काठमाडौं– श्रम, रोजगार तथा सामाजिक सुरक्षामन्त्री रामेश्वर राय यादवले आफूले गर्ने कामको विवरण सार्वजनिक गरेका छन्।
मन्त्री यादवले मंगलबार मन्त्रालयमा पत्रकार सम्मेलन गरी चालु आर्थिक वर्षमा ६० हजार बेरोजगारलाई १०० दिनको लागी रोजगारी प्रदान गर्ने गरी स्थानीय तहबाट रोजगार दिने बताएका छन्।
वैदेशिक रोजगार विभागका सबै अभिलेख विद्युतीय अभिलेखांकन गर्ने, विदेशस्थित कुटनीतिक नियोगबाट पुनः श्रम स्वीकृति दिने व्यवस्था कार्यान्वयनमा ल्याउने, बिमा र कल्याणकारी कोषवापतको रकम अनलाइन प्रणालीमार्फत बुझाउने व्यवस्था गर्ने, दुई वर्ष पुराना सबै संस्थागत उजुरीहरुको छानबिन प्रक्रिया सम्पन्न गर्ने जस्ता कार्ययोजना मन्त्रालयको छ।
मन्त्रालयले थप १० हजार जनालाई लक्षित गरी वैदेशिक रोजगारबाट फर्केका कामदारहरुका लागि आर्थिक तथा सामाजिक पुनः एकीकरण कार्यक्रम कार्यान्वयनमा ल्याउने योजना बनाएको छ।
-1620891302.jpg)
---2024-09-27T162958.865-1727433921.jpg)
