गठन नहुँदै हतारमा गाडी खरिद

२०७६, ३२ श्रावण शनिबार १५:१८

हरि विष्टको ‘माइतीको देश २’ बजारमा

हरि विष्टको ‘माइतीको देश २’ बजारमा

२०७६, ३१ श्रावण शुक्रबार ०७:३३

विविध घटनामा चारको मृत्यु

विविध घटनामा चारको मृत्यु

२०७६, ३१ श्रावण शुक्रबार १७:५५

लाल आयोग प्रतिवेदनमा दरबार हत्याकाण्डको व्याख्या

लाल आयोग प्रतिवेदनमा दरबार हत्याकाण्डको व्याख्या

२०७६, ३२ श्रावण शनिबार ०८:३७

बेलबारी फुटबल क्लब मोरङद्वारा ताप्लेजुङ–११ टाइबेकरमा पराजित

बेलबारी फुटबल क्लब मोरङद्वारा ताप्लेजुङ–११ टाइबेकरमा पराजित

२०७६, ३२ श्रावण शनिबार १०:२८

उमेर १०३, कमाइ तीन हजार

उमेर १०३, कमाइ तीन हजार

२०७६, ३२ श्रावण शनिबार ०७:२९

समतल रात

समतल रात

२०७६, ३१ श्रावण शुक्रबार १७:२२

नेपाल-भारत एजेन्डा पुरानै

नेपाल-भारत एजेन्डा पुरानै

२०७६, ३१ श्रावण शुक्रबार ०८:१६

‘नारी स्रष्टाहरु आफैँमा प्रशंसनीय र धन्यवादका पात्र छन्’

‘नारी स्रष्टाहरु आफैँमा प्रशंसनीय र धन्यवादका पात्र छन्’

२०७६, ३१ श्रावण शुक्रबार १७:३५

‘इक्यान’ का बराल र गुरुङद्वारा राजीनामा

‘इक्यान’ का बराल र गुरुङद्वारा राजीनामा

२०७६, ३१ श्रावण शुक्रबार ११:०५

बेवारिसे व्यक्तिले नयाँ जीवन पाए

बेवारिसे व्यक्तिले नयाँ जीवन पाए

२०७६, ३१ श्रावण शुक्रबार १३:५७

राजधानीमा चौथो थाई शैक्षिक मेला शुरु

राजधानीमा चौथो थाई शैक्षिक मेला शुरु

२०७६, ३२ श्रावण शनिबार १४:१९

दाङको विश्वास काष्ठ फर्निचरमा आगलागी, ६५ लाखको क्षति   

दाङको विश्वास काष्ठ फर्निचरमा आगलागी, ६५ लाखको क्षति   

२०७६, ३२ श्रावण शनिबार ११:३३

उत्तर कोरियाद्वारा फेरी क्षेप्यास्त्र परीक्षण

उत्तर कोरियाद्वारा फेरी क्षेप्यास्त्र परीक्षण

२०७६, ३२ श्रावण शनिबार ०७:१९

कश्मीरमा गोली हानाहान, ८ जना सैनिकको मृत्यु

कश्मीरमा गोली हानाहान, ८ जना सैनिकको मृत्यु

२०७६, ३१ श्रावण शुक्रबार ०६:४३