काठमाडौँ – सांसद भीम रावलले सरकारलाई विदेशी शक्तिराष्ट्रको हस्तक्षेपबाट मुक्त रहनुपर्ने बताएका छन्। मंगलबारको संसद बैठकमा बोल्दै उनले भने,‘विदेशी हस्तक्षेपको अन्त्य गर्नको लागि शान्ति प्रक्रियाका बाँकि क्रियाकलाप समयमै सम्पन्नु गर्नुपर्छ। सत्य निरुपण तथा वेपक्ता आयोग गठन गरेर यसको काम सक्नुपर्छ।’

त्यस्तै नेता रावलले राष्ट्रिय हितमा केन्द्रित रहेर काम गर्न सरकारलाई आग्रह गरेका छन्। उनले भने, ‘राष्ट्रिय अन्तर्राष्ट्रिय कानून, नियम, सन्धि सम्झौताका अनुसार परराष्ट्र नीति बनाउनुपर्छ। बदलिदो आर्थिक अवस्था र सैन्य शक्ति जस्ता कुरामा नेपालको भूमिका पारदर्शीता र दुरदर्शीतासहितको हुनुपर्छ।’

नेकपाका नेता समेत रहेका उनले भने, ‘परराष्ट्र नीतिबाट विचलित भएर कसैको सामरिक नजिक हुन हाम्रो संविधानले दिँदैन। हाम्रो सेनाले दुई पक्षीय सैन्य तालिममा भाग लिनु हुन्न। अर्को कुरा नेपाली युवा यूवतिलाई विदेशी सेनामा भर्ना गर्नु हुँदैन। डिजिटल गाडि प्लेट नम्बर, राष्ट्रिय परिचय पत्र जस्ता कुराहरू विदेशी सरोबरमा राखिनु हुँदैन। नेपालको सरोवर निमार्ण गरी त्यहाँ राख्नुपर्छ।’

लोकप्रिय