काठमाडौं– प्रहरी महानिरीक्षक (आईजीपी) सर्वेन्द्र खनालले नेपाली चलचित्रमा प्रहरीलाई नकारात्मक रुपमा प्रस्तुत गर्ने गरिएकोमा असन्तुष्टि जनाउदै यस्तो नगर्न आग्रह गरेका छन्।
१० औं नेफ्टा अवार्ड घोषणा समारोहमा बोल्दै उनले चलचित्रमार्फत समाजमा महत्त्वपूर्ण प्रभाव पर्ने हुनाले प्रहरीलाई नकारात्मक रुपमा प्रस्तुत गर्ने गरियो भनेसमाजले प्रहरीलाई सोही रुपले लिने भएकाले सकारात्मक भूमिकामा प्रस्तुत गरिदिन आग्रह गरे।
चलचित्रकर्मीहरुले प्रहरीको भूमिकालाई सकारात्मक रुपमा फिल्म देखाए प्रहरीप्रति समाजमा रहेका भ्रमहरु हट्न केही सहयोग पुग्ने धारणा राखे। त्यस्तै खनालले प्रहरीको विषयमा फिल्म बनाइए संगठनले आवश्यक सहयोग गर्न तयार रहेको पनि जनाए।
