मध्यपुरथिमी– पर्यटन वर्ष २०२० लाई लक्षित गर्दै भक्तपुरमा भक्तपुर मेला २०७६ सुरु भएको छ। आगामी २३ गतेसम्म सञ्चालन हुने उक्त मेला भक्तपुरको महेश्वरी खेल मैदानमा सुरु भएको हो।
ममता केन्द्र नेपालले आयोजना गरेको मेलामा पाँच लाख मानिसले अवलोकन गर्ने र रु १० करोडको व्यापार गर्ने लक्ष्य राखिएको छ।
मेलामा रहेका १५० वटा कक्षमा उपभोगका सामान, लत्ताकपडा, खेलकुदका र विद्युतीय सामानलगायत रहेको ममता केन्द्रका अध्यक्ष सगम् लामाले बताएका छन्।
सामानहरुमा १५ प्रतिशतसम्म छुट दिएको उनले बताए। मेलामा विभिन्न खेलकुद तथा नृत्य प्रतियोगिता पनि हुनेछ। (रासस)
