वीरगन्ज – प्रदेश २ सरकारले भोलि साउन २७ गते एक दिनका लागि प्रदेशका आठै जिल्लामा सार्वजनिक बिदा दिने भएको छ । मुस्लिम धर्मावलम्बीहरूको महान् चाड इद–ऊल–अजाह अर्थात बकरिदको अवसरमा सार्वजनिक बिदा दिइएको प्रदेश २ का मुख्यमन्त्री लालबाबु राउतले जानकारी गराएका हुन् ।

प्रदेश २ को मन्त्रिपरिषद्को निर्णयअनुसार बकरिदमा सार्वजनिक बिदा दिइने निर्णय भएको मुख्य मन्त्री तथा मन्त्रिपरिषद्को कार्यालयले जारी गरेको विज्ञप्तिमा उल्लेख छ । मुख्यमन्त्रीले यो महान् पर्वले प्रेदशसँगै मुलुकमा भाइचारा, शान्ति समृद्धि बढोस् भनेर शुभकामनासमेत सोही विज्ञप्तिमार्फत् दिएका छन् । उनले सार्वजनिक बिदाका दिन प्रदेशवासीहरूमा हर्षोल्लाससहित यो पर्व मनाउन सम्पूर्ण मुस्लिम समुदायसँग आग्रह पनि गरेका छन् ।

लोकप्रिय