काठमाडौँ, २० माघ – सञ्चारकर्मी तथा गायक किशन रेग्मी र गायिका रेश्मा केसीको आवाजमा नयाँ गीत सार्वजनिक भएको छ। ‘कुम जोडी नाचौँ लाग्यो’ बोलको गीत म्युजिक भिडियोसहित सार्वजनिक भएको हो। गायक किशन अमेरिकाबाट सञ्चालित यूएस खबर डटकमका सञ्चालक हुन्।
गायक रेग्मीको यसअघि ‘कान्छी हे कान्छी’ निकै रुचाइएको गीत हो। हाल सार्वजानिक भएको गीतको म्युजिक भिडियो यूएस मिडिया नेटवर्कको युट्युब च्यानलबाट सार्वजनिक गरिएको छ।यस गीतलाई कलाकार तथा चलचित्र निर्देशक शिशिर राणाले निर्देशन गरेका छन्।
यसमा कमल राईको कोरियोग्राफी रहेको छ। यस गीतमा शिव शर्मा ‘चञ्चल’को शब्द र एसडी योगीको सङ्गीत रहेको छ।शिव ढकालले छायाङ्कन गरेको यस गीतको भिडियोमा मोडल निकोलस अर्याल र एञ्जल श्रेष्ठको अभिनय रहेको छ।
https://youtu.be/-L_r39BdKiM
