बुटवल – प्रदेश ५ को लोक सेवा आयोगका नवनियुक्त अध्यक्ष प्राध्यापक डिलाराम भट्टराईले मंगलवार पद तथा गोपनीयताको शपथ लिएका छन् । प्रदेश प्रमुखको कार्यालयमा आयोजित एक कार्यक्रमका बीच उच्च अदालत तुल्सीपुरका मुख्य न्यायाधीश रमेश पोखरेलले भट्टराईलाई शपथग्रहण गराएका हुन् ।

शपथग्रहण समारोहमा प्रदेश प्रमुख झा, मुख्यमन्त्री शंकर पोखरेल, प्रदेश सभाका सभामुख पूर्णबहादुर घर्तीसहित प्रदेशका सबै मन्त्री, प्रदेशका प्रमुख सचिव, योजना आयोगका पदाधिकारीहरू, प्रदेश मन्त्रालयका सचिवहरूसहित उच्च अधिकारी तथा जनप्रतिनिधिहरूको उपस्थिति थियो ।

प्रदेश सरकारको सिफारिशमा यही साउन २३ गते प्रदेश प्रमुख झाले भट्टराईलाई प्रदेश लोक सेवा आयोगको अध्यक्षमा नियुक्त गरेका थिए । सन्धिखर्क नगरपालिका वडा नम्बर १० अर्घाखाँची घर भएका भट्टराई प्रदेश लोक सेवा आयोगको अध्यक्ष बन्नुअघिसम्म महेन्द्र बहुमुखी क्याम्पस दाङका गणित विभागका प्रमुख थिए ।

लोकप्रिय