काठमाडौं– आज स्वर्गीय राजा वीरेन्द्र शाहको जन्मदिन विभिन्न कार्याक्रम गरेर मनाइँदै छ। राजतन्त्रवादीहरुले आज उनको ७५ औं जन्मदिन मनाउँदै छन्।
राजा वीरेन्द्र शाहको जन्म २००२ साल पुस १४ गते भएको थियो। शाहको जन्मजयन्तीको अवसर पारेर आज जावलाखेल चोकमा रहेको वीरेन्द्रको शालिकमा माल्यार्पणको कार्यक्रम समेत राखिएको छ।
२०५८ साल जेठ १९ गते नारायणहिटी दरबारमा भएको हत्याकाण्डमा राजा वीरेन्द्रको निधन भएको थियो।
राजा वीरेन्द्रसँगै रानी ऐश्वर्य, युवराज दिपेन्द्र, अधिराजकुमार निराजन, अधिराजकुमारी श्रुति लगायत १२ जनाको हत्या भएको थियो।
