काठमाडौं २१ माघ– काठमाडौं २१ माघ– बलिउडकी चर्चित नायिका साराअली खानले बायोपिकमा काम गर्ने भएकी छिन्। उनले बलिउडमा २ वटा सुपरहिट चलचित्र दिइसकेकी छन्। उनी अहिले बलिउडकी टप ५ जना नायिका मध्ये एकको सूचिमा छिन्। उनको सफलतासँगै उनलाई लिएर चलचित्र बनाउन चाहने निर्माताको संख्या पनि बढेको छ।
उनले धेरै चलचित्रमा काम गर्ने हल्ला बारम्बार चलेपनि केही चलचित्रमा मात्रै काम गरेको पाइन्छ। उनले ‘लभ आजकल २’ मा पनि काम गर्ने चर्चा चलेको थियो। तर अब भने साराले एक बायोपिक कथामा काम गर्ने भएकी छिन्। ‘एक थि डायन’ नामक चलचित्र निर्देशन गरेका निर्देशक कन्नान लेएरले बनाउन लागेको एक बायोपिकमा साराअली अनुबन्धित भएकी हुन्।
कसको बायोपिकमा चलचित्र बन्ने त्यो भने फाइनल भएको छैन। यही वर्षको अगष्ट महिनाबाट चलचित्रको छायाङ्कन सुरु हुनेछ। यो चलचित्रलाई धर्म प्रोडक्सनले निर्माणमा साथ दिएको छ। बायोपिकमा निर्माण हुने यस चलचित्रको मुख्य भुमिकामा साराअलीलाई देख्न पाईने भएको छ।
