वीरगन्ज — सीमाना मिडिया प्रालिद्वारा संचालित डिजिटल पत्रिका इसिमाना डटकमका प्रधान सम्पादक केसी लामिछानेकी आमा आमा मिठुदेवी लामिछानेको शुक्रबार असामयिक निधन भएको छ। उनी लामो समय देखी दमको रोगबाट पिडित थिइन्।
नेपाल पत्रकार महासंघ प्रदेश नम्बर २ का उपाध्यक्ष एवं प्रेस संगठनका लेखा समिति सदस्य समेत रहेका लामिछानेकी आमाको ६७ बर्षको उमेरमा चितवनको कृष्णपुरमा आफ्नै निवासमा निधन भएको हो। उनको दुई छोरा, एक छोरी र श्रीमान छन्।
दुई छोरा मध्य कान्छो केसी लामिछाने सामुदायिक रेडियो नारायणी एफएमका पूर्व स्टेसन प्रबन्धक तथा हाल इसिमाना डटकमका प्रधान सम्पादक हुन्। लामिछानेकी आमाकाे निधनप्रति विभिन्न मिडियाकर्मीले गहिराे दुःख व्यक्त गरेका छन्।
