काठमाडौं — लागूऔषध प्रयोग गरी नशाको तालमा सटर र पसल फोरेर चोरी गरेको अभियोगमा प्रहरीले ५ जनालाई पक्राउ गरेको छ।
पक्राउ पर्नेमा झापा घर भई काठमाडौंको कपन बस्ने १६ वर्षीय आशिस आचार्य, गोरखा घर भई सोहि ठाउँ बस्ने १७ वर्षीय आयुष थापामगर, त्यसैगरी दोलखा घर भएका १७ वर्षीय लाक्पा छिरिङ शेर्पा, रामेछाप घर भएका १८ वर्षीय अजय मगर र धनकुटा घर भएका १६ वर्षीय सन्तोष धमला रहेको प्रहरीले जनाएको छ।
प्रहरीले उनीहरुको साथबाट ५ हजार रुपैयाँ नगदसहित ७ थान मोबाइल, आधा किलो गाँजा र ७० ट्याबलेट ‘Nitravet Tablet’ सहित बिहिबार नियन्त्रणमा लिएको हो।
पक्राउ परेकाहरुमाथि आवश्यक अनुसन्धान भइरहेको प्रहरीले जनाएको छ। डीएसपी लम्सालका अनुसार, किशोरहरूले लागूपदार्थको नसामा लठ्ठिएर रातको समयमा चोरी गरेका थिए।
