कालीकोट – जिल्लाको एक सरकारी कार्यालयमा पत्रकार हुँ भन्दै गैर पत्रकारले रकम मागेकाे रहस्य बाहिर आएको छ। लामो समयसम्म एक गैरसरकारी कार्यालयमा काम गरेका नागरिक समाजका अगुवा, बागेश्वरी असल शासन क्लबका कर्णाली प्रदेश संयोजक समेत रहेका रमेश नेपालीले जिल्लामा रहेको घरेलु तथा साना उद्योग विकास समिति शाखा कालीकोटमा म पत्रकार हुँ भनि रकम मागेका छन् ।

उहाँले, घरेलु तथा साना उद्योग विकास समितिका एक कर्मचारीसंग तपाईले घरेलुबाट संचालित अनुदानका योजनामा रकम माग्नु भएको छ, म पत्रकार हुँ रकम मलाई दिनुहोस् म मिलाईदिउँला भनेर समय समयमा आफुलाई फोन गर्ने गरेको खुलासा भएको छ।

एक कर्मचारीले नाम नबताउने सर्तमा भने, ‘मलाई पटक पटक रमेश नेपालीले फोन गरेर तनाव दिइरहनुभएको छ। तपाईले अनुदानका योजनामा रकम माग्नुभएको छ, उक्त रकमबाट केही प्रतिशत रकम दिएमा कुरा मिलाईदिन्छु भन्दै आफुलाई सताउने गरेको कर्मचारीको भनाई छ।

यता पत्रकार महासंघ शाखा कार्यालय कालिकोटका अध्यक्ष तुलाराम पाण्डेले यदि कसैले पत्रकारको नाममा रकम मागेको पाईएमा उजुरी दिनुपर्ने र दोषी कारबाही गर्नुपर्ने बताए। उनले सबै पत्रकारको मुल्यांकन पत्रकार महासंघले गर्न नसक्ने भएकाले पत्रकार महासंघको सदस्य भएमा पत्रकार महासंघले कार्वाही गर्ने, र गैर पत्रकार भएमा प्रशासनले कारबाही गर्ने बताए।

यता रमेश नेपालीले आफु असल शासन साप्ताहिकमा काम गर्ने भएकाले पत्रकार नै भएको दाबि गरेका छन्। उनले कुनै पनि कार्यालयमा गएर रकम नमागेको तर कार्यालय प्रमुखको समाचार देखेपछि आफू बुझ्नका लागि घरेलु तथा साना उद्योग विकास समितिको कार्यालयमा गएर कार्यालय प्रमखसंग बुझ्न खोजेको बताए।

लोकप्रिय