काठमाडौँ, १८ माघ– भुवन केसीले निर्माण गरेको चलचित्र ‘क्याप्टेन’को ट्रेलर सार्वजनिक भएको छ। चलचित्रमा नायक अनमोल केसीकाे मुख्य भूमिका रहेकाे छ। चलचित्र ‘क्याप्टेन’को ट्रेलर शुक्रबार सार्वजनिक भएको हाे। चलचित्र फागुन १७ गतेबाट प्रदर्शनमा आउँदैछ।
चलचित्रको ट्रेलरले युट्युबमा रेकर्डतोड भ्यूज पाएको छ। ट्रेलर सार्वजनिक भएको २ घन्टा नबित्दै यसले १ लाख ३० हजारभन्दा बढी भ्यूज पाएको छ। यो कुनै पनि नेपाली चलचित्रको ट्रेलरले सर्वाधिक चाँडो पाएको भ्यूज हो।
चलचित्रमा अनमोल केसीलाई गाउँदेखि संघर्ष गरेर राष्ट्रिय स्तरको फुटबल खेलाडी बनेको देख्न सकिनेछ। अनमोलका साथै चलचित्रमा उपासनासिंह ठकुरी, प्रियंका एमभी, सुनिल थापा, प्रशान्त ताम्राकार लगायतका कलाकारको मुख्य भूमिका छ।
दिवाकर भट्टराईको निर्देशनमा तयार भएको यस चलचित्रको ट्रेलर साहिल खानले काटेका हुन्। साहिलको ट्रेलर कटिङ उत्कृष्ट छ। जीया केसी कार्यकारी निर्माता रहेको चलचित्रलाई दीर्घराज खड्काले सम्पादन गरेका हुन्। चलचित्रमा सुदीप बरालको छायांकन, कविराज गहतराजको कोरियोग्राफी, सामीप्यराज तिमिल्सिनाको कथा र अर्जुन पोखरेलको सङ्गीत रहेकोछ।
https://youtu.be/9gx7SLAP918
