काठमाडौं– प्रतिबन्धित वन्यजन्तुको अंग तस्करीको आरोपमा एक पक्राउ परेका छन्। प्रहरीले हुम्लाको ताँजाकोट गाउँपालिका–५ की २९ वर्षीया सम्झना बुढालाई हेलिकोप्टरमार्फत वन्यजन्तुको अंग तस्करी गरेको आरोपमा पक्राउ गरेको हो।
मंग्लबार बिहान अपराह्र ९ बजे सिम्रिक एयरको हेलिकोप्टरमार्फत गोरखाबाट घापबाट काठमाडौं आएकी उनलाई विमानस्थल सुरक्षा प्रहरी कार्यालयले पक्राउ गरेको हो।
विमानस्थलको फलामे गेट प्रहरी चेकिङ्ग एरियामा एक्सरे मेसिनमा स्क्रीनिङ गर्ने क्रममा बुढाले बोकेको सेतो रंगको बोरामा कालो रंगको वन्यजन्तुको सिंग जस्तो देखिने वस्तु फेला परेको बताइएको छ।
प्रहरीले उनलाई थप अनुसन्धानका लागि जिल्ला वन कार्यालय, हात्तीसार पठाएको छ जनाइएको छ।
