डडेल्धुरा – डडेल्धुराको परशुराम नगरपालिकामा पर्ने रंगुन नदीमा पुल बन्ने भएपछि खुशी भएका यहाँ बासिन्दाको खशी लामो समय रहेन। पाँच वर्ष अगाडि २०७१ असार १८ गते पुल निर्माणको ठेक्का सम्झौता हुँदा उनीहरु निकै खुशी थिए। नदीले दिएको दुःख पुल बनेपछि हट्ने आशा बोकेका उनीहरु पाँच वर्ष बितिसक्दा पनि पुल नबन्दा अहिले निराश भएका छन्।

रंगुन नदीमा तीन वर्षमा निर्माण सम्पन्न गरिसक्नुपर्ने पुल पाँच वर्षसम्म पनि बन्न सकेको छैन। पुल नबन्दा यहाँका स्थानीय बासिन्दा ज्यानै जोखिममा राखेर नदी तर्ने गरेका छन्। पुल निर्माणको ठेक्का सम्झौता २०७१ असार १८ मा भएको थियो भने २०७४ असार १७ मा निर्माण सम्पन्न गरिसक्नुपर्ने सम्झौतामा उल्लेख थियो। तीन वर्ष्भित्र निर्माण सम्पन्न हुनुपर्ने पुल पाँच वर्ष पूरा भइसक्दासम्म पनि निर्माण सम्पन्न हुन सकेको छैन।

स्थानीय नागरिक आफ्ना दैनिक कामकाजका लागि जोखिम मोलेर रंगुन नदी तर्नुपर्ने बाध्यता रहेको छ। परशुराम नगरपालिकाको कटाल, रज्यौडा, शीर्ष, परिगाउँ, सिमल्टालगायतका गाउँका स्थानीयवासीले ज्यान जोखिममा राखेर नदी तर्नुपर्छ। विद्यालय जाने बालबालिका तथा दैनिक कामकाजका लागि जाने हरेक व्यक्तिले ज्यान जोखिममा राखेर नदी तर्नुपरेको उनीहरुको दुःखेसो छ।

स्थानीय स्तरमा बैंकिङ कारोबार, व्यापार, अस्पताल, नागरिकता प्रमाणपत्र बनाउन तथा अन्य सामान्य कामका लागि समेत नदी तरेर आउने गरेको परशुराम नगरपालिकाका स्थानीय बासिन्दा बताउँछन्। सम्बन्धित निर्माण कम्पनीले तत्काल पुलको काम सक्नुपर्ने र आमजनतालाई भइरहेको दुःखबाट मुक्ति दिनुपर्ने स्थानीय बासिन्दा रामसिंह धामीले बताए।

‘राज्यले यो पुलको निर्माणको व्यवस्थापन गर्नुपर्छ, ठेकेदार कम्पनीले पनि छिटोभन्दा छिटो सम्पन्न गर्नुपर्छ,’ उनले भने – ‘नेपाल सरकारले पनि यसको निर्माण सम्पन्न गर भनेर ठेकेदार कम्पनीलाई कडा निर्देशन दिनुपर्छ।’

मोटरेबल ब्रिज प्रविधिबाट निर्माण भइरहेको पुलको २ सय ५५ मिटर लम्बाइ रहेको छ भने शुरुको बजेट लागत १२ करोड २८ लाख ८१ हजार रहेको थियो। पटक–पटक सम्झौता थप्दै गरेको भए पनि थपेको समयसमेत सकिएको छ। थपिएको म्याद सकिँदासम्म अझै २५ प्रतिशतभन्दा बढी काम गर्न बाँकी छ।

ठेकेदार ‘मेयर’ बने, पुल बनेन

सडक डिभिजन कार्यालय कुलपाते अन्तर्गत रंगुन नदीमा निर्माणाधीन पुल निर्माणको ठेक्का पप्पु–राजेन्द्र–कुमार जेभी कम्पनीले गरिरहेको छ। यो कम्पनी डडेल्धुरा जिल्लाकै परशुराम नगरपालिकाका नगर प्रमुख भीमबहादुर साउदको हो।

नगर प्रमुख साउदले आफ्नै नगरपालिकामा रहेको नदीमा पुल निर्माणको जिम्मा लिए। काम सम्पन्न नगर्दै उहाँ स्थानीय तहको निर्वाचनबाट त्यहीँ नगरपालिकामा नगर प्रमुख पनि भए, तर उनले निर्माणको जिम्मा लिएको पुलको काम भने अहिलेसम्म सम्पन्न भएको छैन।

पुल निर्माण गर्ने सम्झौताको म्याद गुज्रिँदासमेत पुलको निर्माण सम्पन्न नभएपछि स्थानीय बासिन्दा आक्रोशित भएका छन् तर, नगर प्रमुख नै ठेकेदार रहेकाले उहाँविरुद्ध त्यहाँका स्थानीय बासिन्दा खुलेर बोल्नसमेत नसकिरहेको स्थानीयवासी सन्तोष कार्कीले बताए।

रंगुन नदीमा पुल निर्माणाधीन अवस्थामै रहेकाले पुलबाट आवतजावत गर्न अझै वषौँ लाग्ने स्थानीय बासिन्दाको अनुमान छ। परशुराम नगरपालिकाको दर्जनौं गाउँका सर्वसाधारण ज्यान जोखिममा राखेर दैनिकी चलाइरहेका छन् तर, राज्यको ठूलो लगानी रहेको पुल कहिले बन्ने हो त्यसको कुनै ठेगान छैन। (रासस)

लोकप्रिय

आइपीएलका लागि दिल्लीले रिटेन ग¥यो सन्दीप लामिछाने!

आइपीएलका लागि दिल्लीले रिटेन ग¥यो सन्दीप लामिछाने!

२०७६, २९ कार्तिक शुक्रबार १८:२८

धरानमा विप्लवको आत्तंक

धरानमा विप्लवको आत्तंक

२०७६, ३० कार्तिक शनिबार १७:३०

चौथो सफलतासँगै भारत बीविरुद्ध नेपाल हाबी

चौथो सफलतासँगै भारत बीविरुद्ध नेपाल हाबी

२०७६, २९ कार्तिक शुक्रबार १५:०३

हनुमान ढोका क्षेत्र अवलोकन गर्ने पर्यटक बढे

हनुमान ढोका क्षेत्र अवलोकन गर्ने पर्यटक बढे

२०७६, ३० कार्तिक शनिबार १६:५३

निरुता अहिलेसम्म किन सिंगल छिन्?

निरुता अहिलेसम्म किन सिंगल छिन्?

२०७६, २९ कार्तिक शुक्रबार १२:१२

नेकपा बागलुङद्धारा दुई नेतामाथि कारवाही

नेकपा बागलुङद्धारा दुई नेतामाथि कारवाही

२०७६, २९ कार्तिक शुक्रबार १७:५४

लता मंगेशकरको निधन नभएको र हल्ला नफैलाउन परिवारको आग्रह

लता मंगेशकरको निधन नभएको र हल्ला नफैलाउन परिवारको आग्रह

२०७६, २९ कार्तिक शुक्रबार ००:१५

भारत बीसँग नेपाली युवा टिम पराजित

भारत बीसँग नेपाली युवा टिम पराजित

२०७६, २९ कार्तिक शुक्रबार १६:४३

किशोरी बलात्कार गर्नेलाई सात वर्ष जेल

किशोरी बलात्कार गर्नेलाई सात वर्ष जेल

२०७६, २९ कार्तिक शुक्रबार ०९:४५

राजु लामाको नयाँ गीत ‘विस्तारै–विस्तारै’ सार्वजानिक (भिडियो सहित)

राजु लामाको नयाँ गीत ‘विस्तारै–विस्तारै’ सार्वजानिक (भिडियो सहित)

२०७६, २९ कार्तिक शुक्रबार १८:१४

हङकङविरुद्ध अविनाश र करणको आक्रामक बलिङ

हङकङविरुद्ध अविनाश र करणको आक्रामक बलिङ

२०७६, ३० कार्तिक शनिबार १४:२०

टेष्ट क्रिकेटमा दोहोरो शतक हान्दै मयङ्कले रचे यस्ताे किर्तिमान

टेष्ट क्रिकेटमा दोहोरो शतक हान्दै मयङ्कले रचे यस्ताे किर्तिमान

२०७६, २९ कार्तिक शुक्रबार १७:१८

दोस्रो विकेट पतनसँगै भारत बी दबाबमा

दोस्रो विकेट पतनसँगै भारत बी दबाबमा

२०७६, २९ कार्तिक शुक्रबार १४:४०

विदेशीको सहयोगमा निर्मित भवन हस्तान्तरण

विदेशीको सहयोगमा निर्मित भवन हस्तान्तरण

२०७६, २९ कार्तिक शुक्रबार १३:१३

विश्वकप छनाेट खेल्ने विमल, अञ्जनसहित चार खेलाडी बर्खास्त

विश्वकप छनाेट खेल्ने विमल, अञ्जनसहित चार खेलाडी बर्खास्त

२०७६, ३० कार्तिक शनिबार १३:५८