विराटनगर – मोरङको लेटाङबाट प्रहरीले बुधबार सार्वजनिक बसबाट ठूलो परिमाणमा अवैध घरेलु मदिरा बरामद गरेको छ । लेटाङ नगरपालिका–४ स्थित गंगे चोकबाट बुधबार बिहान को १ ख ३०७५ न. को बसबाट १ सय ३५ लिटर अवैध घरेलु मदिरा बरामद गरेको हो ।

सो बसको डिक्कीमा लुकाई छिपाई विराटनगरतर्फ ल्याउँदै गरेको अवैध मदिरासहित प्रहरीले चालक दमक–९ का ३३ वर्षीय बाबुराम आचार्यलाई नियन्त्रणमा लिई आवश्यक कारबाहीका लागि आन्तरिक राजस्व कार्यालय विराटनगरमा पठाइएको मोरङ प्रहरीका प्रवक्ता प्रहरी नायव उपरीक्षक राजकुमार सिउजूले जानकारी दिए ।

लोकप्रिय