मकवानपुर – हेटौंडा उपमहानगरपालिका–१९ बिच टोलबाट ४५ किलो गाँजा बरामद गरिएको छ। तीन प्लाष्टिकको बोरामा प्याक गरेर बेवारिसे अवस्थामा रहेको ४५ किलो गाँजालाई प्रहरीले बरामद गरेको हो।

बेवारिसे अवस्थामा शंकास्पद वस्तु भेटिएपछि ईलाका प्रहरी कार्यालय नेवारपानीबाट प्रहरीको टोली गएको थियो। प्रहरी टोलीले हेर्दा गाँजा भेटिएको हो।

गाँजा कसले राख्यो भन्ने खुलेको छैन। त्यस विषयमा अनुसन्धान भइरहेको ईलाका प्रहरी कार्यालय नेवारपानीले जनाएको छ।

लोकप्रिय