बुटवल, १५ माघ –रूपन्देहीको तिलोत्तमा नगरपालिकाले नगर क्षेत्रमा बन्ने घरहरूका लागि कलर कोड निर्धारण गरेको छ। यसअघि सिक्सलेन सडक आसपासमा बन्ने घरहरूका लागि निर्धारण गरिएको कलर कोडलाई नगर कार्यपालिकाको बैठकले सबै क्षेत्रमा कार्यान्वयन गर्ने निर्णय गरेको हो।

नगरभित्रका सबै भवनमा एकरूपता कायम गरी शहरी सौन्दर्य बढाउन सबै घरमा एउटै रङ लगाउने निर्णय गरिएको नगर प्रमुख वासुदेव घिमिरेले जानकारी दिए। यो निर्णयसँगै नयाँ बन्ने भवनमा अब नगरपालिकाले तोकेको रङ लगाएपछि मात्र नक्सापास हुनेछ।

नगरपालिकाले तोकेको रङ भवनको बाहिरी भागका लागि मात्र हो। घरभित्रको रङ लगाउन भने घरधनी स्वतन्त्र रहनेछन्। सबै घरमा लगाइने एउटै रङले नगर आकर्षक बनाउने नगरपालिकाको जनाएको छ।नगरपालिकाले ‘लाइट बिस्कुट’ र ‘कपर’लाई कलर कोड निर्धारण गरेको छ। घरको मुख्य भागमा ‘लाइट बिस्कुट’ र अन्यमा कपर कलर कोड प्रयोग गर्नुपर्नेछ।

सिक्सलेन सडकमा बनेका नयाँ भवनहरूमा तोकिएको कलर कोड कार्यान्वयन भइसकेका छन्। नयाँ बन्ने बाहेकका अन्य घरहरूले पुनः रङ लगाउँदा कलर कोड प्रयोग गर्नुपर्नेछ। नगरपालिकाले पुराना घरहरूलाई तोकिएको कलर कोड प्रयोग गर्न प्रोत्साहन हुने गरी कुनै नयाँ योजना ल्याउन सकिन्छ कि भनेर छलफल भइरहेको जनाइएको छ।

स्थानीय चुनाव निर्वाचनमा तत्कालीन एमालेले आफ्नो चुनावी प्रतिबद्धतापत्रमा घरहरूमा एकै प्रकारको रङको अवधारणा अघि सारेको थियो। रूपन्देहीमा विकासका ठूला पूर्वाधार निर्माण भइरहँदा जिल्लाको तिलोत्तमा नगरपालिकामा बस्ती विकास तीव्र रूपमा बढ्दै गएको छ।

नगरपालिकाले हालै गरेको घरधुरी सर्वेक्षणअनुसार यहाँको जनसंख्या १ लाख २५ हजार पुगेको छ। राष्ट्रिय जनगणना–२०६८ अनुसार यहाँको जनसंख्या १ लाख मात्र थियो। पूर्वाधार विकास, शिक्षा, स्वास्थ्य, रोजगारी लगायतका अवसरले यहाँ बसाइँसराइको चाप उच्च भएका हो। नगरपालिकाले यहाँ नयाँ–नयाँ योजना अघि सारेको छ।

स्थानीय, प्रदेश र संघीय सरकारद्वारा यहाँ विकासका ठूला पूर्वाधारहरू तीव्रतर रूपमा अघि बढेका छन्। प्रदेश राजधानी भएसँगै बुटवलका सरकारी कार्यालयहरूसमेत यहाँ सर्न थालेका छन्। यी सबै कुराको प्रभाव बस्ती विकासमा देखिएको हो। नगरपालिकाले यहाँ चक्रपथ, प्रादेशिक बस टर्मिनल, सामुदायिक अस्पताल, कोल्डस्टोर, फोहोरमैला प्रशोधन केन्द्र, औद्योगिक ग्राम, खेलकुद मैदानलगायत विकासका विभिन्न पूर्वाधार अघि सारेको छ।

नगरपालिकामा दैनिक सरदर तीनवटा नयाँ घर थपिने गरेका छन्। नगरपालिकाको घरनक्सा शाखाले उपलब्ध गराएको घर नक्सा दर्ता संख्याले यस्तो देखाएको हो। नयाँ नगरपालिका भएकाले यहाँ अझै पनि घरहरू पूर्णतः नक्सा पासको प्रक्रियामा आउन सकेका छैनन्।

नक्सा पासविना बनाइएको घरलाई भत्काउनेसम्मको अधिकार स्थानीय तहलाई छ। नगरपालिकमा सरदर दैनिक तीनवटा नयाँ घर नक्सा दर्ता हुने गरेको नक्सा शाखाले जनाएको छ।

लोकप्रिय

प्रदेश प्रहरी गठन नहुँदै हतारमा गाडी खरिद

प्रदेश प्रहरी गठन नहुँदै हतारमा गाडी खरिद

२०७६, ३२ श्रावण शनिबार १५:१८

हरि विष्टको ‘माइतीको देश २’ बजारमा

हरि विष्टको ‘माइतीको देश २’ बजारमा

२०७६, ३१ श्रावण शुक्रबार ०७:३३

विविध घटनामा चारको मृत्यु

विविध घटनामा चारको मृत्यु

२०७६, ३१ श्रावण शुक्रबार १७:५५

लाल आयोग प्रतिवेदनमा दरबार हत्याकाण्डको व्याख्या

लाल आयोग प्रतिवेदनमा दरबार हत्याकाण्डको व्याख्या

२०७६, ३२ श्रावण शनिबार ०८:३७

बेलबारी फुटबल क्लब मोरङद्वारा ताप्लेजुङ–११ टाइबेकरमा पराजित

बेलबारी फुटबल क्लब मोरङद्वारा ताप्लेजुङ–११ टाइबेकरमा पराजित

२०७६, ३२ श्रावण शनिबार १०:२८

उमेर १०३, कमाइ तीन हजार

उमेर १०३, कमाइ तीन हजार

२०७६, ३२ श्रावण शनिबार ०७:२९

समतल रात

समतल रात

२०७६, ३१ श्रावण शुक्रबार १७:२२

नेपाल-भारत एजेन्डा पुरानै

नेपाल-भारत एजेन्डा पुरानै

२०७६, ३१ श्रावण शुक्रबार ०८:१६

‘नारी स्रष्टाहरु आफैँमा प्रशंसनीय र धन्यवादका पात्र छन्’

‘नारी स्रष्टाहरु आफैँमा प्रशंसनीय र धन्यवादका पात्र छन्’

२०७६, ३१ श्रावण शुक्रबार १७:३५

‘इक्यान’ का बराल र गुरुङद्वारा राजीनामा

‘इक्यान’ का बराल र गुरुङद्वारा राजीनामा

२०७६, ३१ श्रावण शुक्रबार ११:०५

बेवारिसे व्यक्तिले नयाँ जीवन पाए

बेवारिसे व्यक्तिले नयाँ जीवन पाए

२०७६, ३१ श्रावण शुक्रबार १३:५७

राजधानीमा चौथो थाई शैक्षिक मेला शुरु

राजधानीमा चौथो थाई शैक्षिक मेला शुरु

२०७६, ३२ श्रावण शनिबार १४:१९

दाङको विश्वास काष्ठ फर्निचरमा आगलागी, ६५ लाखको क्षति   

दाङको विश्वास काष्ठ फर्निचरमा आगलागी, ६५ लाखको क्षति   

२०७६, ३२ श्रावण शनिबार ११:३३

उत्तर कोरियाद्वारा फेरी क्षेप्यास्त्र परीक्षण

उत्तर कोरियाद्वारा फेरी क्षेप्यास्त्र परीक्षण

२०७६, ३२ श्रावण शनिबार ०७:१९

कश्मीरमा गोली हानाहान, ८ जना सैनिकको मृत्यु

कश्मीरमा गोली हानाहान, ८ जना सैनिकको मृत्यु

२०७६, ३१ श्रावण शुक्रबार ०६:४३