सुर्खेत – सम्झौता अनुसार काम भएको भए पूर्वी सुर्खेतको गुर्भाकोट नगरपालिकाअन्तर्गत पर्ने सुवाघाट–टुँडीखेल जोड्ने सडक गत आर्थिक वर्षभित्रै निर्माण सम्पन्न भएर गाडी सञ्चालन भइसक्थे।  दुई वर्षभित्र निर्माण सम्पन्न गर्ने गरी २५ किलोमिटर यो सडक निर्माणको जिम्मा लुम्बिनी/एमके/लोहनी जेभी काठमाडौंले लिएको थियो।  गत आर्थिक वर्षभित्रै निर्माण सम्पन्न हुनुपर्ने सडकको भौतिक प्रगति २१ प्रतिशत मात्रै छ।

२०७४ असार २८ गते सो निर्माण कम्पनीले १२ करोड ४५ लाख ४० हजार ९४२ रुपैयाँमा २०७६ असार मसान्तभित्र काम सक्ने गरी ठेक्का सम्झौता गरेको थियो।  सम्पन्न गर्ने समयसम्म २१ प्रतिशत मात्रै भौतिक प्रगति गरेको कम्पनीलाई सडक डिभिजन कार्यालय चौरजहारी (रुकुम पश्चिम) ले एक वर्ष म्याद थपेको छ।

प्रदेश मन्त्रालय मातहत आउनुअघि यो सडक डिभिजन सडक कार्यालय सुर्खेतको कार्यक्षेत्रभित्र थियो।  उतिबेलै समयमै काम सम्पन्न गर्न डिभिजन सडक कार्यालयले निर्माण कम्पनीलाई तीनपटक पत्र काट्यो।  निर्माण कम्पनीले कुनै पनि पत्रको जवाफ दिएन्।  ‘उतिबेला निर्माण कम्पनीबाट एउटै पत्रको पनि जवाफ आएन्,’ डिभिजन सडक कार्यालयका एक कर्मचारीले भने, ‘अहिले प्रदेश मातहत गएपछि झन् डामाडोल भएको सुनेका छौं। ’

अहिले धेरैजसो सडक आयोजना प्रदेश सरकारअन्तर्गतको भौतिक पूर्वाधार विकास मन्त्रालय मातहत छन्।  सुवाघाट–टुँडीखेल सडकको जिम्मा पाएको लुम्बिनी/एमके/लोहनी जेभीका सञ्चालक प्रदेश सरकारका भौतिक पूर्वाधार विकास मन्त्री खड्कबहादुर खत्री हुन्।  सुर्खेतमा उक्त सडकसहित मन्त्री खत्री सञ्चालक रहेको निर्माण कम्पनीले चारवटा सडकको ठेक्का पाएको छ।  सो कम्पनीले ठेक्का लिएका कुनै पनि सडकको काम सन्तोषजनक छैन्।

त्यस्तै बोटेचौर–धारापानी सडक निर्माण सम्झौता भएको २४ महिना भयो।  ३६ महिनामा सम्पन्न हुनुपर्ने यो सडकको भौतिक प्रगति अहिलेसम्म ११ प्रतिशत मात्रै छ।  सुर्खेत र सल्यानको सिमाना हुँदै साबिकको धारापानी गाविसको केन्द्र जोड्ने ५२ किलोमिटर यो सडक कहिले निर्माण सम्पन्न हुने हो टुंगो छैन्।

१६ करोड ८२ लाख ३७ हजार रुपैयाँमा निर्माण गर्ने ठेक्का पाएको महालक्ष्मी/किरातेश्वर/प्रदीप जेभीले ठेक्का रकमको ८.२ प्रतिशत भुक्तानी लगिसकेको छ।  मन्त्री खत्री नै संलग्न रहेको सो निर्माण कम्पनीले काममा चासो नदिँदा भौतिक प्रगति न्यून भएको स्थानीय बताउँछन्।  साबिकको धारापानीमा अहिलेसम्म सडक पुगेको छैन्।  ‘ठेकेदार विभागीय मन्त्री हुँदा समयमै काम भएन्,’ गुर्भाकोट नगरपालिकाका एक जनप्रतिनिधिले भने, ‘त्यसैले नगरपालिका आफैंले धारापानीसम्म सडक पु¥याउन काम गरिरहेको छ। ’ धारापानी अहिले गुर्भाकोट नगरपालिकामा पर्छ।

मन्त्री खत्रीले जेभीमार्फत ठेक्का लिएर व्यावसायिक साझेदारलाई अख्तियारी दिएका सडकको प्रगति भने सन्तोषजनक देखिन्छ।  मन्त्री खत्री नै संलग्न रहेको महालक्ष्मी/किरातेश्वर/प्रदीप जेभीले नै ठेक्का लिएका पिपिरा–देउतीबज्यै–ढोलढुंगा–थारुगाउँ–अमृतडाँडा सडक र रत्नराजमार्ग–नयाँगाउँ–घुस्रा–इन्जिनियरिङ क्याम्पस–सानो सुर्खेत सडकको भौतिक प्रगति राम्रो छ।  यी दुवैै सडक उनका व्यवसायिक साझेदार सूर्य रावतले हेरिरहेका छन्।

१७ करोड ३३ लाख २१ हजार रपैयाँमा ठेक्का लागेको पिपिरा–देउतीबज्यै–ढोलढुंगा–थारुगाउँ–अमृतडाँडा सडकको भौतिक प्रगति ७० प्रतिशत छ।  २०७४ असार २८ गते ठेक्का सम्झौता भएको यो सडकको अवधि २०७६ असार २७ सम्म छ।  यस्तै २१ करोड ७४ लाख ८० हजार रुपैयाँमा ठेक्का लिएको रत्नराजमार्ग–नयाँगाउँ–घुस्रा–इन्जिनियरिङ क्याम्पस–सानो सुर्खेत सडकको पनि भौतिक प्रगति ४८ प्रतिशत छ।

‘उनी (खत्री) आफैंले जिम्मा लिएका सडकको वित्तीय प्रगति अत्यन्तै न्यून छ,’ सडक डिभिजन कार्यालयका एक कर्मचारीले भने, ‘उनले ठेकका लिएर अरुलाई हेर्ने जिम्मा लगाएका सडकको काम भने सन्तोषजनक छ। ’यो समाचार आजको नागरिक दैनिकमा नगेन्द्र उपाध्यायले लेखेका छन् ।

लोकप्रिय

प्रदेश प्रहरी गठन नहुँदै हतारमा गाडी खरिद

प्रदेश प्रहरी गठन नहुँदै हतारमा गाडी खरिद

२०७६, ३२ श्रावण शनिबार १५:१८

हरि विष्टको ‘माइतीको देश २’ बजारमा

हरि विष्टको ‘माइतीको देश २’ बजारमा

२०७६, ३१ श्रावण शुक्रबार ०७:३३

विविध घटनामा चारको मृत्यु

विविध घटनामा चारको मृत्यु

२०७६, ३१ श्रावण शुक्रबार १७:५५

लाल आयोग प्रतिवेदनमा दरबार हत्याकाण्डको व्याख्या

लाल आयोग प्रतिवेदनमा दरबार हत्याकाण्डको व्याख्या

२०७६, ३२ श्रावण शनिबार ०८:३७

बेलबारी फुटबल क्लब मोरङद्वारा ताप्लेजुङ–११ टाइबेकरमा पराजित

बेलबारी फुटबल क्लब मोरङद्वारा ताप्लेजुङ–११ टाइबेकरमा पराजित

२०७६, ३२ श्रावण शनिबार १०:२८

उमेर १०३, कमाइ तीन हजार

उमेर १०३, कमाइ तीन हजार

२०७६, ३२ श्रावण शनिबार ०७:२९

समतल रात

समतल रात

२०७६, ३१ श्रावण शुक्रबार १७:२२

नेपाल-भारत एजेन्डा पुरानै

नेपाल-भारत एजेन्डा पुरानै

२०७६, ३१ श्रावण शुक्रबार ०८:१६

‘नारी स्रष्टाहरु आफैँमा प्रशंसनीय र धन्यवादका पात्र छन्’

‘नारी स्रष्टाहरु आफैँमा प्रशंसनीय र धन्यवादका पात्र छन्’

२०७६, ३१ श्रावण शुक्रबार १७:३५

‘इक्यान’ का बराल र गुरुङद्वारा राजीनामा

‘इक्यान’ का बराल र गुरुङद्वारा राजीनामा

२०७६, ३१ श्रावण शुक्रबार ११:०५

बेवारिसे व्यक्तिले नयाँ जीवन पाए

बेवारिसे व्यक्तिले नयाँ जीवन पाए

२०७६, ३१ श्रावण शुक्रबार १३:५७

राजधानीमा चौथो थाई शैक्षिक मेला शुरु

राजधानीमा चौथो थाई शैक्षिक मेला शुरु

२०७६, ३२ श्रावण शनिबार १४:१९

दाङको विश्वास काष्ठ फर्निचरमा आगलागी, ६५ लाखको क्षति   

दाङको विश्वास काष्ठ फर्निचरमा आगलागी, ६५ लाखको क्षति   

२०७६, ३२ श्रावण शनिबार ११:३३

उत्तर कोरियाद्वारा फेरी क्षेप्यास्त्र परीक्षण

उत्तर कोरियाद्वारा फेरी क्षेप्यास्त्र परीक्षण

२०७६, ३२ श्रावण शनिबार ०७:१९

कश्मीरमा गोली हानाहान, ८ जना सैनिकको मृत्यु

कश्मीरमा गोली हानाहान, ८ जना सैनिकको मृत्यु

२०७६, ३१ श्रावण शुक्रबार ०६:४३