
भिममदत्तनगर – सन् १९८४ पछि तेस्रोे पटक नेपालमा आगामी मङ्सिरमा १३औँ दक्षिण एसियाली खेलकूद प्रतियोगिता (साग) हुँदैछ। काठमाडौँ र पोखरामा प्रतियोगिताको तयारी भईरहेको छ। देशका सबै प्रदेश र सुरक्षा निकायका विभागीय टोलीबाट छनौटमा परेका खेलाडी यतिबेला विभिन्न क्षेत्रमा छरिएर बन्द प्रशिक्षणमा व्यस्त छन्।
त्यसैगरी सुदूरपश्चिम प्रदेशबाट विभिन्न खेलका लागि सागमा सहभागी हुन महिला तथा पुरुष गरी ४४ खेलाडी सहभागी भइरहेको सुदूरपश्चिम क्षेत्रीय खेलकूद प्रशिक्षण केन्द्रका निर्देशक एवं बक्सिङ ओलम्पियन विष्णुबहादुर सिंहले जानकारी दिए।
सुदूरपश्चिमबाट तेक्वान्दो खेलमा एक महिला बन्द प्रशिक्षणमा छिन्। बक्सिङबाट एक महिला/एक पुरुष, ब्याडमिन्टनमा एक पुरुष, भारोत्तलनमा दुई पुरुष खेलाडी सागको बन्द प्रशिक्षणमा रहेको निर्देशक सिंहले जानकारी दिएका छन्।
त्यसैगरी उसुबाट दुई महिला/दुई पुरुष, हक्कीमा सात पुरुष, तीन महिला, कबड्डीमा चार महिला दुई पुरुष, ह्याण्डबलमा एक महिला/एक पुरुष, कुस्तीमा आठ महिला दुई पुरुष र कराँतेमा दुई महिला र छ पुरुष खेलाडी बन्द प्रशिक्षणमा रहेको निर्देशक सिंहले बताए।
‘१३औँ सागमा सुदूरपश्चिमका कुस्ती खेलाडीले नेपाललाई पदक दिलाउनेमा बढी आशावादी हुने ठाउँ छ’, निर्देशक सिंहले भने, ‘साग हुनु एक/डेढ महीनाअघि फेरि अन्तिम छनौट हुन्छ।’ उनले भने, ‘साग हुनुअघि अन्तिम छनौटमा पास हुने खेलाडी सागमा सहभागी हुन पाउनेछन।’
गत चैतमा भएको बृहत् राष्ट्रिय खेलकूद प्रतियोगितामा कुस्ती खेलमा सुदूरपश्चिम प्रदेशले महिलातर्फ १० मध्ये ६ स्वर्ण जितेको थियो। यहाँबाट छनौटमा परेका खेलाडी काठमाडौँ, हेटाैँडालगायत विभिन्न स्थानमा बन्द प्रशिक्षणमा रहेको सुदूरपश्चिम क्षेत्रीय खेलकूद विकास समितिका अध्यक्ष लालबहादुर शाहीले बताए।
यसअघि आठौँदेखि १२औँ सागसम्म तेक्वान्दोमा चार स्वर्ण दिलाउने कीर्तिमानी खेलाडी दीपक विष्ट सुदूरपश्चिमकै हुन्। ‘सुदूरपश्चिम खेलकूदको उर्वरभूमि नै हो’, अध्यक्ष शाहीले भने, ‘भौतिक पूर्वाधार र खेलाडीको मनोबल बढाउने खालका कार्यक्रम यहाँ हुन सक्यो भने प्रतिभावान् खेलाडी जन्माउन सकिन्छ।’ केही समय कञ्चनपुरमा सागको महिला कुस्तीको टोलीले बन्द प्रशिक्षण गरेकोमा हाल हेटाैँडा सारिएको छ।
त्यसैगरी कञ्चनपुरका बक्सिङ प्रशिक्षक तथा ओलम्पियन डम्बरदत्त भट्ट यतिबेला ललितपुरको सातदोबाटोमा बक्सिङको बन्द प्रशिक्षणमा व्यस्त छन्। ‘सागको शुरुआत नै नेपालबाट भएको हो’, ओलम्पियन भट्टले भने, ‘बक्सिङको बन्द प्रशिक्षणमा खेलाडी मिहिनेतसाथ प्रशिक्षणमा व्यस्त छन्।’
बक्सिङको बन्द प्रशिक्षणका ३५ मध्ये २० खेलाडीलाई बाह्य प्रशिक्षणका लागि थाइल्याण्ड पठाइएको भट्टले बताए। सुदूरपश्चिमबाट हाल बन्द प्रशिक्षणमा रहेका आठ महिलामध्ये अन्तिम छनौटमा पाँच खेलाडी पर्नेमा आफू आशावादी रहेको कञ्चनपुरका कुस्ती प्रशिक्षक राजेन्द्र चन्दको भनाइ छ। (रासस)


लोकप्रिय

दलित महिलाको जीवन सङ्घर्षमा आधारित कथा ‘दुलारी’ सार्वजानिक
२०७६, २२ मंसिर आईतवार १८:४७

फुटबलमा बंगलादेशसँग भिड्दै नेपाल, फाइनल पुग्ने लक्ष्य
२०७६, २२ मंसिर आईतवार १०:३४

द्रुतमार्ग पाँच वर्षभित्र सक्ने गरी समष्टिगत गुरुयोजना
२०७६, २३ मंसिर सोमबार १९:१७

भारतविरुद्ध हारको बदला लिँदै ऐतिहासिक स्वर्ण जित्ने दाउमा नेपाल
२०७६, २३ मंसिर सोमबार ११:०२

चाया हटाउने घरेलु उपाय
२०७६, २२ मंसिर आईतवार १४:३९

महिनावारी समयमै गराउने घरेलु उपाय
२०७६, २३ मंसिर सोमबार १४:२९

लज्जावती झारः जण्डिस र मधुमेहको एक अचुक औषधी
२०७६, २३ मंसिर सोमबार ११:४०

चौथो स्वर्ण जित्दै गौरिकाले रचिन् यस्ताे कीर्तिमान
२०७६, २३ मंसिर सोमबार १७:४०

कोदो भित्र्याउन व्यस्त किसान
२०७६, २२ मंसिर आईतवार १७:३०

इलामको किवी बेच्न एक्स्पो आयोजना गरिदैं
२०७६, २३ मंसिर सोमबार १७:४१

भ्रष्टाचारविरुद्ध अख्तियारको सक्रियता, पाँच हजार उजुरी थपिए
२०७६, २३ मंसिर सोमबार ०७:१८

फुटबलको फाइनलमा भुटानसँग भिड्दै नेपाल, स्वर्ण जित्ने लक्ष्य
२०७६, २४ मंसिर मंगलवार ०७:१५

बंगलादेशलाई पराजित गर्दै नेपाल फाइनलमा
२०७६, २२ मंसिर आईतवार १९:०९

हल्ट पुरस्कारको लागि टियुबाट एनसीसीको Substyro टिम विजयी
२०७६, २२ मंसिर आईतवार १५:५८

आगलागीबाट २६ लाख बराबरको क्षति
२०७६, २३ मंसिर सोमबार २०:५१
