झापा– शनिबार प्रदेश नं १ लाई सडक बालबालिकामुक्त बनाउने अभियानअन्तर्गत झापाको दमकबाट १५ जना सडक बालबालिकाको उद्धार गरिएको छ।
उद्धार गर्न प्रदेश नं १ का सामाजिक विकासमन्त्री जीवन घिमिरेसहित अधिकारी दमकको चोक, बजारका सडकमा पुगेका थिए। सडक बालबालिकालाई नेपाल प्रहरीको बालबालिका खोजतलास समन्वय केन्द्रको सहयोगमा उद्धार गरिएको जनाइएको छ।
उद्धार टोलीमा दमक नगरपालिका प्रमुख रोमनाथ ओली, उपप्रमुख गीता अधिकारी, प्रदेश सामाजिक विकास मन्त्रालयका सचिव वीरबहादुर राई, दमक प्रहरी प्रमुख बिजयराज पण्डितलगायत सहभागी थिए।
सामाजिक विकास मन्त्रालयका सचिव राईकको अनुसार प्रदेशलाई सडक बालबालिकामुक्त बनाउने अभियान शुक्रबार धरानबाट शुरु भएको हो र प्रदेशका मुख्य शहरमा त्यस अभियान सञ्चालन गरिने छ।
