काठमाडौँ – सत्तारूढ दल नेपाल कम्युनिस्ट पार्टी (नेकपा) को सचिवालय बैठक फेरि पनि स्थगित भएको छ। मंगलबार स्थगित सचिवालय बैठक स्कुल विभागमा सहमति नजुट्दा बुधबार पनि बस्न सकेन। पार्टीका विभागहरूको जिम्मेवारी तोक्नेगरी मंगलबार बोलाइएको बैठकपूर्व दुई अध्यक्ष प्रधानमन्त्री केपी शर्मा ओली र पुष्पकमल दाहालबीच मत बाझिएपछि बुधबारसम्म सहमतिमा पुग्ने गरी बैठक सारिएको थियो। बुधबार बिहानैदेखि दुई अध्यक्ष सहमतिका लागि छलफलमा बसेपनि सहमति जुट्न सकेन्।

सचिवालय बैठक बिहीबारसम्मका लागि स्थगित गरिएको छ। बैठक स्थगित पछि पनि दुई अध्यक्षले सहमतिको प्रयास जारी राखेका थिए। तत्कालीन एमाले पक्षधरबाट उपप्रधानमन्त्री एवं रक्षामन्त्री ईश्वर पोखरेल र तत्कालीन माओवादी केन्द्रबाट नारायणकाजी श्रेष्ठले स्कुल विभागको दाबी गर्दै आएका छन्।

बुधबारको दुई अध्यक्षबीचको छलफलमा पनि दुवैले आआफ्नो अडान लिएपछि सहमति जुट्न नसकेको बालुवाटार स्रोतले जनायो। ‘बुधबार लामो समयसम्म दुवै अध्यक्षले सहमतिका लागि छलफल गर्नुभयो,’ बालुटार स्रोतले भन्यो, ‘पार्टीमा सहमतिको माध्यमबाट नै काम गर्ने प्रतिबद्धताअनुसार दुवै अध्यक्ष सक्रिय रूपमा लाग्नुभएको छ।’

पार्टीका अन्य विभाग तथा भ्रातृ संगठनहरूको नेतृत्वको विषयमा सहमति जुटे पनि स्कुल विभागमा सहमति जुट्न नसक्दा सहमतिको लागि थप दबाब पर्दै आएको छ। उपचारका लागि सिंगापुर गएका प्रधानमन्त्री केपी शर्मा ओली नौ दिनपछि स्वदेश फर्केर भेटघाट तीव्र पारेका छन्। यसअघि १३ गतेको बैठकमा केन्द्रीय निकायहरूको एकीकरण, जिम्मेवारी निर्धारण र केन्द्रीय समिति सदस्यको कार्यविभाजनका निम्ति उनीहरूको रुचिका आधारमा प्राथमिकता सोध्ने निर्णय गरेको थियो।

केन्द्रीय कमिटीका सबै सदस्यको कार्यविभाजनका निम्ति सबैसँग रुचिका प्राथमिकता सोध्ने, सल्लाह गर्ने र व्यवस्थित र परिमार्जित प्रस्ताव ल्याउने गरी गत १३ गते बैठक स्थगित भएको थियो। पार्टीको केन्द्रीय निकायअन्तर्गत केन्द्रीय सल्लाहकार समिति, राष्ट्रिय परिषद्, केन्द्रीय आयोग, ज्येष्ठ कम्युनिस्ट मञ्च, केन्द्रीय विभागको टुंगो लाग्न बाँकी छन्।

स्कुल विभागमा विवाद कायमै रहेपछि त्यसमा सहमति जुटाउन नसक्दा अन्य पार्टीका कामसमेत ओझेलमा परेका छन्। प्रधानमन्त्री ओली स्कुल विभाग नेता पोखरेललाई दिने अडानमा छन् भने अध्यक्ष दाहाल श्रेष्ठको हकमा छन् । सहमति जुट्न नसके अध्यक्षकै मातहत राख्ने पक्षमा पनि अध्यक्ष दाहाल रहेको स्रोतको दाबी छ। यसबारे अध्यक्षद्वयले सचिवालयका अन्य सदस्यसँग पनि छुट्टाछुट्टै छलफल गरी सहमतिको प्रयास गरे।

स्कुल विभागमा स्थायी कमिटीका अन्य नेताहरूले पनि दाबी गरेका छन्। सचिवालयका एक नेताका अनुसार सचिवालयका नेता भूमिकाविहीन बनेर स्थायी कमिटीका नेतालाई स्कुल विभागको जिम्मेवारी दिने सम्भावना भने कम छ। उनका अनुसार ती नेतालाई स्कुल विभागको उपप्रमुख बनाउनेबारे छलफल भएको छ।

अध्यक्षद्वयबीचमा स्कुल विभागमा सहमति जुटे मात्रै बिहीबार बस्ने सचिवालय बैठकले कार्यविभाजनका सबै काम टुंग्याउनेछ। नेकपामा ३३ ९नीति प्रतिष्ठानसहित विभाग छन्। स्कुल विभागबाहेक अन्य विभागमा भने मोटामोटी सहमति जुटिसकेको छ। स्रोतका अनुसार किसान महासंघ, युवा संघ, अनेरास्ववियु, महिला संघ, मजदुर संगठनजस्ता ठूला जनसंगठनको इन्चार्ज स्थायी कमिटी सदस्यबाट बनाउन अधिकांश नेताले सुझाव दिएका छन्।

लोकप्रिय

थ्री स्टारको गोलमा बार्सिलोना विजयी र मेस्सीको निः स्वार्थता

थ्री स्टारको गोलमा बार्सिलोना विजयी र मेस्सीको निः स्वार्थता

२०७६, ३ कार्तिक आईतवार १०:४०

लापरवाही गरेको आराेपमा चितवन मेडिकल कलेजमा तोडफोड

लापरवाही गरेको आराेपमा चितवन मेडिकल कलेजमा तोडफोड

२०७६, ३ कार्तिक आईतवार २०:१०

स्कटल्यान्डसँग पपुवा न्युगिनी झिनो रनले पराजित

स्कटल्यान्डसँग पपुवा न्युगिनी झिनो रनले पराजित

२०७६, ४ कार्तिक सोमबार १७:२८

स्वीमिङपुलमा डुबेर बालकको मृत्यु

स्वीमिङपुलमा डुबेर बालकको मृत्यु

२०७६, ४ कार्तिक सोमबार २०:५५

गेल र मालिगांलाई पछि पारे सन्दीपले, करोड बढी मुल्यमा अनुबन्धित

गेल र मालिगांलाई पछि पारे सन्दीपले, करोड बढी मुल्यमा अनुबन्धित

२०७६, ४ कार्तिक सोमबार १०:२४

पीपीएलको दोस्रो संस्करण डिसेम्बरमा हुने

पीपीएलको दोस्रो संस्करण डिसेम्बरमा हुने

२०७६, ४ कार्तिक सोमबार १६:५८

विश्वकप छनोटमा ओमानसँग हङकङ पराजित

विश्वकप छनोटमा ओमानसँग हङकङ पराजित

२०७६, ३ कार्तिक आईतवार १९:२०

‘अब सबै इन्डियाले गर्छ’

‘अब सबै इन्डियाले गर्छ’

२०७६, ३ कार्तिक आईतवार ११:१८

बढ्दै छ गायक शंकर कडेलको  ‘पूर्णिमा’ गीतको लोकप्रियता

बढ्दै छ गायक शंकर कडेलको ‘पूर्णिमा’ गीतको लोकप्रियता

२०७६, ४ कार्तिक सोमबार १५:५८

आतंकवादी हमला हुन सक्ने भन्दै दिल्लीमा हाई अलर्ट जारी

आतंकवादी हमला हुन सक्ने भन्दै दिल्लीमा हाई अलर्ट जारी

२०७६, ३ कार्तिक आईतवार १३:४०

१८ वटा बैंकसहित ८१ कम्पनीको शेयर कारोबार रोक्का

१८ वटा बैंकसहित ८१ कम्पनीको शेयर कारोबार रोक्का

२०७६, ३ कार्तिक आईतवार १४:०३

दक्षिण अफ्रिकाविरुद्धको टेष्टमा रोहितको शानदार दोहारो शतक

दक्षिण अफ्रिकाविरुद्धको टेष्टमा रोहितको शानदार दोहारो शतक

२०७६, ३ कार्तिक आईतवार १२:४३

कविताको उत्कृष्ट बलिङमा चितवनद्वारा विराटनगर पराजित

कविताको उत्कृष्ट बलिङमा चितवनद्वारा विराटनगर पराजित

२०७६, ३ कार्तिक आईतवार १७:०६

भारतविरुद्धको तेस्रो टेष्टमा पनि दबाबमा दक्षिण अफ्रिका

भारतविरुद्धको तेस्रो टेष्टमा पनि दबाबमा दक्षिण अफ्रिका

२०७६, ४ कार्तिक सोमबार १४:२७

प्रियंका कार्की र बसन्त थापाको ‘बैंस’ सार्वजानिक (भिडियो सहित)

प्रियंका कार्की र बसन्त थापाको ‘बैंस’ सार्वजानिक (भिडियो सहित)

२०७६, ४ कार्तिक सोमबार १७:३५