काठमाडौं – काठमाडौंको सोह्रखुट्टेमा पानी बोक्ने एउटा ट्यांकरले ६ वटा गाडीलाई ठक्कर दिएको छ।
ब्रेक फेल भएर अनियन्त्रित भएको बा ३ ख ९४५० नम्बरको ट्यांकरले बस, कार र मोटरसाइकल गरी ६ सवारी साधानलाई ठक्कर दिएको महानगरीय प्रहरी वृत्त सोह्रखुट्टेले जनाएको छ।
घटनामा कुनै मानवीय क्षति भने नभएको प्रहरीले बताएको छ । यसबारे थप अनुसन्धान भइरहेको प्रहरीले जनाइएको छ ।
मोटरसाइकल चालकलाई सामान्य चोट लागेको महानगरीय प्रहरी वृत्त सोह्रखुट्टे असई बसन्त थापाले जानकारी दिएका छन्।उनका अनुसार ट्यांकर चालक फरार छन्। उनको खोजी भइरहेको छ।
