काठमाडौं, १७ माघ – युएईविरुद्धको खेलमा नेपाल पराजित भएपनि नेपालको नाममा एउटा ऐतिहासिक कीर्तिमान जोडिएको छ।
बिहीबारको खेलमा अर्धशतक प्रहार गरेका नेपाली व्याट्सम्यान सन्दीप जोरा टी–२० अन्तर्राष्ट्रिय क्रिकेटमा अर्धशतक प्रहार गर्ने सबैभन्दा कान्छा खेलाडी बनेका छन्।
आइसिसीले आफ्नो आधिकारिक फेसबुक पेजमार्फत यो जानकारी दिएको हो। उनले ४२ बलमा अर्धशतक पूरा गरेका हुन्।
त्यसक्रममा उनले ३ वटा चौका र एउटा छक्का प्रहार गरे। ४७ बल खेलेका सन्दीपले ५३ रन बनाएका छन्।
https://twitter.com/ICC/status/1090947499920146433
