चितवन– चितवनको इच्छाकामना गाउँपालिकाको २ नम्बर वडाका अध्यक्ष पञ्चबहादुर प्रजामाथि स्थानीयहरुको एक समूहले बोक्सा भन्दै कुटपिट गरेको छ। उनीहरुले वडाध्यक्ष प्रजालाई जुत्ताको माला लगाइ मानव मलमुत्रसमेत खुवाउने प्रयास गरेका छन्।
जिल्ला प्रहरी कार्यालय चितवनको अनुसार शनिबार साँझ उत्तरकुमार गुरुङ, बिर्खबहादुर गुरुङ लगायतका व्यक्तिको समूहले वडाध्यक्ष प्रजामाथि कुटपिट गरी बोक्सा भएको भन्दै जुत्ताको माला लगाइ मानव मलमुत्र खुवाउने खोजेको हो।
घटनामा संलग्न रहेका उत्तरकुमार गुरुङ र बिर्खबहादुर गुरुङ पक्राउ परेका छन्। नेपाली कांग्रेसका स्थानीय कार्याकर्ताले वडा कार्यालयमा तालावन्दी लगाएपछि उत्पन्न विवादका बीच वडाध्यक्ष प्रजामाथि यस्तो दुव्र्यवाहार भएको हो।
कांग्रेस कार्यकर्ताले वडा कार्यालयमा तालाबन्दी गरेपछि वडा कार्यालयको सामान सामुदायिक भवनमा सार्ने क्रममा विवाद भएको थियो।
