काठमाडौँ, १७ माघ – चलचित्र ‘यात्रा’को ट्रेजर सार्वजनिक भएको छ। काठमाडौँमा बिहीबार आयोजित पत्रकार सम्मेलनमा प्रेमिला संवादहरू प्रयोग गरिएको ट्रेजर सार्वजनिक गरिएको हो। चलचित्र चैत २९ बाट प्रदर्शनमा आउने तयारीमा छ।
केशव भट्टराईको प्रस्तुतिमा निर्माण भएको यस चलचित्रमा सलिनमान बनियाँ, मल्लिका महत्त, सलाेन बस्नेत, रेयर राई, प्रेक्षा बज्रचार्य, जाहन्वी बस्नेत, विशाल कटुवाल लगायतका कलाकारको मुख्य अभिनय रहेको छ। यो चलचित्र मल्लिकाको डेब्यु चलचित्र हो।
चलचित्रको ट्रेजरमा सलिन र मल्लिकाको प्रेमलाई प्रस्तुत गरिएको छ। चलचित्रको कथा, पटकथा तथा निर्देशन सम्राट शाक्यको रहेको छ। सुशील पोख्रेलको लगानी रहेको यस चलचित्रमा विक्रम पराजुली, रामशरण घिमिरे, मुक्ति तिमिल्सिना सह–निर्माता रहेका छन्।सर्जुमान लिगल कार्यकारी निर्माताका रहेको यस चलचित्र निर्माण गर्न लामो समय लागेको छ भने यसमा सञ्जय लामाको छायाङ्कन र बनिष शाहको सम्पादन रहेको छ।
https://youtu.be/Z0oCVcVWumE
